7 պատճառ, որ կոշիկներն էժանագին տեսք ունեն

11:34 • 03.04.17

Շատ հաճախ մարդիկ կարծում են, որ թանկությունը որակի խորհրդանիշ է, սակայն իրականում պարտադիր չէ, որ թանկարժեք իրերը նաև որակով լինեն։

Marketium-ը գրում է, որ կան այնպիսի մարդիկ, որոնք նախընտրում են ունենալ մեկ զույգ կոշիկ, սակայն թանկարժեք։ Իրականում, չարժե էժանագին կոշիկներ հագնել, քանի որ դրանք շատ են աչքի ընկնում ու կարող են փչացնել ձեր կերպարը։ Իհարկե, պետք չէ նաև ծայրահեղությունների գիրկն ընկնել ու չափազանց թանկարժեք կոշիկներ գնել։ Ներկայացնում ենք մի քանի պատճառ, որոնք կարող են էժանագին տեսք հաղորդել ձեր կոշիկներն. խոսքը գնի մասին չէ։

1. Չափազանց բարձր տակացու. ոմանք սա գեղեցիկ են համարում, սակայն դիզայներները բազմիցս նշել են, որ այսպիսի կոշիկները վուլգար տեսք ունեն ու կարող են փչացնել ձեր կերպարը։

2. Սխալ չափսի կոշիկներ. ընտրեք այնպիսի կոշիկներ, որոնք համապատասխանում են ձեր ոտքի չափսին։ Առաջնորդվեք հարմարավետություն և համապատասխանություն սկզբունքով։

3. Շատ «բարդ» դիզայն. չափազանց փայլփլուն կամ ավելորդ դետալներով կոշիկները բավականին անճաշակ տեսք ունեն։ Պետք չէ չափն անցնել ու տարբեր ոճերն իրար խառնել։ Ընտրեք ավելի պարզ մոդելներ։

4. Երաժշտական թեմատիկա. հատկապես ռոք երաժշտությունից ոգեշնչված մոդելները կարող են էժանագին տեսք հաղորդել ձեր կերպարին։ Եթե դուք ռոք աստղ կամ մոտոցիկլետավարի ընկերուհի չեք, հրաժարվեք մետաղական ավելորդ հավելումներից։

5. Խազեր. ցանկացած խազեր ու հետքեր փչացնում են կոշիկների տեսքը։ Նույնիսկ, եթե դրանք շատ գեղեցիկ ու թանկարժեք կոշիկներ են, միևնույն է, խազերի դեպքում պետք է դեն նետվեն։ Թանկարժեք կոշիկների հետ ավելի զգույշ եղեք։

6. Արհեստական կաշի. արհեստական կաշին օգտագործում են նաև ճանաչված բրենդների կոշիկներ կարելիս։ Ամեն բան կախված է արհեստական կաշվի որակից։ Եթե կոշիկները շատ մատչելի են, ավելի լավ է խուսափել դրանցից, քանի որ արհեստական կաշին ավելի վատ տեսք է հաղորդում մատչելի կոշիկներին։

7. Լաքապատ կոշիկներ. լաքապատ կոշիկներ կան նաև համաշխարհային դիզայներական հավաքածուներում, սակայն այս դեպքում կարևոր է գինը։ Նման կոշիկներ գնելիս նախապատվությունը տվեք մուգ գույներին՝ սև, շագանակագույն, բալագույն և այլն։ Վարդագույն ու երկնագույն լաքապատ կոշիկները միանգամից կմատնեն, որ դրանք էժանագին են։