Ինչպես տարբերել պայուսակը բրենդային է, թե ոչ

Հաճախ կեղծված իրերը վաճառում են բրենդայի իրերի անվան տակ։ Չխաբվելու ու օրիգինալ իրերը տարբերելու համար պետք է մի քանի խորամանկություն իմանալ։

Cosmo-ն գրում է, որ եթե  ցանկանում եք Louis Vuitton-ի պայուսակ գնել կամ պարզապես ստուգել դրա օրիգինալ կամ կեղծ լինելն, ապա հետևեք այս խորհուրդներին։

1.      Ուշադրություն դարձեք մանր դետալներին։ Եթե համացանցի միջոցով եք գնումներ անում, ապա հաշվի առեք, որ ձեզ կարող են խաբել։ Առաջին հերթին պայուսակի հավելյալ լուսանկարներ պահանջեք։ Եթե վաճառողը հրաժարվի տրամադրել դրանք, ապա դա արդեն անհանգստանալու պատճառ է։ Եթե լավ ծանոթ չեք բրենդին, ապա Louis Vuitton-ի պաշտոնական կայքում փնտրեք ձեզ դուր եկած պայուսակի լուսանկարը և ուսումնասիրեք այն։ Համեմատեք ձեզ ուղարկված լուսանկարները պաշտոնական էջի լուսանկարների հետ։ Նույնն արեք նաև խանութից գնելու դեպքում։

2.      Ուշադրություն դարձրեք կարվածի որակին։ Ուսումնասիրեք կարված ձևը։ Օրիգինալ պայուսակների դեպքում «LV»  լոգոտիպը երբեք կարի տակ չի ընկնում։ Օրիգինալ Louis Vuitton պայուսակները կատարյալ որակ ունեն, դրանց կարերը համարյա չեն երևում, բոլոր դետալները սիմետրիկ ու հավասարաչափ են։

3.      Ուշադրություն դարձրեք ներսի հատվածին։ Պայուսակի ներսի բոլոր կտորներն ու գրպանները պետք է համապատասխանեն պայուսակի բռնակների գույնին։ Այս դեպքում ևս համեմատեք նկարների հետ։

4.      Ուշադրություն դարձրեք տեսքին։ Օրիգինալ պայուսակը պլաստիկ նյութից չի կարող պատրաստված լինել։ LV լոգոտիպը ևս կարող է վկայել կեղծիքի մասին։ Օրիգինալի դեպքում տառերի ձախ անկյունն ավելի հաստ է, քան աջը։

5.      Ուշադրություն դարձրեք կնիքներին։ Բոլոր օրիգինալ պայուսակները լեզվակներին կնիքներ ունեն։ Ինչպես նաև բոլոր պայուսակներն իրենց կոդն ունեն՝ 2 տառ և 4 թիվ։ Տառերը խոսում են պատրաստման երկրի մասին, իսկ առաջին և երրորդ թվերն այն շաբաթն են, երբ պատրաստվել է պայուսակը, իսկ երկրորդ և չորրորդ թվերը ստեղծման տարեթիվն են։ Կոդը թույլ է տալիս հասկանալ, թե որքան ժամանակ է պայուսակն օգտագործվում և որքանով է համապատասխանում վիճակն իր ստեղծման ժամանակին։

6.      Ուշադրություն դարձրեք գնին։ Պետք է հաշվի առնել բրենդի գնային համակարգն ու ուշադրություն դարձնել առաջարկվող զեղչին։ Բրենդը երբեք իր հավաքածուների պայուսակների մեծածախ վաճառք չի անում։ Եթե ձեզ առաջարկում են ցածր գնով պայուսակ, ապա հրաժարվեք։