Որ տարիքն է համարվում հղիության համար ռիսկային

11:43 • 14.11.15

Հղիությունը 35 տարեկանից հետո, իհարկե, չի կարող լիովին ոչ ռիսկային լինել, բայց ռիսկն այդքան էլ մեծ չէ, որքան որ մտածում եք և շատ դեպքերում կարելի է այն հասցնել մինիմումի:

Գոյություն ունեն փաստեր, որ 35 տարեկանից հետո հղիանալու հավանականությունը քիչ-քիչ իջնում է: Բայց պետք է հաշվի առնել, որ դատեղի է ունենում աստիճանաբար:

Սակայն համեմատաբար բարձր տարիքում ծննդաբերելու ամենամեծ վտանգը այն է, որ կարող է ծնվել գենետիկ շեղումներով, հատկապես Դաունի համախտանիշով երեխա:

Վիճակագրության համաձայն, 40-ամյա կնոջ համար, Դաունի համախտանիշով երեխայի ծնվելու հավանականությունը 9 անգամ ավելի մեծ է, քան 30-ամյայինը:

Սակայն, եկեք նայենք թվերին, այլ ոչ ռիսկերի բարձրացման աստիճանին: 40-ամյա կնոջ համար Դաունի համախտանիշով երեխա ունենալու հավանականությունը 1%-ից պակաս է, իսկ 45-ամյա կնոջ համար այն կազմում է 3%, այսինքն մյուս կողմից, առողջ երեխա ծնվելու հավանականությունը կազմում է 97%:

35 տարեկանից բարձր կանանց մոտ , հղիության ընթացքում, ավելի հաճախ են առողջական խնդիրներ առաջանում, հատկապես դիաբետ և արյան բարձր ճնշում: Այդպիսի բարդություններ առաջանում է 35 տարեկանից բարձր կանանց 6%-ի մոտ( ավելի երիտասարդների մոտ 1.3% է):

Ըստ վիճակագրության, համեմատաբար մեծ տարիքի կանանց մոտ աճում է հղիության բարդությունների վտանգը: Մեծանում է վիժման վտանգը: Ծննդաբերությունը կարող է լինել ավելի դժվար և երկարատև: Սակայն, հետազոտությունները ցույց են տվել, որ ծննդաբերության միջին ժամանակի տարբերությունը երիտասարդ և համեմատաբար մեծ տարիքի կանանց մոտ, կազմում է ընդհամենը 45 րոպե:

35 տարեկանից բարձր կանանց մոտ մեծանում է էնդոմետրիոզ և ֆիբրոզ-կիստոզային հիվանդություններով հիվանդանալու հավանականությունը, որոնք կարող են ազդել հղիության ընթացքի վրա:

Սակայն նման խնդիրները կարելի է հասցնել մինիմումի, եթե կինը ,հղիանալուց առաջ հետևի իր սննդակարգին, թողնի ծխելը, ալկոհոլի օգտագործումը, կոֆեինն ու նարկոտիկները, ընդունի վիտամիններ և կատարի ֆիզիկական վարժություններ:
Աղբյուր med2.ru