6 խորհուրդ՝ Instagram-ը հաքերներից պաշտպանելու համար

14:43 • 30.03.17

Ժամանց

Instagram-ը մեր ժամանակների խոշորագույն սոցիալական ցանցն է, որտեղ ամեն օր ավելի քան 80մլն լուսանկար են հրապարակում։ Այս ցանցում են գրանցված 400մլն ակտիվ օգտատեր։

Սա մի հարթակ է, որտեղ տարածում են տարբեր տեսակի լուսանկարներ, ինչպես նաև ակտիվ գովազդով են զբաղվում։ Ինչպես և բոլոր այլ սոցիալական կայքերում, այստեղ ևս գրանցվում են օգտատիրոջ անձնական տվյալները։ Ամեն օր հաքերները կոտրում են տարբեր մարդկանց օգտահաշիվներն ու անձնական ինֆորմացիա գողանում և պետք է իմանալ, թե դրանք ինչպես պաշտպանել։

1. Գաղտնաբառ

Գաղտնաբառերի հետ պետք է շատ ուշադիր լինել։ Դրանք երբեք պետք չէ որևէ մեկին ասել ու պետք է կանոնավոր կերպով փոխել։ Շատ կարևոր է, որ բոլոր կայքերում նույն գաղտնաբառը չունենաք։ Այդ դեպքում, եթե կոտրեն ձեր օգտահաշիվներից մեկն, ապա կկարողանան կոտրել ձեր բոլոր օգտահաշիվները։ Instagram-ի գաղտնաբառին դա ևս վերաբերվում է։

2. Գաղտնիություն

Անպայման պետք է հետևել գաղտնիությունը։ Ուշադիր հետևեք, թե ովքեր են հետևում ձեզ։ Նրանց շարքերում պետք է լինեն միայն այն մարդիկ, որոնց դուք ճանաչում եք։ Դրա համար պետք է միացնել Instagram-ի Private account ծառայությունը։ Հատկապես, ուշադիր եղեք ձեր երեխաների լուսանկարները հրապարակելիս, ինչպես նաև պետք չէ փաստաթղթեր ու բանկային հաշիվներ պարունակող լուսանկարներ հրապարակել։

3. Repost

Կան բազմաթիվ ծրագրեր, որոնք առաջարկում են «հեշտացնել ձեր կյանքը» և այնպիսի հավելվածներ ներբեռնել, որոնք թույլ են տալիս հենց բրաուզերի կամ սմարթֆոնի օգնությամբ կիսվել այլ մարդկանց լուսանկարներով և հրապարակումներով։ Մինչ դրանք ներբեռնելը մտածեք, արդյոք պատրաստ եք ձեր անձնական ինֆորմացիան տրամադրել այդ հավելվածը ստեղծողին։

4. Ռոբոտների զոհ մի դարձեք

Նույնիսկ, եթե Instagram-ի ձեր էջը փակ է ու ձեզ հետևելու համար անհրաժեշտ է ձեր թույլտվությունը՝ պետք չէ լիցքաթափվել։ Մի խաբվեք ու ընդունեք այն մարդկանց, որոնք գեղեցիկ են ու ցանկանում են ծանոթանալ ձեզ հետ։ Մեծ է հավանականությունը, որ դրանք կեղծ էջեր են, որոնք պարզապես ցանկանում են կոտրել ձեր էջը կամ գողանալ ձեր անձնական տվյալները։

5. Օգնեք, ինձ կոտրել են

Եթե կարծում եք, որ ձեր էջը կոտրել են, ապա միանգամից փորձեք փոխել գաղտնաբառը։ Եթե չեք կարողանում մտնել ձեր էջ, ապա այցելեք Instagram’s Help Center։ Այստեղ կարող եք փոխել կամ վերականգնել ձեր գաղտնաբառը, ինչպես նաև բողոքել, եթե ինչ որ մեկն անհարիր ինֆորմացիա է տարածում։

6․ Կապ հեռախոսի և Instagram-ի միջև։

Գրանցվելուց հետո, անմիջապես կապ ստեղծեք Instagram-ի օգտահաշվի ու ձեր հեռախոսի միջև։ Միացրեք երկու կողմանի իսկության ծառայությունը։ Դրա շնորհիվ, եթե ինչ որ մեկը ցանկանա կոտրել ձեր էջը կամ պարզապես հավաքել ձեր գաղտնաբառը՝ նրան պետք կգա ձեր կողմից թույլտվություն։ Թույլտվության համար օգտագործվում է հատուկ, փոփոխվող կոդ, որը նամակի տեսքով գալիս է ձեր հեռախոսին։ Սա օգտահաշիվը պաշտպանելու լավագույն տարբերակներից մեկն, որն օգտագործվում է նաև այլ սոցիալական կայքերում։