Քլինթ Իսթվուդն անհաջող կատակ է արել Քեյթլին Ջեների մասին, ինչը մեծ աղմուկ է բարձրացրել (լուսանկարներ, տեսանյութ)

Օսկարակիր դերասան Քլինթ Իսթվուդը Guys Choice Awards մրցանակաբաշխության ժամանակ վիրավորական կատակ է արել Քեյթլին Ջեների տրանսգենդեր կարգավիճակի մասին, որը քննադատության ալիք է բարձրացրել, գրում է Daily Mail-ը։

Ութսունհինգամյա դերասանը, խոսելով դերասան դարձած աթլետների մասին, ասել է՝ «Ջիմ Բրաունը և Քեյթլին ինչ-որ մեկը»։

Դերասանի այդ խոսքերից հետո հանդիսատեսի մոտ ծիծաղի փոխարեն դժգոհություն է առաջացել։

Hollywood Life-ը գրում է, որ նա պրոդյուսերներին ասել է, որ իր կատակն այդքան էլ հաջող չէր։

Նրա ելույթը հեռարձակած Spike TV հեռուստաընկերությունը որոշել է մոնտաժել նրա խոսքերի այդ հատվածը։

Հիշեցնենք, որ Քեյթլին Ջեները նախկինում հանդես էր գալիս որպես Բրյուս Ջեներ։ Նա հանրահայտ մարզիկ և օլիմպիական չեմպիոն է, ով վերջերս հարցազրույց է տվել հայտնի ամերիկյան հեռուստաընկերությանը և վերջ դրել իր շուրջ պտտվող ասեկոսեներին՝ նշելով, որ փոխել է իր սեռը։

Ռեփեր Սնուփ Դոգը նույնպես մեկնաբանություններ է արել Ջեների հասցեին՝ նրան անվանելով «գիտական նախագիծ», ինչը նույնպես քննադատության է արժանացել։ 

Նա լուսանկարվել է Vanity Fair ամսագրի հուլիս ամսվա շապիկի համար

Տեսանյութում Քեյթլին Ջեները պատմում է իր սեռափոխության մասին