Կարելի է արդյոք անտիբիոտիկների հետ ալկոհոլ օգտագործել

Մեզանից գրեթե յուրաքանչյուրը լավ տեղյակ է, որ  անտիբիոտիկների օգտագործման ժամանակ պետք է զերծ մնալ ալկոհոլի օգտագործումից։ Որքանո՞վ է դա հիմնավորված:
 

Ալկոհոլի և անտիբիոտիկների համատեղ օգտագործումն արգելվել է դեռևս 1950-ական թվականներից, երբ  սեռավարակների (վեներական հիվանդությունների) բուժման համար, ինչպիսիք են սիֆիլիսը և գոնորեան սկսեց կիրառվել պենիցիլինը:

  Ինչպես նշում է Здоровье .com  կայքը, հավանաբար, բժիշկները մտավախություն ունեին, որ ալկոհոլի ազդեցության ներքո հիվանդների մոտ սեռական ակտերի կառավարումը հնարավոր չի լինի, ինչն էլ առաջ կբերի նոր՝ ավելի ուժեղ դեղամիջոցի կիրառման անհրաժեշտության, որը այդ ժամանակահատվածում դեռևս հայտնաբերված չէր: Դրանից ելնելով էլ հիվանդներին խորհուրդ էր տրվում զերծ մնալ ալկոհոլի օգտագործումից մինչև լիարժեք առողջանալը:

երջերս Անգլիայում կատարված հետազոտությունները ցույց տվեցին, որ բժիշկների այդ մտավախությունները և ալկոհոլի օգտագործումից զերծ մնալն այդ ընթացքում լիովին արդարացված են: Լաբորատորիաներից մեկում կատարվող հետազոտությունները ցույց տվեցին, որ վեներական հիվանդություններից բուժվող երկու խմբերից առավել հաճախ պատահական սեռական ակտի մեջ մտնում էին հենց այն հիվանդները, որոնք զուգահեռ նաև ալկոհոլ էին օգտագործում և հարաբերություններ էին ունենում ալկոհոլի ազդեցության ներքո:

Մասնագետների կողմից անցկացված մեկ այլ հետազոտություն ևս խոսում էր այն մասին, որ անտիբիոտիկների օգտագործումը և ալկոհոլի համատեղ կիրառումը հակացուցված  է:  Փորձն իրականացվում էր մի  խմբում, որտեղ հիվանդները ընդունում էին մի շարք հակաբորբոքային դեղորայքներ, ինչպիսիք էին մետրոնիդազոլը, տինիդազոլը և սուլֆամեթօքսազոլը (տրիմեթոպրիմ):

Այս դեղորայքները արգելափակում են օրգանիզմից ալկոհոլի դուրս գալու գործընթացը, ինչի արդյունքում օրգանիզմում կուտակվում էին այնպիսի թունավոր նյութեր, ինչպիսիք էին քացախալդեհիդները, որոնք օրգանիզմում առաջացնում են խումար:
Այսպիսով՝ այս դեղորայքների օգտագործման ընթացքում մեկ բաժակ գինին կամ մեկ շիշ գարեջուրը կարող են պատճառ դառնալ ուշագնացության, սրտխառնոցի, ինչպես նաև դեմքի և մարմնի կարմրածության և ցանի:

Ի նկատի ունենալով  այս ամենը՝ բժիշկները շատ հազվադեպ են վեներական հիվանդությունների բուժման ժամանակ օգտվում այս դեղորայքներից, իսկ եթե այնուամենայնիվ կիրառում են, ապա միայն վերջիներիս կողմնակի ազդեցությունների  լիարժեք վերլուծությունից հետո, քանի որ դա հիվանդի մոտ բուժման ընթացքում, տեղեկացված չլինելու արդյունքում կարող է առաջացնել խուճապ և սթրեսային իրավիճակներ:

Ինչ վերաբերում է անտիբիոտիկների մյուս խմբերին, առայժմ վերջիններիս ալկոհոլի հետ համատեղ օգտագործման ընթացքում կոնկրետ առողջության համար վտանգի մասին բժշկությունը լռում է, այնուամենայնիվ, բորբոքային հիվանդությունների ժամանակ ալկոհոլի օգտագործումը չի խրախուսվում, քանզի երբ օրգանիզմը առողջ չէ, ալկոհոլի օգտագործումը կարող է շատ տհաճ հետևանքներ թողնել մարդու ինքնազգացողության վրա:

Ալկոհոլի օգտագործումը հիվանդ օրգանիզմում կարող է առաջացնել արյունատար անոթների լայնացում, որն էլ կնպաստի, որպեսզի օրգանիզմում տեղի չունենա իմունիտետի բարձրացում, որն էլ թույլ չի տա, որ բորբոքային գործընթացը օրգանիզմից դուր գա: Ալկոհոլի առկայությունն օրգանիզմում կարող է հանգեցնել երիկամների արագ աշխատանքին, որն էլ կթուլացնի օրգանիզմը:

Որոշ անտիբիոտիկների չարաշահումը կարող է պատճառ դառնալ լյարդի բորբոքման (առաջացնելով թեթև հեպատիտ), այս ընթացքում ալկոհոլի օգտագործումը ավելի կվնասի լյարդը, որն արդեն իսկ ախտահարված  է:

Ուստի, եթե դուք հիվանդ եք, այնուամենայնիվ զերծ մնացեք ցանկացած տեսակի ալկոհոլ օգտագործելուց, քանի որ վերջինիս բացակայության պարագայում ձեր օրգանիզմը ավելի արագ կկազդուրվի: