Հայկական նորաձևությունը միջազգային ստանդարտներին համապատասխան․ Աննա Սալոմեն հիմնել է տարածաշրջանում առաջին նորաձևության մարքեթինգի գործակալությունը

Մոտ 2 տարի առաջ Երևանի տարբեր գովազդային վահանակներին «Սալոմե» անվանման կողքին հայտնվեց «Նորաձևության մարքեթինգ» անվանումը, որն ազդարարում էր նոր մաստեր-կլասի մասին: Անծանոթ տերմինն առաջին անգամ բացատրեց և գործածության մեջ դրեց Աննա Սալոմեն:

Բիզնես ոլորտի համար համավարակով պայմանավորված դժվարին պահին՝ 2020 թվականին, Աննա Սալոմեն հիմնեց հայրենական շուկայում նորաձևության մարքեթինգի միակ գործակալությունը՝ «Anna Salome Fashion Marketing Agency»-ին: Երիտասարդ կադրերով համալրված, առանձնացող ձեռագրով գործակալությունն այսօր արդեն գործակցում է Երևանի, Լոս Անջելեսի, Փարիզի և Նյու Յորքի նորաձևության ոլորտի բրենդերի հետ, առաջարկում է մարքեթինգային խորհրդատվություն և ռազմավարության մշակում, բիզնես պլանի մշակում, բրենդինգ, PR և գովազդային արշավների ստեղծում, արտադրության կազմակերպում և առաջխաղացում և այլ ծառայություններ: Նա նկատեց, որ ներդրողը կամ դիզայները գաղափարով կարող է գալ նորաձևության մարքեթինգի գործակալություն և դառնալ կայուն բիզնեսի սեփականատեր, քանի որ գործակալության մասնագետները կապահովեն կայուն վաճառք և առաջխաղացում:

«Եթե բրենդի ստեղծման գաղափար կա, գործակալությունը կօգնի այն գրագետ ներկայացնել սպառողին: Նորաձևությամբ զբաղվող բիզնեսը պետք է գործակցի նորաձևության մարքեթինգի մասնագետի հետ: Հայկական շուկայի ամենամեծ խնդիրը դա է, հայ դիզայներները արտադրանք թողարկում են առանց տարեկան պլանավորման, այդ դեպքում  կայուն վաճառքն անհավանական է: Մենք ուսումնասիրել ենք աշխարհում առկա օրինակները, նորաձևության չգրված օրենքները: «Anna Salome Fashion Marketing Agency»-ում միջազգային ստանդարտներով պլանավորում ենք արտադրական ցիկլը՝ վաճառքը կայունացնելու նպատակով»,- պատմեց   «Anna Salome Fashion Marketing Agency»-ի հիմնադիր Աննա Սալոմեն:

Նորաձևությունը միայն հագուստն ու աքսեսուարները չեն, նորաձևությունը ներառում է լայֆսթայլը ձևավորող բոլոր ոլորտները՝ ռեստորանները, սրճարանները, գեղեցկության սրահները, էսթետիկ բժշկության և ստոմատոլոգիայի կենտրոնները, մարզասրահները և այլն։ Աննա Սալոմեն  «Anna Salome Fashion Marketing Agency»-ին հիմնադրել է նորաձևության ոլորտում տարբեր ընկերությունների հետ յոթ տարուց ավելի գործակցությունից հետո՝ շուկայում հանդես գալով որպես միակ գործակալությունը` մասնագիտացած նորաձևության մարքեթինգում:

Ըստ նրա՝ արդյունաբերության այս ճյուղը Հայաստանում զարգացման մեծ հեռանկար ունի: Խորհրդային միության տարիներին Հայաստանը եղել է տեքստիլի և տրիկոտաժի կենտրոն: Գյումրին և Վանաձորը ունեցել են գործարաններ՝ որոնք մինչև այսօր մրցունակ են: Օրինակ Վանաձորում գործող «Գլորիա» գործարանն արտադրանք է թողարկում եվրոպական և ամերիկյան մի շարք հայտնի և ճանաչված բրենդերի համար:

Սալոմեն պատմում է, որ շուտով հայկական շուկա կմտնի մասս-մարկետ հայկական հագուստի մի մեծ նոր բրենդ:

«Զանգվածային հագուստի արտադրանք հայկական նորաձևությունում մինչև վերջերս չկար։ Ինչո՞ւ էր հայկական հագուստը թանկ ստացվում, որովհետև Հայաստան հումք ներկրելն ինքնին թանկ է, իսկ արտադրական ծավալները փոքր էին, սակայն հիմա, մասշտաբային արտադրության շնորհիվ հումքը պատվիրում ենք շատ ավելի մեծ ծավալներով, ինչի շնորհիվ կարողանում ենք այն ձեռք բերել ավելի մատչելի և ունենալ մասս-մարկետում մրցունակ արտադրանք` հասանելի, օրինակ, ուսանողի գրպանին»,- ասաց Սալոմեն:

Նա պատմեց, որ սեպտեմբերին Փարիզի կենտրոնում կբացվի բուտիկ, որի համար ատելիեի վարձակալությունից մինչև Հայաստանում արտադրության կազմակերպում իրականացրել է «Anna Salome Fashion Marketing Agency»-ին: «Երևանի փորձառու մասնագետներից ձևավորեցինք արտադրական թիմը, այս պահին ապրանքանիշի բրենդինգի վրա ենք աշխատում և կազմակերպում արտադրական ցիկլը` մշակելով առաջխաղացման ռազմավարությունը: Վիզուալ կոնտենտը նույնպես ապահովելու է գործակալությունը: Սակայն կան գործընկերներ, որոնց համար միայն բրենդի առաջխաղացումն ենք կազմակերպում: Նախագծերի թիվն օր օրի մեծանում է, օրական գործակցության 4 գնհարցում ենք ստանում տարբեր կազմակերպություններից»:

Սալոմեն ու գործընկերները չեն շրջանցել նաև այժմյան ամենաակտուալ թեման․ ո՛չ թուրքականին: «Anna Salome Fashion Marketing Agency»- ին Նորաձևության և դիզայնի հայկական պալատի հետ իրականացրել է մի նախագիծ, որի ընթացքում մինչ օրս թուրքական և չինական արտադրանք վաճառող խանութներում այսօր հայկական է վաճառվում:

«Հայ արտադրողը կարող է ժամանակին, լավ որակով և գնով արտադրանք մատակարարել, դրա ապացույցն այն է, որ մարտի 15-ին թուրքական ապրանքներից հրաժարված մեր գործընկեր առաջին խանութում ներկայացվեց հայկական արտադրության նոր գարուն-ամառ հավաքածուն՝ մոտ 2000 կտոր հագուստ: Ապրիլի 1-ի  տվյալով հավաքածուի հիմնական մասը վաճառվել է:

Աննա Սալոմեն շարունակում է նաև դասավանդել:  «Մարքեթինգը նորաձևության ոլորտում» թեմային կարելի է տիրապետել` մասնակցելով Սալոմեի դասընթացներին:

Տարվա առաջին դասընթացը, որը ներառում է 8 դաս, ավարտվել է օրեր առաջ, սակայն նա նկատեց, որ մեծ պահանջարկը հաշվի առնելով սկսվել է նոր խմբի ընդունելությունը: Դասընթացը մեկնարկելու է ապրիլի 5-ին։ Մասնակցել կարող են նորաձևության ոլորտում աշխատողները, սկսնակները, մարքեթինգի մասնագետները և թեմայով հետաքրքրվողները

Դասընթացին կարելի է գրանցվել՝ հետևյալ հղումով:

Լուսինե Զարայելյան