«Այս տարի երկրորդ անգամ ենք հիվանդանոցում հայտնվում». Գոհար Հարությունյանը՝ կրտսեր դստեր վիրահատության մասին

15:35 • 04.03.22

Շոուբիզնես

«Միսս Հայաստան 1998», «Միսս ԱՊՀ 1999», «Միսիս Գլոբ 2009» Գոհար Հարությունյանի կրտսեր դստերը վիրահատել են: Tert.am Life-ի հետ զրույցում Գոհարը պատմեց, որ փոքրիկը կոտրել է ձեռքը, սակայն միայն գիպս տեղադրելով խնդիրը լուծել չի հաջողվել:

«Մանկապարտեզում Արգիշտին անհաջող թռել է Սոֆենայի վրա, արդյունքում Սոֆենան կոտրել է ձեռքը: Գնացինք հիցվանդանոց, պարզվեց խնդիրը շատ ավելի լուրջ է, քան ես պատկերացնում էի, գիպս դնելուց բացի անհրաժեշտ էր անզգայացմամբ վիրահատություն անել և երկաթներ տեղադրել: Ես հարցին ավելի հանգիստ էի նայում, մտածում էի՝ երեխա են, ամեն բան էլ կպատահի մինչև այն պահը, երբ ասացին, որ պետք է անզգայացում անեն: Շատ անհանգստացա: Երեխաս ընդամենը 4 տարեկան է և վիրահատություն: Մենք էլ վերջերս էինք դուրս գրվել հիվանդանոցից, քանի որ Սոֆենայի մոտ քովիդից հետո բարդություններ էին եղել, բրոնխիտ էր սկսվել, մի քանի օր հիվանդանոցում անցկացնելու կարիք եղավ»,- պատմեց Գոհարը ու հավելեց, որ Սոֆենան առանց այդ էլ բոլորի ուշադրության կենտրոնում էր, որպես տան փոքր աղջիկ, հիմա՝ առավել:

Գեղեցկուհու տիտղոսակրի խոսքով՝ այս ձմեռն իրենց ընտանիքում շատ բարդ անցավ, քանի որ 3 տարբեր վիրուսով հիվանդացան. «Քանի որ մեր ընտանիքը բազմանդամ է, շատ դժվար ենք հաղթահարում վիրուսները, մեկը լավանում է, մյուսն է վարակվում: Ստացվեց, որ ամբողջ ձմռանը հիվանդ էինք: Հոգեբանորեն հյուծվեցի այս ընթացքում»:

Մայրիկը նշեց, որ փոքր երեխաների հետ այլ բարդություններ են, մեծերի հետ՝ այլ: «Փոքրերին պետք է անընդհատ ուշադիր լինես, որպեսզի հանկարծ իրենց չվնասեն, մեծերի դեպքում էլ պետք է անընդհատ խոսես իրենց հետ, քանի որ անցումային տարիքում են, բարդ է: Թեև սա ավելի հետաքրքիր տարիք է, ինձ էլ է շատ հետաքրքիր աղջիկներիս հետ զրույցները, բայց և բարդ է»,- ասաց Գոհարն ու կատակեց, որ այս պահին խնդիր չկա միայն միջնեկ որդու՝ Մենուայի հետ, թեև նա էլ չարաճճի է:

Հեղինակ Ամալյա Հովհաննիսյան