Պատգամավորներ Մեսրոպ Մանուկյանն ու Հարություն Հարությունյանը հանցագործության մասին հաղորդում են ներկայացրել՝ Շինարարների փողոցում կրպակները քանդելու դեպքի հետ կապված

Պատգամավորներ Մեսրոպ Մանուկյանն ու Հարություն Հարությունյանը հանցագործության մասին հաղորդում են ներկայացրել՝ պաշտոնական դիրքի չարաշահման, ուրիշի գույքին առանձնակի խոշոր չափերի վնաս հասցնելու պլանավորման մասով։ Այս մասին ասել է «Հայաստան» խմբակցության պատգամավոր Մեսրոպ Մանուկյանը։

«Թաղապետը գիտակցելով, որ դատարանը որոշում ունի՝ որոշել են կատարել հանցագործություն»,- այս մասին Շինարարների փողոցում հավաքված ոստիկաններին ասել է Մանուկյանը:

«Ուժեղ Հայաստան» խմբակցության պատգամավոր Հարություն Մնացականյանն էլ արձանագրեց․ «Անմարդկային վերաբերմունք է, շինությունները քանդում են մարդիկ, ովքեր իրենց կյանքում որևէ արժեք չեն ստեղծել»։