9 իր, որ պետք է դեն նետեք ձեր զգեստապահարանից

15:25 • 17.03.17

Կարճ տաբատները ու կրոպ-տոպերը, փքված ժիլետներն և այս ցանկում նշված այլ հագուստն այլևս չի կարող տեղ գտնել ձեր զգեստապահարանում։

Cosmo-ն գրում է, որ դրանք շատ նորաձև էին երկար տարիների ընթացքում, սակայն այժմ այլևս ոճային չեն համարվում։ Այնպես որ, եթե ունեք այս հագուստներից մեկը, ապա թաքցրեք այն զգեստապահարանի հեռու անկյունում կամ դեն նետեք։

Առանց թևքերի վոդոլազկաներն անհասկանալի հագուստ են։ Ամռանը դրանցով շոգ է, իսկ ձմռանը ցուրտ։ Դրանք կարող եք փոխարինել սովորական շապիկներով կամ բլուզներով։

Եվս մեկ անհասկանալի հագուստ է փքված ժիլետը։ Առաջին հայացքից այն ցուրտ եղանակի համար է նախատեսված, սակայն առաջանում է նույն խնդիրը՝ ձմռանը դրանով ցուրտ է, իսկ ամռանը շոգ։ Նախապատվությունը տվեք սովորական վերարկուներին։

«Մերկ» զգեստներից հետո ոչ ոք չզարմացավ, երբ նորաձևություն մտան շատ կարճ կրոպ-տոպերը։ Իհարկե, նորմալ երկարություն ունեցող կրոպ-տոպերը շատ լավ են նայվում բարձր գոտկատեղով տաբատների կամ կիսաշրջազգեստների հետ, սակայն կան նաև այնպիսի կրոպ-տոպեր, որոնք կրծկալից չեն տարբերվում։

Երբ մորթիով հողաթափերը հայտնվեցին հայտնի աստղերի զգեստապահարաններում, հազարավոր աղջիկներ չհասկացան, թե ինչպես դրանք օգտագործել։ Սակայն, ժամանակի ընթացքում նաև դրանց սովորեցին։ Այժմ ժամանակն է հրաժարվել այս տարօրինակ թրենդից։

Բաց քթով բատիլյոններն ամենաանհասկանալի թրենդն են։ Բատիլյոններն ի սկզբանե ստեղծված են սառը և ցուրտ եղանակի համար, և դրանց համադրությունը ամառային կոշիկների հետ անհասկանալի է։ Շատերը չեն հասկանում, թե այս կոշիկներն որ եղանակի համար են։

Բոլորն արդեն հոգնել են կիսամերկ աստղերի թափանցիկ զգեստներից։ Խուսափեք «Մերկ զգեստներից»։

Կտրվածքներով լողազգեստները բավականին անհարմար են, քանի որ դրանք հանելուց հետո կտեսնեք, որ ձեր մարմինը տարբեր երանգներ է ստացել։ Այնպես որ, նախապատվությունը տվեք սովորական լողազգեստներին։