4 խորամանկություն մատչելի հագնվելու և կատարյալ տեսք ունենալու համար

Ֆինանսական միջոցների սղության պատճառով շատերը ստիպված են մատչելի հագուստ գնել։ Սակայն ի՞նչ անել, եթե ցանկանում եք ոճային տեսք ունենալ, բայց բավականաչափ միջոցներ չունեք։

Marketium-ը գրում է, որ միշտ էլ հաճելի է խանութներում մատչելի ու որակյալ իրեր գտնել։ Ոճային տեսք ունենալու համար պարտադիր չէ շատ թանկարժեք հագուստ հագնել, բավական է միայն մի քանի խորամանկություն իմանալ։

1.      Մատչելի շոփինգը որպես խաղ ընկալեք։ Բոլորն էլ իրենց նախընտրելի խանութներն ունեն։ Հետևեք այդ խանութների զեղչերին ու միայն այդ ժամանակ գնումներ արեք։ Նույնիսկ եթե հագուստը մի փոքր տարբերվում է և նման չէ այն հագուստին, որի մասին երազում էիք, կարող եք հետաքրքիր համադրել այն։ Այդպես միշտ յուրօրինակ տեսք կունենաք ու կկարողանաք ձեզ համար հետաքրքիր ոճ ստեղծել։

2.      Այն, ինչ պատահաբար եք գնել, կարող է մշտական հագուստ դառնալ։ Պատկերացրեք, որ այլ քաղաքում եք, եղանակը կտրուկ վատացել է և հնարավորություն չունեք գնալ տուն, փոխել հագուստը։ Այս դեպքում ուշադրություն դարձրեք փոքրիկ խանութներին, որոնք արտաքինից այնքան էլ գրավիչ տեսք չունեն։ Այստեղ ևս կարելի է հետաքրքիր հագուստ գնել, եթե կարողանաք լավ փնտրել, ուղղակի ուշադրություն դարձրեք կարերին ու հագուստի որակին։

3.      Ճիշտ համադրեք թրենդները։ Ոճային կերպար ունենալու համար փորձեք ձեր սովորական հագուստի հետ նաև թրենդային իրեր համադրել։ Դրանք մատչելի խանութներից գնեք, քանի որ հաջորդ սեզոնին թրենդները կարող են հակաթրենդ դառնալ։

4.      Թարմացրեք զգեստապահարանը։ Եթե որոշել եք թարմացնել զգեստապահարանն ու մի քանի անհրաժեշտ իր եք ընտրել, սակայն խանութում ավելի մատչելի այլ իրեր եք գտել, փորձեք դրանցից ինչ-որ օգտակար համադրություն ստանալ։

·    Ուշադրություն դարձրեք հագուստի որակին ու կտորին, քանի որ այն կարող է նորաձև ձևվածք ունենալ, սակայն էժանագին կտորից կարված լինել։

·    Ուշադրություն դարձրեք գույնին։ Մատչելի սպիտակ հագուստը կարող է մի քանի անգամ լվանալուց հետո կորցնել իր գույնն ու դեղնել։ Ընտրեք այնպիսի գույներ, որոնց հետ նման խնդիրներ չեն ստեղծվի, օրինակ՝ մարմնագույն, կաթնագույն, ծիրանագույն, խակի կանաչ։

·    Ուշադրություն դարձրեք չափսին։ Հաշվի առեք, որ կա այնպիսի հագուստ, որը չի լայնանում, օրինակ՝ արհեստական կաշվից պատրաստված հագուստը։ Այն պետք է հենց ձեր չափսին լինի, այլապես ձեր կերպարը կատարյալ չի լինի։