10 հակաթրենդ, որ փչացնում է ամենալավ look–ը

14:14 • 18.04.17

Գարնան սկիզբը համապատասխան ժամանակ է, որպեսզի թարմացնեք ձեր զգեստապահարանը։ Առաջին հերթին պետք է ազատվել անցյալ սեզոնի որոշ թրենդներից, որոնք այժմ հակաթրենդ են դարձել։

Discoverstyle-ը գրում է, որ այս հագուստն այլևս նորաձև չէ և տեղ չունի այս սեզոնի թրենդների շարքում։ Այն կարող է փչացնել ամենալավ look–ը։

1. Թաթի հատվածում բարձր տակացու ունեցող բարձրակրունկներն արդեն վաղուց դուրս են եկել նորաձևությունից, սակայն շատերը շարունակում են հագնել դրանք։ Դրանք կարող եք փոխարինել դասական «նավակ» կոշիկներով կամ հաստ կրունկ ունեցող կոշիկներով։

2. Բարձր տակացուով մարզակոշիկները գրավել էին նորաձևությունը, սակայն այժմ հակաթրենդ են համարվում։ Դիզայներների կարծիքով դրանք ծանրացնում են ոտքն ու այն ավելի խոշոր են դարձնում։ Դրանք փոխարինեք սովորական մարզակոշիկներով, որոնք այժմ չափազանց նորաձև են։

3. Ցածր գոտկատեղով տաբատներն ոչ միայն նորաձև չեն, այլև վնասում են ձեր առողջությանը։ Դրանց փոխարինում են բարձր գոտկատեղով ջինսերն, ինչպես նաև այս սեզոնի թրենդը՝ mom’s jeans-ը, որը 90-ականների ոճով ու ավելի լայն է։

4. Փայլուն քարերով զարդարված ջինսերն արդեն վաղուց նորաձև չեն։ Այս սեզոնին նորաձև է պարզությունը, այդ պատճառով էլ նախապատվությունը տվեք սովորական ջինսերին։ Եթե ցանկանում եք ավելի վառ ջինսեր հագնել, ապա ընտրեք այս սեզոնին շատ նորաձև գործվածքներով տարբերակներ։

5. Բիժուտերիայի հավաքածուները դադարել են նորաձև համարվել։ Այժմ նորաձև է տարբեր հավաքածուներից զարդերի համադրությունը, որոնք ինչ-որ ընդհանուր գիծ կամ երանգ ունեն։ Այդպես ձեր կերպարն ավելի հետաքրքիր կստացվի։

6. Թափանցիկ ու փայլուն զուգագուլպաները դիզայներների մղձավանջի են նման։ Նման զուգագուլպաներն այլևս նորաձև չեն։ Դրանց փոխարինում են գունավոր ու ավելի հաստ զուգագուլպաները կամ դրանց թափանցիկ ու անփայլ տարբերակները։

7. Կոշիկների ու պայուսակի գունային համադրությունը երկար ժամանակ պարտադիր է եղել։ Պայուսակն ու կոշիկներն, անպայման, պետք է նույն գույնի լինեին, հակառակ դեպքում կերպարը կատարյալ չէր լինի։ Այս սեզոնի թրենդներից մեկը տարբեր գույնի պայուսակն ու կոշիկներն են։ Պարտադիր չէ, որ դրանք նույն գույնի լինի, բավական է միայն, որ պարզապես համապատասխան ոճի լինեն։

8. Նեոնային գույներն այլևս նորաձև չեն, քանի որ այս սեզոնի նորաձևությունը բնական գույների ու հարմարավետության հիմքով է ստեղծվում։ Այդ գույներին փոխարինում են բնականին ավելի մոտ, հանգիստ գույները։

9. Աֆգանի-տաբատները շատ տղամարդկանց կարծիքով կանանց զգեստապահարանի ամենա ոչ սեքսուալ հագուստն են։ Դրանք խախտում են մարմնի կառուցվածքի տեսքն ու ոտքերը վիզուալ ավելի կարճ դարձնում։ Այսպիսի տաբատներին կարող են փոխարինել Գալիֆե տաբատները։

10. Ծաղիկներով գլխակապերն անցյալ գարնանը շատ նորաձև էին, սակայն այժմ դրանց փոխարինում են սովորական, պարզ գլխակապերը։ Նախընտրելի է, որ դրանք բաց գույների լինեն ու համապատասխանեն ձեր վարսերի գույնի հետ։