10 ոճային հագուստ, որոնք հագնելու համար պարտադիր չէ նիհար լինել

18:16 • 14.04.17

Կանայք հաճախ են անհանգստանում իրենց կառուցվածքի համար։ Ոմանք խուսափում են ոչ ստանդարտ հագուստ հագնել, քանի որ կարծում են, որ այն չի համապատասխանի իրենց կառուցվածքին։

Adme-ն գրում է, որ այս մասին պետք է մոռանալ։ Այս սեզոնի նորաձև հագուստը չափսեր չի ճանաչում։ Այն կարող են հագնել ցանկացած տիպի կառուցվածք ունեցող աղջիկները։

1. Կարճ շապիկ։ Այս գարնանը դրանք շատ նորաձև կլինեն։ Համադրեք դրանք բարձր գոտկատեղով տաբատների հետ։ Այսպիսի շապիկները հագնելու մեկ կանոն կա՝ եթե ներքևի հագուստը լայն է, վերևինը պետք է նեղ լինի և հակառակը։

2. Կարճ զգեստ։ Փարթամ աղջիկները կարծում են, որ չեն կարող կարճ զգեստ հագնել, սակայն նրանք նույնպես նման զգեստներ հագնելու իրավունք ունեն։ Այս դեպքում միայն մեկ կանոն կա՝ զգեստի ու կոշիկների միջև պետք է քիչ տարածություն լինի։ Նախապատվությունը տվեք կոշտ կտորից պատրաստված կարճ զգեստներին ու համադրեք դրանք երկարաճիտ կոշիկներով։

3. Երկար ժիլետ։ Մի քանի շերտ հագուստ հագնելն այժմ շատ նորաձև է։ Եթե ձեր կերպարը ձանձրալի եք համարում, ապա այն երկար ժիլետի հետ համադրեք։

4. Կապվող զգեստ։ Այսպիսի զգեստն ընդգծում է կուրծքն ու թաքցնում թերությունները։ Նախապատվությունը տվեք երկար զգեստներին։

5. Կոմբինիզոն։ Այս տարվա թրենդներից մեկը կոմբինիզոնն է։ Եթե փարթամ կառուցված ունեք, ապա նախապատվությունը տվեք ավելի լայն տարբերակներին։

6. Հանգույցով զգեստ։ Հանգույցի օգնությամբ զգեստն ավելի հետաքրքիր է դառնում, իսկ մարմնի թերություններն այլևս չեն երևում։

7. Բաց ուսեր։ Բաց ուսերի միջոցով կարող եք ռոմանտիկ կերպար ստանալ ու գրավել բոլորի ուշադրությունը։

8. Գծավոր հոգուստ։ Ոչ հորիզոնական, ոչ էլ ուղղահայաց գծերը չեն գիրացնում։ Ընտրեք այն տարբերակը, որը ձեզ դուր է գալիս ու հետաքրքիր համադրություններ մտածեք։

9. Հանգույց կապած շապիկ։ Հաջորդ անգամ, երբ շապիկ կամ վերնաշապիկ հագնեք, փորձեք դրա ներքևի հատվածը հանգույց կապել։ Ձեր կերպարն ավելի ժամանակակից ու հետաքրքիր կդառնա։

10. Զգեստ-վերնաշապիկ։ Այսպիսի զգեստները անփոխարինելի են փարթամ կառուցվածք ունեցող աղջիկների համար։ Դրանք թաքցնում են մարմնի բոլոր թերությունները և վիզուալ նիհարեցնում են։