Ուկրաինայից վերադարձվել է Կուրսկի մարզի 46 բնակիչ

18:32 • 22.11.24

Այսօր ուկրաինական կողմի հետ բանակցային գործընթացի արդյունքում Ուկրաինայից Ռուսաստան է վերադարձել Կուրսկի մարզի 46 բնակիչ: Այս մասին հայտնել է ՌԴ ԱԳՆ-ն:

Նրանք ուկրաինական զինված ուժերի կողմից դուրս են բերվել Կուրսկի մարզի տարածքից՝ օգոստոսին Կուրսկի մարզի վրա զինված հարձակումից հետո:

Ռուսաստան վերադարձած քաղաքացիների թվում կա 12 երեխա, այդ թվում՝ մեկը նորածին, մեկը՝ մինչև 3 տարեկան, ինչպես նաև սայլակով հաշմանդամ:

Ռուսաստանի արտաքին քաղաքական գերատեսչությունն իր հատուկ շնորհակալությունն է հայտնել Կարմիր խաչի միջազգային կոմիտեին: