Ողջո՜ւյն, իմ գեոպոլիտիկ սեր. Мой адрес Советский Союз /դուբլ-2/

21:10 • 27.09.16

Այս նյութի բազմազգ հերոսներին հանդիպեցի Արզնու առողջարաններից մեկում և երկու բուռն օրեր անցկացրի նրանց հետ: Առաջին դուբլը բավականաչափ անեկդոտիկ ստացվեց, միգուցե, իմ երևակայության սղության պատճառով: Ով կերևակայեր, որ մինչ մենք /հայը, ռուսն ու ղազախը/  զվարճանում էինք  Սովետական Միությունը  վերակենդանացնելու առանձինների պատրանքների վրա, ոչ  այլուր,  քան  Հայաստանի անկախ Հանրապետության Կրթության և գիտության նախարարության պաշտոնական կայքում կհայտնվեր  միջազգային մի մրցույթի մարտահրավեր՝ «ԱՊՀ-ն իմ հայրենիքն է» խորագրով:  Իհարկե, մեր զայրույթը չի մեղմի այն հանգամանքը, որ սույն մրցույթը մեր 1400 հանրակրթական դպրոցներին չի առնի իր գաղափարական շուրջկալում, այլ կբավարարվի միայն ռուսերեն ուսուցումն ընտրած աշակերտներով: Չի մեղմի, որովհետև ոչ մի արժանապատիվ քաղաքացի չի հանդուրժի, որ  իր երկրի ու պետության հետ այսպիսի խաղեր խաղան. ԱՊՀ-ն երկիր, պետություն, առավելևս՝  հայրենիք լինել չի կարող, անգամ առաջին դասարանցին կարող է բացել ԱՊՀ հապավումը, ցույց տալով, որ այն սուվերեն երկրների համագործակցության ձևաչափ է ընդամենը: Հեռացրեք այդ ստորացուցիչ խորագիրը մեր աչքից,  և մեր երեխաներին մի օգտագործեք քաղաքական նպատակների համար. սա օրենքով հետապնդելի արարք է:

-Բարի լույս, Զինաիդա Պավլովնա, երեկ ահագին զրուցեցինք, բայց ես այնքան անփույթ գտնվեցի, որ չհետաքրքրվեցի, թե Դուք ինչ մասնագետ եք:



-Բարի լույս, սիրելիս, բայց արդյո՞ք դա կարևոր է:

-Դե իհարկե, կարևոր է, մարդն առաքելություն է, կոչում ու մասնագիտություն.  մնացածը բառեր են, շատ հաճախ հենց մասնագիտական կոշտուկների մասին  պատմող բառեր, որ հետո խրոխտ հայրենասիրական տեքստեր են դառնում և բոլորին զզվացնում, այդպես չէ՞:

-Կա Ձեր ասածի մեջ ճշմարտություն, բայց, իհարկե, շատ եք ծայրահեղացնում.որևէ բան դառնալուց առաջ նախ պիտի մարդ լինել, բարոյականություն ու խիղճ ունենալ:Դուք՝ հայերդ, շատ եք էմոցիոնալ. խնդրեմ՝ իմ սիրելի ամուսինը, այնքան կրակ կա մեջը, որ վախենում եմ լուցկին մոտը վառել, որ բոց չբռնկվի: /Ծիծաղում է. Վ.Ս/

-Ինչ է, այսքան տարի չհաջողացրի՞ք նրան հավատափոխ անել, ռուսաֆիկացնել:



-Օյ, սիրելիս, հայերդ անուղղելի եք, անուղղելի: Գոնե դա ես լավ գիտեմ: Ես մասնագիտությամբ բանագետ եմ, երկար տարիներ ուսումնասիրել եմ նաև հայկական էպոսը և որքան շատ եմ շփվում հայերի հետ, այնքան համոզվում եմ, որ ամեն ժողովուրդ թռած է իր էպոսի հերոսների քթից:

-Հիմա, ըստ Ձեր ուսումնասիրությունների, ովքեր ենք մենք՝ հայերս, որո՞նք են մեր ամենատիպական գծերը:

-Տեսեք, ձեր Սասունցի Դավիթը անկեղծ, պարզ և ուղղամիտ տղա է, մանկան անմիջականություն ունի:  Ձեր էպոսի հերոսներն իհարկե, արդարամիտ են, պայքարում են արդարության համար: Բայց ինչն է ամենավատը՝ հոգնում են, մնում են կես ճամփին, ուշադրություն դարձրե՞լ եք, որ պապութոռ Մհերները որքան ծանր են հողի համար,  և դրա համար էլ հողը չի կարողանում տանել նրանց ծանրությունը: Հայերը մի տեսակ ծանր ժողովուրդ են: Ես միշտ ամուսնուս ասում եմ՝ մի քիչ թեթև ապրի, հավաքի հոնքերդ  քթիդ վրայից:

-Զինաիդա Պավլովնա, բայց ձեր Սվյատագորի ոտքերն էլ էին անընդհատ թաղվում  հողի մեջ. այնպես չէ, որ ձերոնք  տռճիկ էին տալիս Ռուսիայի վրա, իսկ մերոնք միայն խրվում հողի մեջ: Եվ, կարծեմ դա հենց անարդար աշխարհի խորհրդանիշներից մեկն է, երբ հողը չի կարողանում իր վրա պահել հերոսին, այդպես չէ՞:

-Այո, կա այդպիսի բան, բայց նայեք խնդրեմ մեր Սամսոնին, Վոլխին, Միկուլոյին, հենց մեր գլխավոր հերոսի՝ Իլյա Մուրոմեցի վարքին հետևեք…

-Բայց ինչպես պիտի Իլյա Մուրոմեցը քայլելիս խրվեր հողի մեջ, երբ իսկի չէր էլ կարողանում քայլել: Կարծեմ, այդ պատճառով էլ  տասնյակ տարիներ շարունակ պառկած էր վառարանի վրա, չէ՞:

-/Ծիծաղում է. Վ.Ս./ Այո-այո, շնորհակալություն, որ հիշում եք, նա շատ ուշ սկսեց քայլել, մոգերը նրան շատ ուշ զորացրին: Միգուցե, դա ավելի շատ բան է ասում ռուսներիս մասին, քան մեր բոլոր հերոսների գործած քաջագործությունները միասին:  Ես Պուտինին նայելով միշտ մտածում եմ, որ այս մարդը հենց Իլյան է մինչև երեսունը լրանալը, հենց այդ տարիքում քայլեց մեր հերոսը: Պուտինը Իլյան է, որ կա, որովհետև մինչ աշխարհը զարգանում է՝ սա Ռուսաստանը հավաքել է իր բռի մեջ,  մեջքը դեմ արել վառարանին և լեթարգիական քուն մտել: Սա, ուղղակի պատիժ է. անկարելի է արդեն սրան դիմանալը:

-Զինաիդա Պավլովնա, բայց հրապարակված թվերով Պուտինի վարկանիշը եղել և մնում է շատ բարձր. առանձին աղբյուրների վկայությամբ տատանվում է 80- 90 տոկոսի միջակայքում, ճիշտ չե՞ն այս տվյալները:

-Եթե դրանք ճիշտ են, կնշանակի մենք արդեն մի 10-տոկոսանոց Ռուսաստան էլ չունենք:Այդ 80-90 տոկոսն ինչի՞ն է ծափահարում, որ նա կուլ է տվել ամբողջ արդյունաբերությունը և  երկիրը թաղել կոռուպցիայի մե՞ջ, թե՞ նրա համար, որ ռուսներիս ամբողջ աշխարհում ատելության թիրախ է դարձրել: Նյութը, նյութապաշտությունը կրծում է արդեն այս մարդուն, սարսափելի է:

-Բայց ձեր էպոսում էլ կարծես նյութի այդ պաշտամունքը, որկրամոլությունը չկա, մեր գլխին որտեղի՞ց ընկան այսքան նյութագար իշխանություններ:

-Ով ասաց՝ չկա, իսկ ինչի՞ համար է այդքան կռիվն ու արյունահեղությունը. ամեն կռվից հետո էլ այդքան ռազմավարը տուն լցնելը:

-Ռուսական էպոսում լավ չեմ հիշի, բայց  մեր ծռերը երբեք ավար չեն բերում մարտերից: Սանասար-Բաղդասարից գանք՝ Խալիֆի զորքին կոտորում են ու դափ-դատարկ հետ գալիս: Մեր Դավիթն էլ  Մըսրա Մելիքին հաղթելուց հետո ոչ ռազմագերի է վերցնում, ոչ էլ՝  ավար.  Իսմիլ Խաթունին էլ առոք-փառոք տուն է ճամփում և նույնիսկ մի գազան չի սպանում ու բոլորին հերթով բաց է թողնում: Նույնը՝ Մհերը…

-Ամենամեծ նյութապաշտությունը հենց իշխանատենչությունն է:

-Ախր մերոնք այդտեղ էլ չկան. երբ հերոսները հաղթանակած գալիս են ժողովուրդն աղաչում-պաղատում է իրենց գլխին թագավոր դառնալ, բայց բոլորն էլ հերթով մերժում են սա, մեզ մոտ ոչ մի զինվորի մտքով չի անցնում իշխան դառնալ, երկիր կառավարել: Մեր էպոսում ոչ մի հերոս իշխանություն չի դառնում: Մերժվում են նաև պարտված թշնամու բոլոր առաջարկները՝ տիրել իրենց երկրին, այդպես չէ՞:

-Այո, այստեղ համաձայն եմ. եզակի էպոսներում է, որ հերոսները ձեռք չեն գցում իշխանությանը, ձեզ մոտ այդ իշխանատենչությունն ընդգծված չէ, բավականաչափ թույլ է արտահայտված, անգամ ձեր Դավիթը հակառակորդի զորաբանակը քնից արթնացնում, նոր է հարձակվում: Դրա համար էլ ասում եմ, որ ուղղամիտ եք: Ամուսինս էլ բացարձակ դիվանագիտություն, ճկունություն չունի, բայց այդ որակներով այսօր, ուղղակի, հնարավոր չէ ապրել:

Օյ, հավասարություն դեպի դրոշը, տեսեք, ով է այստեղ սուրում: Ձգենք ամրագոտիները, անցեք նյարդերի խնայողական ռեժիմին, հիմա սա մեզ վրաերթի կենթարկի:



Ղազախ- Բարև աղջիկներ, փաստորեն իմ միամիտ քրոջը երեկ մի լավ հալածել եք, այո՞:

-Թող բարի լիներ և չմխրճվեր իր գլխից մեծ ինտելեկտուալ զրույցների մեջ: Սա արդեն  Սովետական Միությունը չէ, որ ղազախ կոլխոզնիկը ամբիոն բարձրացած Սախարովին լռեցնի: Մենք դատապարտված չենք մի ամբողջ կյանք հանդուրժելու տգետների արշավանքը. մինչև կոկորդներս կուշտ ենք. բավական  է:

Ղազախ- Գիտեք, ես այստեղ ներկայացել եմ լավ պատրաստված և ի տարբերություն Ձեզ, կխոսեմ բացառապես թվերով. Հայրենական պատերազմի ժամանակ մենք 512 հերոս ենք տվել, 4 կրկնակի հերոս օդաչու, 60 հազար մեդալակիր, էլ չեմ խոսում…

-Այո, մի խոսեք. ինչ է հանուն ռուս ժողովրդի՞ էիք մարտնչում, ձեր երեխաներին եք պաշտպանել ֆաշիզմից, ինչո՞ւ եք մեր ականջներից  լապշա կախում,  և դա ներկայացնում որպես ռուս ժողովրդին մատուցված ծառայություն:

Ղազախ- Իսկ Դուք ինչու եք այդպես  քամահրանքով խոսում ղազախ կոլխոզնիկների մասին: Պատերազմից հետո եթե նրանք տքնաջան չաշխատեին, ամբողջ երկիրը սովից կմեռներ: Հենց Ղազախստանն է եղել 50-ականների ամենաառաջատարը մսի և  հացահատիկի գծով. հենց հիմա ես թվերը կասեմ, թե հացահատիկի և թե մսի գծով…

-Կանգ առեք խնդրում եմ, ես այդքան էլ ամուր նյարդեր չունեմ. Հակառակ դեպքում ծովափին կլինեի, ոչ թե Արզնու առողջարանում:

Ղազախ- Ուրեմն գնացեք և ուսումնասիրեք փաստերը ու կհասկանաք, թե ինչու է կենտրոնը 56 թվականին  մեզ հանձնել Վլադիմիր Իլյիչի շքանշանը, ապա և Հոկտեմբերյան հեղափոխության մեդալը: Բոլոր պարգևները հատ-հատ կարող եմ թվարկել…

-Ի սեր, Աստծո, խնայեք մեր առողջությունը, ջուրը մի լցրեք այստեղ ստացած պրոցեդուրաներս:

Ղազախ-Ոչ,  բարի եղեք լսել.  Ձեզ հետ խոսում է 45-ամյա անբասիր կենսագրությամբ մանկավարժը, որի աշակերտները երկիր են արդեն կառավարում: Ընդ որում մի երկիր, որը շուտով կդառնա աշխարհի զարգացած 20 պետություններից մեկը, որովհետև այն ղեկավարում է աշխարհի ամենաբանիմաց նախագահ Նուրսուլթան Աբիշևիչ Նազարբաևը: Ես այս լրագրողին արդեն ասել եմ, որ ջնջի մեր առաջնորդի հասցեին ասված Ձեր ոչ կոռեկտ գնահատականները: Բոլորը երդվում են նրա անունով, բարի եղեք հաշվի նստել այդ փաստի հետ: Ընդհանրապես, փաստերով է պետք խոսել, միմիայն փաստերով:



-Ձեր քույրը գլուխներս տարավ մինչև ականջները կոռուպցիայի մեջ թաղված խանով, հիմա էլ դուք եք ժամանել, որ պակասը լրացնե՞ք: Փաստե՞ր եք ուզում. գնացեք, կարդացեք Transparecy Internacionali զեկույցները և կտեսնեք, թե Կամերունի և Գոնդուրասի հետ ինչպես եք կազմել ամենակոռումպացված երկրների ոսկե եռյակը: Գոնե տեղյա՞կ եք, որ մետալուրգիական գործարանի նախկին հնոցապան արդեն 5  միլիարդ դոլարի կարողություն է դիզել, բարի եղեք զոմբիանալու փոխարեն միջազգային մամուլ կարդալ և մի քիչ լուսավորվել: Անհարմար է վերջապես:

Ղազախ - Հավատացեք, դա սուտ է, սուտ. մեր առաջնորդն անբասիր կենսագրություն ունի, հավատացեք, ինչպե՞ս կարելի է նրան  այդպես սևացնել: Իսկ քրոջս էլ անամոթաբար ներքաշել եք կեղտոտ սեքսուալ զրույցների մեջ՝ արհամարհելով, որ աղջիկը ոչ մի տղամարդ չի տեսել:

Ղազախ /քույր/- Չէ, տղամարդ տեսել եմ, պետք չի ինձ հետամնաց ներկայացնել, ուղղակի այդ տղամարդու հետ…


Ղազախ - Ես քեզ չեմ ասել, լռիր, աղջիկ: Ծպուտդ էլ չլսեմ: Որտեղ էի հասել, հա՝ ամենակարևորին՝  Դուք, ուղղակի, չեք պատկերացնի, թե ինչ ազնիվ ու բարի է մեր առաջնորդը , եթե այս լրագրողն իսկապես լրագրող է, թող ասի ճշմարտությունը, անհնար է, որ որևէ պրոֆեսիոնալ լրագրող կամ թերթ Նուրսուլթան Աբիշևիչ Նազարբաևի մասին այդպիսի ստեր գրի:

-Իմ պրոֆեսիոնալիզմի մասին ես կգերադասեի լռել, բայց կարող եմ վկայակոչել միջազգային  ամենահեղինակավոր պարբերականներից մեկը՝ բրիտանական «Գարդիանը» որը աշխարհի մեծահարուստների մեջ Նազարբաևին հատկացրել էր 8-րդ պատվավոր հորիզոնականը՝ դնելով նրան Բիլլ Գեյթսի ու Ջորջ Սորոսի մերձավոր հարևանությամբ:

Ղազախ- Ախ այդպես, և Դուք թութակի պես կրկնում եք արևմտյան ծախու մամուլի բարբաջանքը, այո՞: Հարց տվեք Ձեզ, արդյո՞ք հենց արևմուտքը չէ մեր առաջին թշնամին: Դրանք հենց տեսան, որ մենք  վերականգնում ենք Խորհրդային Միությունը, միանգամից սկսեցին բամբասանքը. կուլ մի տվեք դրանց խայծը: Պուտինը մեր առաջնորդի խորհրդով ելել է նրանց դեմ և բնական է, որ բոլորը պիտի սարսափեն մեր  միությունից և տիեզերական ստեր  տարածեն մեր մասին:

-Գիտեք, անարդար բան է ստացվում. փաստորեն, ղազախներդ տեղեկացված եք, որ մենք կրկին Սովետական Միություն ենք կառուցում, իսկ հայերիս այդ մասին ոչինչ ասված չէ,  և մենք միամտաբար շարունակում ենք մեր սուվերեն երկրի շինարարությունը: Գոնե մի թույլ բերան մեզ էլ տեղեկացրեք՝  ինչ է կառուցվում այդ ԱՊՀ-ներում ու Եվրասիական միություններում:

Ղազախ - Ինչպես տեղեկացված չեք, այդ մասին արդեն ամբողջ աշխարհը գիտի: Իսկ ինչո՞ւ ենք մենք միավորվել, Դուք բավականին անտեղյակ լրագրող եք երևում: Մենք կրկին գնում ենք դեպի մեր կորցրած երկիրը, այդ մասին մեր առաջնորդը բազմաթիվ ելույթներ է ունեցել, կարող եմ և մեջբերումներ ներկայացնել նրա ելույթներից:

- Վայ, շնորհակալություն, մի ծանրաբեռնեք Ձեր խոսքը:

Ղազախ - Դե թող Արևմուտքին չթվա, թե նրանք ապամոնտաժեցին և գրողի ծոցն ուղարկեցին մեր հզոր երկիրը. մենք հիմա նոր ավյունով ենք ծաղկում և բուրում: Սա մեր առաջնորդի գաղափարն էր, նախկին Միության վերականգնումը նրա մտահղացումն էր, որն արդեն իրականություն է. կատարվեց միլիոնավորների երազանքը, և դա է ամենակարևորը:

-Եթե Ձեզ թվում է, որ Ռուսաստանը կրկին ձեզ կառնի իր շալակը, ծիծ կտա ու կպահի բոլորիդ, ապա դուք խորը թյուրիմացության մեջ եք: Սա ընդամենը պուտինյան հերթական ավանտյուրան է: Դու դրան տես, Ռուսաստանը մեռնում է սովից, իսկ նա որոշել է ռուսների արյան հաշվին դոնորություն անել մյուսներին: Ֆու, անգամ զզվելի է նրա մասին խոսելը. հիմա էլ ինչ-որ ուդմուրտ է նրա փոխարեն հեռուստաէկրանին երևում, ապա նայեք նրա այտոսկրերին, ռուս մարդը կարո՞ղ է այդպիսի այտոսկրեր ունենալ: Ձեր սուլթանի հետ մուսուլմանական որջ են սարքում և այնտեղ նետում դժբախտ ժողովուրդների:

Ղազախ - Դուք գիտեք, որ ազգամիջյան թշնամանք հրահրելը պատժելի է օրենքով: Այս Միությունը սիրո, եղբայրության ու համերաշխության միություն է: Քանի անգամ է մեր առաջնորդն այդ մասին հեռուստատեսությամբ, թերթերով ավետել, որ չի կարելի ազգամիջյան թշնամանք հրահրել. մեր թշնամիների երազանքն է հենց ազգամիջյան հրահրումներով երկրորդ անգամ կործանել մեր այս անխախտ Միությունը: Թող բոլորը նայեն Ղազախստանին և տեսնեն՝ ինչպես են մեզ մոտ հաշտ ու խաղաղ ապրում տասնյակ ժողովուրդներ՝ ռուսներ, ուկրաինացիներ, ուզբեկներ, թաթարներ, հայեր, վրացիներ…

-Դուք ավելի լավ կլինի ձեր հնոցապանին հուշեք, որ անգամ իր 5 միլիարդը չի հերիքի, որ գնի աշխարհի բոլոր թերթերը և համերաշխության քողի տակ իր մուսուլմանական սպեկուլյացիան անի: Մենք միամիտ չենք ու գիտենք, որ նա հաջողացրել է անգամ իր Դարիգա դստեր ձեռքերով անգամ ОРТ-ն իրենով անել, իր կեղտոտ փողերով  "Известия" և "Аргументы и факты" թերթերը ստրկացնել:  Բայց, փառք Աստծո, Ռուսաստանում կա մտավորականություն, որն  այդ ամենից տեղյակ է և  ազնվականություն, որ  19-րդ դարում ֆրանսիական պարֆյումերիա էր գործածում, երբ դուք մոխիր էիք օգտագործում օճառի փոխարեն: Պատրիկի և պլեյբեյի գլուխը մի կաթսայում չի եփվի: Եվ ականջներիդ օղ արեք, պատմությունը երբեք ետ չի շրջվում, մտավորականությանը բանտերում և աքսորներում ոչնչացրած երկիրը ետդարձի ճանապարհ չունի:

/Ղազաղը սկսում է լաց լինել/ -Դե լավ, սիրելի տիկնայք, եկեք ձեռք քաշենք քաղաքականությունից և ավելի թեթև թեմաների անցնենք: Սիրելիս, մի հուզվեք, այդ նոր միության ղեկավարությունն անգամ լավ չի պատկերացնում  իր անելիքը և չի բացառվում, որ ամենամոտ ապագայում դա  փլուզվի: Այնպես որ…

Ղազախ /չդադարող լացի միջից/- Ի՞նչ. Դուք լինելով լրագրող այդպիսի մահախոսակա՞ն եք արտասանում մեր ընդհանուր հայրենիքի մասին: Եվ ուրեմն ինքս կգրեմ  երկրի նախագահին մի բաց նամակ և կհայտնեմ, որ դուք դիսիդենտ եք, Արևմուտքի գործակալ:

-Այո, սիրելիս, անպայման գրեք, միայն լաց մի եղեք, խնդրում եմ: Եթե այս բանավեճը Ձեզ վիրավորեց, ես ներողություն եմ խնդրում դրա համար…

Ղազախ - Վախեցաք, չէ՞, այդպես էլ կարծում էի, ուրեմն առավելևս՝ կգրեմ այդ բաց նամակը: Ձեր բոլոր խոսքերի համար պատասխան կտաք անմիջապես երկրի նախագահին՝ Վլադիմիր Վլադիմիրովիչ Պուտինին:

-Ինչու իմ նախագահը Պուտի՞նն է, այ քեզ նորություն:

-Ցավալի է, որ մինչև հիմա չգիտեիք ով է Ձեր նախագահը. իսկ ինչ է՝ առաջ Լեոնիդ Իլյիչ Բրեժնևը կամ Միխայիլ Սերգեևիչ Գորբաչովը չէ՞ր. իհարկե, կային հանրապետության ղեկավարներ, բայց Միութենական ղեկավարներ էին համարվում, չէ՞ ամենավերին էշելոնը:

-Սիրելիս, Դուք, իսկապես, հրաշալի հումոր ունեք, շատ ուրախ էի ծանոթության համար. շնորհակալություն:

-Իսկապես ուրա՞խ էիք, ես ի տարբերություն քրոջս կարողանում եմ, չէ՞, բարդ թնջուկներ բացել, հիմնավոր կռվաններով  բանավիճել: Նկատեցիք, չէ՞, ռուս կինն ինչպես ճողոպրեց, դե կարող էր, թող պատասխան գտներ իմ կուռ փաստարկներին: Թվերի և փաստերի դեմ ոչ մի խաղ չկա: Դրա համար եմ ասում քրոջս՝ ամեն ինչ թող և անգիր արա միայն թվերն ու փաստերը, որ երբեք չխեղճանաս: Խնդրեմ՝ նայեք ծոցատետրս. ամբողջ գիշեր չեմ քնել, գրում էի, որ կարողանամ փառքով դուրս գալ այս բանավեճից: Տեսեք՝  քանի էջ եմ գրել. միայն տասը էջը մեջբերումներ են առաջնորդից, բոլորը մարգարեական խոսքեր, աֆորիզմներ՝  ուզածդ թեմայով և ուզածդ երևույթի մասին: Ափսոս, չթողեցիք խոսքս համեմեմ այս մարգարիտներով: Դե լավ, դեռ կհասցնեմ: Իսկ միգուցե հասցեներով փոխանակվե՞նք, որ չկորցնենք միմյանց:

- Мой адрес -
Не дом и не улица.
Мой адрес -
Советский Союз.

-Օ՜, մեր ամենասիրելի երգը, սկսեցինք. Колёса диктуют вагонные,
Где срочно увидеться нам…

 

 ՎԱՐԴուհի Սիմոնյան

ԼՐԱՀՈՍ

ՕՐՎԱ ԿԱՐԵՎՈՐ

Տեսանյութեր

12:29 • 21.11.24

Ինչո՞ւ մանկապարտեզը հոկտեմբերին չի բացվել, ստացվում է՝ սո՞ւտ եմ ասել. զգուշացնում եմ՝ մեկը չխախտի ժամկետը․ Փաշինյան

12:12 • 21.11.24

Մայթով քայլում ես, տեսնում 61 թվի «ԳԱԶ 66»-ի «ռամա» է դրված պապուց հիշատակ, տարե՛ք ձեր տուն, պատից կախեք. Նիկոլ Փաշինյան

11:05 • 21.11.24

Վահե Ղազարյանի հետ մանկությունից ընկերներ ենք, դա շատ հարցերում օգնել է, երբեմն՝ խանգարել․ Փաշինյան

21:03 • 20.11.24

Չենք սպասում 2026-ի ընտրություններին, ամեն բան անելու ենք, որ իշխանափոխությունը լինի մինչև այդ. Աննա Գրիգորյան

20:33 • 19.11.24

Վաղ թե ուշ Փաշինյանը կարմիր աստղով «պիլոտկա է» հագնելու, մոտ է այդ ժամանակը․ Հայկ Մամիջանյան

18:50 • 19.11.24

ԱրարատԲանկը` «Իմ անտառ Հայաստան»-ի կողքին․ Ազնավուրի անվան անտառ է հիմնվելու (տեսանյութ)

15:03 • 19.11.24

Սուբսիդիայի տոկոսը պահպանելով հնարավորինս նվազ՝ կավելացնենք քաղաքապետարանի եկամուտները. Ավինյան

14:07 • 19.11.24

«Ո՛չ 300 դրամներին»․ «Մայր Հայաստանը» Երևանի ավագանու նիստի ժամանակ ակցիա իրականացրեց

12:49 • 19.11.24

Մինչև 7 տարեկան երեխաները տրանսպորտով կերթևեկեն անվճար, թոշակառուները՝ 30% զեղչով. փոխքաղաքապետ

15:40 • 18.11.24

«Նոմա» ռեստորանը ներկայանում է նորովի. այն կընդունի իր հյուրերին նաև ձմռան ամիսներին

12:44 • 18.11.24

Այն, որ պաշտոնանկությունների մասին դուք գիշերն եք իմացել ու գրել, դա չի նշանակում, որ այդ գործընթացները տեղի են ունեցել գիշերը. Վահագն Ալեքսանյան

12:27 • 18.11.24

Հովիկ Աղազարյանի մասով կա հարուցված կարգապահական վարույթ, որը կունենա հետևանք. Վահագն Ալեքսանյան

12:18 • 18.11.24

Սափրվելը հետևանքներ էր ունենալու. մի՛ ափսոսացեք, շատ բան չենք կորցրել. Աղվան Վարդանյանը՝ պաշտոնանկությունների մասին

12:05 • 18.11.24

Այդ պաշտոնանկությունները դիտարկում եմ նախընտրական տրամադրությունների ներքո. Տիգրան Աբրահամյան

11:55 • 18.11.24

Օպերայի տարածքի շինությունները քանդելու ենք ու ստանանք կանաչ տարածք՝ մարդկանց օգտագործման համար. քաղաքապետ

11:54 • 18.11.24

Մենք մեր պահանջներում ավելի խիստ ենք լինելու, չենք հանդուրժելու անորակ սննդի մատակարարում մեր մանկապարտեզներ. Ավինյան

17:39 • 15.11.24

Վերելակը կանչեք՝ չի գա, գալիս մեծ-մեծ խոսում եք. Կոնջորյանը՝ ընդդիմությանը

16:18 • 15.11.24

Մե՞նք ենք «Հոկտեմբերի 27»-ի շահառուն, թե Անդրանիկ Քոչարյանը, որ այդ խառը վիճակում պաշտոնյաների ցանկ էր ներկայացնում, մեկն էլ ինքն էր. Քրիստինե Վարդանյան

13:21 • 15.11.24

Սասուն Միքայելյանի որդին այնքան լավ քաղաքապետ է, որ ասում են՝ «Սևակը Հրազդանի հետ է ամուսնացել»․ Անդրանիկ Քոչարյան

12:46 • 15.11.24

Կիրանցում անասունը սահմանն անցնու՞մ է. Փաշինյանը՝ Տավուշի մարզպետին

12:16 • 15.11.24

Ո՞վ է ում ձեռք առնում, ուզում եմ հասկանամ, ես «քյասիբի ռադիո» չեմ․ Փաշինյանն՝ իրավապահներին

12:05 • 15.11.24

Ոստիկանության զորքերը կենտրոնացված են Երևանում, այնպես կանենք, որ մարզերում էլ խնդիր չլինի. Փաշինյան

11:04 • 15.11.24

Դուք ոչ միայն Փաշինյանի, այլ Զավենիչի երկրպագուն եք. Խամոյանը՝ ՀԾԿՀ նախագահի թեկնածուին

15:48 • 14.11.24

Պարոն Աղազարյան Հովիկին ոչ ոք չի դատապարտի, որովհետև կառավարությունը չի ձախողվի. Աղազարյան

13:52 • 14.11.24

Կարդացի Անկախության հռչակագիրն ու սարսափելի եզրահանգման եկա՝ ՀՀ-ն չի կարող գոյություն ունենալ. Նիկոլ Փաշինյան

13:20 • 14.11.24

Բանակը մի՛ սրբագործեք, ասում են՝ մեր զինվորի ցավը տանեմ, դուրս կգա Մադագասկար․ Փաշինյան

12:34 • 14.11.24

Այսօրվա մեր հավաքական սոցիալ-հոգեբանությունն ու սոցիալ-մտածողությունն ապապետական է․ Փաշինյան

11:50 • 14.11.24

Աղազարյա՛ն, ջանդ յուղի, քո գլխին են սարքում, ա՛յ ընկեր, դու էլ ես նախկին դաշնակցական. Արթուր Խաչատրյան

11:21 • 14.11.24

Դուք Թուրքիային ու Ադրբեջանին՝ մեր անվտանգության երաշխավոր դարձնելը փաթեթավորել եք իրական Հայաստանի ներքո, որը շատ այլանդակ տեսք ունի. Քրիստինե Վարդանյան

11:02 • 14.11.24

Դուք ձգտում եք վերադարձնել պատմական Հայաստանը, որտեղ կաք դուք, չկա պետականություն ու կա գուբերնատոր դառնալու հնարավորություն. Արթուր Հովհաննիսյանը՝ ընդդիմությանը

20:37 • 13.11.24

Աթոռը պահելու համար Փաշինյանը պատրաստ է Պուտինի նկարը կախել գլխավերևում, հարց է՝ Պուտինը կտա՞, թե ոչ․ Նաիրա Կարապետյան

17:41 • 13.11.24

Չենք բարձրացնում Ադրբեջանի սահմանադրության փոփոխության հարցը, նույնը ակնկալում ենք իրենցից․ Փաշինյան

16:26 • 13.11.24

Այսօրվա ընդդիմությունը հաջորդ ԱԺ-ում չի լինի, իշխանությունն ավելի բարձր ձայներով կընտրվի․ Ալեն Սիմոնյան

15:47 • 13.11.24

Օկուպացված տարածքների խնդիրը ռազմական ճանապարհով լուծելու խնդիր դրված չէ․ Սուրեն Պապիկյան

14:51 • 13.11.24

Երիտասարդ տարիքում, երբ լսում էի «Կիլիկիա» երգը, լացում էի, երբ մեծացա, հասկացա՝ ինչի՞ լացեմ, Կիլիկիան՝ ուր, ես՝ ուր. Հովիկ Աղազարյան

14:11 • 13.11.24

Մենք առաջարկում ենք, որ էլի վարկ վերցնենք նոր սարքավորումների, արտադրանքի գեներացման համար, հետո շնորհակալություն եք հայտնելու. Խաչատուր Սուքիասյան

12:21 • 13.11.24

«ՀՀ ԶՈՒ-երն այսօր Հնդկաստանի համար դարձել են գովազդային վահանակ». «Պարոն Մանուկյանը քաղաքական լավ ելույթ ունեցավ, մի՛ խանգարեք». քննարկում ԱԺ-ում

10:44 • 13.11.24

Չե՞ք կարծում, որ բերետավորների հոգեկան առողջությունը ստուգելու կարիք կա․ Խաչատրյանը՝ Քոչարյանին

17:43 • 12.11.24

Գերիների ամբողջական վերադարձը պետք է նախապայման լինի ցանկացած բանակցության համար․ Քրիստինե Վարդանյան

15:23 • 12.11.24

Բաքվում պահվողներին վերադարձնելու ամենապատեհ առիթը COP29-ն է, հետո վերադարձի հավանականությունը հավասարվելու է զրոյի. Արթուր Խաչատրյան

Տեսնել բոլորը

Ամենից շատ կարդացված նյութեր Այսօր Երեկ Շաբաթվա

Տնտեսություն

Գիտություն/տեխնիկա

Մշակույթ

Սպորտ

Իրադարձային

Մամուլի տեսություն

Քաղաքականություն

Իրավունք

Ժամանց