Ինչպես են իրականում հագնվում տարբեր երկրների աղջիկները

14:14 • 15.03.17

Կարծրատիպերը գրավել են մեր աշխարհը։ Մարդիկ առաջնորդվում են սեփական պատկերացումներով, որոնք, իրականում հասարակական են։ Շատերը կարծիք են կազմում որևէ երկրի մասին միայն այլ մարդկանց կարծիքի հիման վրա։

Interesnoznat-ը գրում է, որ կարծրատիպերն հենց կոտրելու համար են։ Եթե կարծում եք, որ Իրանում միայն սև հագուստով կանայք են ապրում, իսկ Ճապոնիայում աղջիկները մուլտֆիլմների կերպարների տեսք ունեն, ապա սխալվում եք։

Ահա, թե ինչպես են հագնվում տարբեր երկրներում ապրող աղջիկները։

Իրան․ Այո, Իրանում ընդունված է հիջաբ օգտագործել, սակայն ժամանակակից աղջիկները գտել են նորաձև և ոճային տեսք ունենալու տարբերակները։

Ճապոնիա․ Ճապոնիայում սիրում են անիմեներին, սակայն նրանց պես են հագնվում միայն տարբեր ուղղություններին ու սուբկուլտուրաներին պատկանող մարդիկ։ Սովորական աղջիկներն ու կանայք նախընտրում են էլեգանտ տեսք ունենալ և յուրահատուկ աքսեսուարներ են օգտագործում։

Ֆրանսիա․ Ֆրանսուհիները նախընտրում են էլեգանտ, պարզ ու մի փոքր թափթփված տեսք ունենալ։ Նրանք խուսափում են կաղապարված կերպարներից։

Իտալիա․ Իտալիայում դիզայներական հագուստ ու խոշոր աքսեսուարներ են հագնում միայն այն կանայք, որոնք պետք է պոդիում բարձրանան կամ հարուստ տեսք ունենան։ Սովորական կանայք նախընտրում են պարզ, բայց ճաշակով հագուստ։ Նրանք ցանկացած տարիքում չեն մոռանում, որ կին են ու հետևում են իրենց արտաքին տեսքին։

Ռուսաստան․ Ռուս աղջիկները ճանաչված են իրենց գեղեցկությամբ։ Իհարկե, այս երկրի էթնիկ բազմազանությունն իր ներդրումն ունեցել է, սակայն այս կանայք չեն դադարում իրենց գեղեցիկ զգալ ու գեղեցիկ տեսք ունենալ։ Նույնիսկ ցուրտ եղանակներին նրանք բարձրակրունկ կոշիկներ ու կարճ կիսաշրջազգեստներ են հագնում։ Չնայած, ժամանակից աղջիկներն արդեն նախընտրում են հարմարավետ հագնվել, սակայն ոչ անճաշակ։

Մեծ Բրիտանիա․ Մեծ Բրիտանիայում ապրող աղջիկները կարողանում են համադրել այն, ինչ չի համադրվում։ Հենց այստեղ են ստեղծվում թրենդները։ Նրանք կարող են անգլիական էթիկետի կանոններին հետևել, սակայն ճաշակով ու համարձակ տեսք ունենալ։