4 խորհուրդ վարսերն արագ երկարացնելու համար

21:37 • 27.04.17

Շատերի վարսերը բավականին դժվար են երկարում, այդ պատճառով էլ ոչ բոլոր աղջիկներն են համարձակություն գտնում ու կտրում դրանք։ Եթե ցանկանում եք, որ ձեր վարսերն արագ երկարեն, պետք է մի քանի հնարք իմանաք։

Առաջին հերթին պետք է հաշվի առնել վարսերի որակը։ Եթե դրանք յուղոտ են, օգտվեք սնուցող դիմակներից, որոնք կսնուցեն գլխամաշկն ու կնվազեցնեն յուղոտությունը, իսկ եթե վարսերը չոր են, օգտագործեք փափկացնող դիմակներ, որոնք թույլ չեն տա, որ թեփ կամ քոր առաջանա։

Ահա մի քանի հնարք, որոնք կօգնեն արագ երկարացնել վարսերը.

1. Եթե ցանկանում եք, որ վարսերն արագ երկարեն, դրանք ճիշտ լվացեք։ Tert.am Life-ը մինչ այս գրել է վարսերը ճիշտ լվանալու մասին։ Վարսերը երկարացնելու համար պետք է օգտագործեք պրոտեինով հարուստ շամպուններ։ Մինչ շամպուն գնելը համոզվեք, որ այն համապատասխանում է ձեր գլխամաշկի տիպին։ Սովորաբար, այդ մասին տեղեկությունը գրված է լինում պիտակին։

2. Դիմեք վերականգնողական միջոցների օգնությանը։ Օգտագործեք տարբեր դիմակներ ու բուժիչ քսուքներ և խնամեք գլխամաշկը։ Վարսերի աճն արագացնող հատուկ դիմակ պատրաստեք։ Ձեզ անհրաժեշտ է՝

· Թթվասեր

· Հավկիթ

· Մեղր

· Լիմոնի հյութ

Խառնեք բաղադրիչներն ու մի քանի կաթիլ լիմոնի հյութ ավելացրեք։ Ստացված քսուքը տարածեք վարսերի արմատներին ու թողեք 30 րոպե։ Այնուհետև գոլ ջրով ու շամպունով լվացեք վարսերը։

3. Վարսերի աճի համար մերսեք գլխամաշկը։ Ամեն օր 5-10 րոպե մերսեք գլխամաշկը, դրա շնորհիվ վարսերն ավելի առողջ ու գեղեցիկ տեսք կունենան։ Աշխատեք շատ բարդ սանրվածքներ չանել և վարսերը շատ ամուր չկապել։

4. Վարսերի աճի համար բազմաթիվ վիտամիններ կան, որոնք ընդունելու դեպքում վարսերն ավելի առողջ կլինեն և ավելի արագ կերկարեն։ Սակայն առանց մասնագետի նշանակումների ոչինչ չընդունեք։ Անպայման խորհրդակցեք բժիշկի հետ։