4 խորամանկություն թրենդային բնական դիմահարդարում անելու համար

20:04 • 02.05.17

Այս սեզոնին չափազանց նորաձև են բնական գույները։ Դրանք տարածում ունեն ոչ միայն հագուստի մեջ, այլև դիմահարդարման։

Cosmotzov-ն գրում է, որ բնական դիմահարդարում անելն ավելի դժվար է, քան սովորականը, քանի որ այդ դեպքում պետք է այնպիսի տպավորություն ստեղծվի, որ դուք դիմահարդարված չեք։

1. Առաջին ու ամենակարևոր նախապայմանը մաքուր մաշկն է։ Եթե ամեն օր հոգ տանեք դրա մասին ու խնամեք այն, ապա ձեր մաշկը միշտ թարմ ու բնական տեսք կունենա։ Պետք է ամեն առավոտ ու երեկո մաքրել, խոնավեցնել ու սնուցել մաշկը։ Բնական դիմահարդարում անելու համար նախապատվությունը տվեք թեթև տոնային քսուքներին։ Այն պետք է հենց ձեր մաշկի գույնին լինի։ Կախված ձեր մաշկի տեսակից՝ չոր, յուղոտ, նուրբ, ընտրեք այնպիսի տոնային քսուք, որը նաև դրական ազդեցություն կունենա մաշկի վրա ու կհամապատասխանի դրան։

2. Աչքերի տակի հատվածում միայն բաց կամ մուգ շագանակագույն մատիտ քսեք։ Աչքի ներսի հատվածում տարածեք մատիտը։ Սա ձեր աչքերին թարմ ու բնական տեսք կհաղորդի։ Կոպերին միայն բաց ու բնական գույների ստվերաներկ տարածեք՝ բաց շագանակագույն, կաթնագույն, մարմնագույն և այլն։ Դրանք կփափկացնեն դիմահարդարումն ու այն ներդաշնակ կդարձնեն։

3. Հոնքերը ևս շատ կարևոր են։ Դրանք պետք է միշտ խնամված լինեն։ Այս սեզոնին նորաձև են մուգ գույնի հոնքերը, այնպես որ, եթե բաց գույնի հոնքեր ունեք խորհուրդ ենք տալիս մի փոքր մգացնել դրանք։ Եթե ձեր հոնքերը մուգ են, ապա պարզապես ճիշտ խնամեք դրանք ու դիմահարդարում անելիս պարզապես մատիտով ծածկեք բոլոր բաց հատվածները։

4. Շրթունքների դեպքում հաշվի առեք վարսերի գույնը։ Եթե մուգ վարսեր ունեք կամ կարմրահեր եք, ապա նախապատվությունը տվեք բաց գույնի շրթներկներին կամ պարզապես շուրթերի փայլ օգտագործեք։ Եթե բաց գույնի վարսեր ունեք, ապա կարող եք շագանակագույն շրթներկ օգտագործել։