Փյունիկ-Արարատ` 0։1. Արարատը` միանձնյա առաջատար

Մրցավարն ազդարարում է հանդիպման ավարտը: «Արարատը» այս հաղթանակի շնորհիվ միանձնյա գլխավորեց մրցաշարային աղյուսակը:

90+1. Վնասվածք է ստացավ Արման Հովհաննիսյանը: Նրան խաղադաշտից դուրս բերեցին պատգարակների օգնությամբ:

90. Նռանյանին փոխարինեց Կարապետյանը:

89. Ստեփան Ղազարյաաաաաաաաաաաաաաաաաաան: «Արարատի» դարպասապահը գեղեցիկ ցատկով ետ մղեց Մանոյանի իրացրած 11 մետրանոց հարվածը:

87. Մրցավարը 11 մերանոց է նշանակում «Արարատի» դարպասին: Սեփական տուգանային հրապարակում ձեռքով խաղաց րոպեներ առաջ փոխարինման մտած Գորիկ Խաչատրյանը:

86. Հանդիպման միակ գոլի հեղինակ Ռակիչին փոխարինեց Արսեն Բալաբեկյանը:

84. Գորիկ Խաչատրյանը դեղին քարտ ստացավ:

81. Արման Հովհաննիսյանի սուր փոխանցումը չկարողացան եզրափակել «Փյունիկի» հարձակվողները:

77. Վահե Մարտիրոսյանը զգուշացվեց ժամանակ ձգելու պատճառով:

75. Երրորդ փոփոխությունը կատարվեց տանտերերի կազմում: Յուսպաշյանը զբաղեցրեց Գագիկ Պողոսյանի տեղը:

67. Պապիկյանի փոխարինեց Սարդարյանը:

64. Տանտերերի վտանգավոր դիրքում ստացած տուգանայինը խաղարկվեց Մանոյանի փոխանցմամբ, որի արդյունքում հետևեց հարված հյուրերի դարպասին, բայց, միաժամանակ, մրցավարը ազդարարեց կանոնների խախտում` հարձակվող թիմի կողմից:

61. Փոփոխություն «Արարատի» կազմում: Դավիթ Գրիգորյանին փոխարինեց Դարկո Բոնդիչը:

57. Հաշիվը հավասարացնելուն շատ մոտ էին փյունիկցիները: Նախ աջ եզրից վտանգավոր դիրքում հայտնվեց Կամո Հովհաննիսյանը, սակայն հարվածեց դարպասապահը, իսկ ետ եկած գնդակը փորձեց դարպասն ուղարկել Մանոյանը, սակայն կրկին վստահ գործեց դարպասապահ Ղազարյանը:

54. Տուգանային հրապարակի մատույցներից հարվածեց Արման Հովհաննիսյանը: Գնդակը կրկին բարձր ընթացավ:

53. Փոփոխություն տանտերերի կազմում: Բալոյանն իր տեղը խաղադաշտում զիջեց Վիուլեն Այվազյանին:

50. Գոռ Մալաքյանը հրաշալի հարվածով կարող էր դառնալ անչափ գեղեցիկ գոլի հեղինակ, բայց նրա նուրբ հարվածը միլիմետրային շեղությամբ անցավ:

47. ԳՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈԼ: Ալեքսանդր Ռակիչ: 0-1: Սերբ հարձակվողը ձախ եզրից ներխուժեց տուգանային հրապարակ ստացավ փոխանցում խաղընկերոջից և սուր անկյան տակ կատարած հրաշալի հարվածով գրավեց մրցակցի դարպասի աջ վերին անկյունը:

46. Մրցավարն ազդարարեց երկրորդ խաղակեսի մեկնարկը:

Մրցավարն ազդարարում է առաջին խաղակեսի ավարտը: Հաշիվը դեռ չի բավել: Ընդմիջում:

42. Մանոյանը հարվածեց միջին տարածությունից, բայց գնդակը շեղ ընթացավ:

33. Թիմերի խաղակեսի երկրորդ մասում սկսել են ավելի ակտիվ գործել, գեղեցիկ կոմբինացիաներ ձեռնարկել, հնարամիտ խաբսերի դիմել, բայց ռեալ գոլային պահեր վերջին րոպեներին չեն ստեղծվում:

24. Գագիկ Պողոսյանի սուր անկյունից կատարած հարվածն իր նպատակին չծառայեց:

22. Աղվան Պապիկյանը հեռու տարածությունից հարված կատարեց, որը, սակայն, շեղ ընթացավ, և վերահսկվում էր Ղազարյանի կողմից:

17. Վարազդատ Հարոյաաաաաաան: «Փյունիկի» պաշտպանն իր թիմին երկու անգամ փրկեց վերահաս գոլիս: Առաջին դեպքում նա գնդակը հանեց դատարկ դարպասից, երբ իր դիրքից անհաշվենկատ դուրս էր եկել Մանուկյանը, իսկ վայրկյաններ անց անձնուրաց ցատկով կանխեց Նռանյանի մոտ տարածությունից հարվածը:

13. Խաղասկզբում երկու թիմերն էլ զգույշ են գործում, և ավելի շատ ուշադրություն են դարձնում պաշտպանությանը:

10. Դավիթ Հակոբյանի իրացրած տուգանային հարվածից հետո, Մալաքյանը գնդակը հանեց անկյունային:

3. Ալեքսանդր Ռակիչ հարված կատարեց, բայց գնդակը բավականին շեղ ընթացավ:

1. Հանդիպումը մեկնարկեց:

Երևան, Ֆուտբոլի ակադեմիա
Հայաստանի Բարձրագույն խումբ, 7-րդ տուր