Շուշան Երիցյան. «2017–ին մարդկային կորուստ եմ ունեցել, սակայն համոզվում եմ, որ այդպես էլ պետք է լիներ»

14:58 • 27.12.17

Ժամանց

«Միսս ԱՊՀ 2017» տիտղոսին արժանացած Շուշան Երիցյանը համարում է 2017 թվականը իր կյանքի լավագույն տարիներից մեկն էր։ Tert.am Life–ի հետ զրույցում նա խոսել է Ամանորի, 2017–ի ձեռքբերումների, կորստի և 2018–ից սպասելիքների մասին։

«Շատ եմ սիրում Ամանորը։ Այն ինձ համար հեքիաթային տոն է։ Ես հավատում եմ Ամանորի խորհրդին, որ Ամանորի գիշերը հեքիաթներ են կատարվում, ցանկություններ են իրականանում և նոր էջ է սկսվում... եթե Հայաստանում եմ լինում, Ամանորն ընտանիքիս հետ եմ դիմավորում։ Հնարավոր է`այս տարի Հայաստանում չլինեմ, սակայն դեռ հստակ չէ»,– ասաց նա:

Շուշանը նշեց, որ եթե տոներին մեկնի արտերկիր, գաղտնի կպահի, թե ում հետ և ուր է մեկնել։

Շուշանի խոսքով` 2017–ն իր կյանքի լավագույն տարիներից մեկն էր։ «Տարին շատ լավ սկսեցի։ Ես ունեցա ձեռքբերումներ ոչ միայն կարիերայում, այլև կյանքում։ Շատ մեծ ձեռքբերումներով տարի էր ինձ համար, ուզում եմ 2018–ն էլ այդպես շարունակվի։ Կարիերայի առումով ամենամեծ ձեռքբերումս «Միսս ԱՊՀ» դառնալն էր։ Ինչ վերաբերում է անձնականին, երևի թե, ինչ–որ խնդիրների լուծումն էր ձեռքբերում։ Շատ թանկ մարդկանց ձեռքբերումն էր կարևոր, նրանցից մեկն իմ ընկերուհին է` Տաթևը։ Կան մարդիկ, որոնք եթե ոչ իմ կողքին, ապա իմ սրտում միշտ լինելու են»,– ասաց Շուշանը։

Մոդելը նշեց, որ 2018–ից սպասելիքները շատ են։ Ակնկալում է, որ շատ հիշարժան տարի է լինելու։

2017–ը չի անցել առանց կորուստների։ «Այս տարի ունեցել եմ նաև կորուստ, սակայն ժամանակի հետ սկսում եմ համոզվել, որ դա ոչ թե կորուստ էր, այլ հենց այդպես էլ պետք է լիներ, դա լավ է։ Ես այլևս չեմ նայում կորուստներիս կողմը»,– ասաց նա ու հավելեց, որ կարուստը մարդկային է եղել։ Հարցին` արդյոք կորուստ է համարում դերասանուհի Մերի Հակոբյանի հետ ընկերական հարաբերությունների խզումը, Շուշանը պատասխանեց, որ այդ թեման ի սկզբանե փակ է եղել և չի ուզում խոսել այդ մասին։