«Նորաձևությունը օգնում է աղջիկներին հաղթահարել դժվարությունները». Երևանում կայացավ Վյաչեսլավ Զայցևի հավաքածուի ցուցադրությունը

Երևանում երեկ` մայիսի 12–ին, մեկնարկեց «Yerevan Show» ոսկերչական և Yerevan Fashion Week «Golden laсe» նորաձևության շոուն։ Շոու շրջանակներում առաջին անգամ իր հավաքածուով ներկայացավ ՌԴ նորաձևության տան նախագահ Վյաչեսլավ Զայցևը։ Վերջինս 70-ական թվականներից Ռուսաստանում նորաձևության մեջ ուրույն տեղ ունի։ Նա դասական և էլեգանտ դպրոցի հիմնադիրն է։ Լրագրողների հետ զրույցում Զայցևը խոսեց իր տպավորությունների մասին։

Հիանալի քաղաք է Երևանը։ Շատ հագեցած ժամանակ եմ անցկացրել այստեղ։ Ձեզ մոտ նորաձևությունը հիանալ է։ Հայ մոդելները շատ գեղեցիկ են։ Ինձ դուր է եկել նաև այստեղի մարդիկ։ Այնպես որ, ամեն ինչ լավ է ձեզ մոտ։

Հավաքածուն իմպրովիզացիա է, դրա հիմքում կտորներն են։ Նախկինում էսքիզներ էր անում և հետո միայն կտորները համադրում, իսկ այժմ հակառակը՝ էսքիզն անում են, երբ համապատասխան կտոր եմ գտնում։ Համադրել եմ գույները՝ կանաչ, կարմիր, սև, շատ գեղեցիկ է ստացվել։ Իմ հավաքածուն ոսկե դարի և իմպրովիզացիայի խառնուրդ են։ Լավագույն տարբերակները ձեզ համար եմ բերել, որպեսզի ուրախացնեմ ձեզ։

Ազգային տարազները շատ կարևոր են ու արտահայտում են դիզայների անհատականությունը։ Ազգային կոստյում հորինելը շատ դժվար է։

Շատ եմ սիրում Շարլ Ազնավուրին ու նրա երգերը։ Միշտ օգտագործում եմ նրա երգերը, քանի որ դրանք շատ հուզիչ են, իսկ ձայնը պարզապես հիանալի է։ Ես գիտակցված հենց նրա երգերն եմ ընտրել։ Միշտ լաց եմ լինում, երբ նրա երգերն եմ լսում։

Հայ մոդելները հիանալի աղջիկներ են։ Ես զարմացա, նրանք հիանալի աշխատեցին ու կարողացանք համագործակցել։ Ես ասացի, թե ինչ եմ նրանից սպասում և նրանք շատ լավ կատարեցին իրենց աշխատանքը։

Հայ կանանց խորհուրդ կտամ հետևել իրենց կառուցվածքին։ Նորաձևությունը օգնում է աղջիկներին հաղթահարել դժվարությունները։ Չնայած, այստեղ շատ համեղ ուտեստներ կան, իմ փորձով եմ հասկացել, որ շատ դժվար է կանգ առնել, սակայն խորհուրդ եմ տալիս աղջիկներին քիչ ուտել։ Պետք է հետևեն իրենց, անպայման դիմահարդարվեն։ Երբ տանից դուրս եք գալի, ոչ ոք չի ցանկանում տեսնել աչքերի տակի սև հատվածները։ Շուրթերը պետք է կարմիր կամ թեթև նարնջագույն լինեն։ Վարսերը ևս պետք է խնամված լինեն՝ կապված կամ կարճ, ես չեմ սիրում, երբ վարսերը բաց թողնված են։ Եթե նկատել եք՝ իմ մոդելների վարսերը միշտ հարթ սանրված են։ Կինը պետք է միշտ խնամված լինի ու զերծ ավելորդություններից։

Նախընտրում եմ դասական կոստյումներն ու զգեստները։ Ամենակարևորն այն է, որ  հագուստի կտորը համապատասխանի կնոջը։ Ոտքերը պետք է կամ զգեստի կամ մեկ այլ հագուստի գույնին լինեն, ես չեմ սիրում մերկ ոտքեր։ Ոտքերին կարող են փոքրիկ թերություններ լինել, որոնք փչացնում են կնոջ տեսքը, այդ պատճառով էլ պետք է գունավոր զուգագուլպաներ հագնել։ Զգեստները պետք է կիպ լինեն ու փարթամ կիսաշրջազգեստ ունենան։ Երեկոյան զգեստները հիմնականում հնդկական կտորներից եմ կարում, օրինակ՝ սարիից ռուսական զգեստ եմ պատրաստել։ Շատ կարևոր են նաև գլխարկները, դրանք լրացնում են կերպարը։

Տարօրինակ է, բայց ոչ մի հայ դիզայներ աշակերտ չունեմ։ Նրանցից մի քանիսի հետ վաղուց էի ծանոթ, սակայն այժմ չգիտեմ, թե ինչով են զբաղվում։