Առաջին անգամ Հայաստանում՝ պաստառներով նորաձևության շոու

Ինտերիերի համար նախատեսված պաստառները նորաձևության մեջ և պոդյումում․ «Սարդ» խանութների ցանցը գործունեության 25 տարվա ընթացքում աշխատել է «Նորաձևությունը պաստառներում թելադրում ենք մենք» կարգախոսով և հոբելյանական տարեդարձի առթիվ որոշել է ներկայանալ խորհրդանշական fashion show–ով։

«Միսս Աշխարհ Արմենիա 2019» Լիանա Ոսկերչյանը, «Միսս Տիեզերք Արմենիա 2019» Դայանա Դավթյանը, «Միսս Երևան 2019» Անգելինա Տանանյանը և այլ մոդելներ ներկայացրին հայ դիզայներների ստեղծած հագուստները՝ պատրաստված ինտերիերի համար նախատեսված պաստառներից։

Tert.am Life–ը ներկա է եղել միջոցառմանն ու ներկայացնում է հետաքրքիր դրվագները։

Առաջին հայացքից կարող է թվալ, թե պաստառներն ու  հագուստի նորաձևությունը կապ չունեն իրար հետ, սակայն նորաձև մարդը նորաձև է ամեն ինչում՝ միջավայրից մինչև հագուստ, այնպես որ, կապն ուղիղ է։

Այսպես ներկայանալու գաղափարը «Սարդ» խանութների ցանցի պաստառների բրենդ մենեջեր Նոնա Հակոբյանինն է։

«Ինչպես  հագուստի, այնպես էլ պաստառների նորաձևության մեջ թրենդները ժամանակ առ ժամանակ կրկնվում են։ Փորձեցինք միքսել այս ամենը, արդյունքում ստացանք հետաքրքիր շոու, ինչպիսին Հայաստանում դեռևս չի եղել։ Միջոցառումը լիարժեք համապատասխանում էր մեր կարգախոսին՝  «Նորաձևությունը պաստառներում թելադրում ենք մենք»»,– ասաց Նոնան։

Շոուն կազմակերպել է Armmod fashion–ը, որի հիմնադիր Ռուբինա Գրիգորյանը ոգևորությամբ նկատեց, որ միտքն իրագործելու համար իրենց ընկերությունն ընտրելը հաճելի փաստ է։

«Միտքը մեզ շատ գրավեց, հետաքրքիր էր։ Ներգրավեցինք 10 հայ դիզայների, որոնցից յուրաքանչյուրը ներկայացրեց 2–ական հագուստ պաստառներից։ Հայաստանում նման բան չէր եղել, առաջին անգամ է գործվածքի փոխարեն օգտագործվում պաստառ»,– ասաց Ռուբինան։

Անդրադառնալով նորաձևություն թելադրող խանութին՝ Նոնան նշեց, որ 25 տարվա ընթացքում  «Սարդ» խանութների ցանցն ընդլայնվել է և այժմ Երևանում ու Գյումրիում ունի 10 մասնաճյուղ ։

«Ներկայացնում ենք եվրոպական արտադրության բարձրակարգ պաստառներ, ներկալաքային նյութեր ու ջեռուցման համակարգեր։ Գործունեության ընթացքում մշտապես փորձել ենք առաջինը լինել՝ ոլորտի նորամուծությունները բերելով հայկական շուկա։ Մեր 25-րդ տարեդարձի առթիվ էլ սեպտեմբերից սկսել ենք զեղչերի շքերթ՝ ամեն ամիս 25 % զեղչ ենք հայտարարում որևէ բրենդի ողջ տեսականու համար։ Օրինակ՝ այս ամիս գերմանական արտադրության AS Creation  ապրանքանիշի պաստառների համար ենք սահմանել զեղչեր, հաջորդ ամիս զեղչային այլ առաջարկներ կունենանք, որոնք բաց չթողնելու համար կարող եք հետևել մեր ինստագրամյան ու ֆեյսբուքյան էջերին»,– եզրափակեց նա։

Լուսանկարները Շուշանիկ Անտոնյանի