9 ամենատարօրինակ ֆոբիաները

Ֆոբիան դա անհաղթահարելի, կպչուն վախն է  ինչ-որ առարկայի կամ երևույթի հանդեպ: Ֆոբիայի պատճառը, ինչպես և ցանկացած այլ ախտանիշին, հոգեկան ձգտումների անգիտակցական կոնֆլիկտն է։

Օմֆալոֆոբիա – վախ պորտերից
Այս ֆոբիայով տառապող մարդիկ վախենում են, երբ ինչ-որ մեկը դիպչում է իրենց պորտին, և իրենք էլ վախենում են ձեռք տալ ուրիշի պորտին:  Վախը հիմնականում կապված է նրա հետ, որ այն նրանք ասոցացնում են մայրական պորտի  և արգանդի հետ: Նման ֆոբիայով հիվանդ մարդիկ անգամ վախենում են մտածել պորտի մասին:

Օմբրոֆոբիա — անձրևի հանդեպ վախ
Վախը կարող է հանգեցնել լուրջ տագնապի նոպայի: Համարվում է, որ այդ ֆոբիան կարող է առաջանալ մանուկ ժամանակից այն պատճառով, որ երեխաներին թույլ չի տրվում անձրևի ժամանակ դուրս գալ, բացի այդ, անձրևը հաճախակի ասոցացվում է դեպրեսիայի հետ:

Պենտերաֆոբիա — զոքանչի կամ սկեսուրի հանդեպ վախ
Այս ֆոբիայից էլ հավանաբար առաջացել են մի շարք անեկդոտներ: Սա ֆոբիայի այնպիսի տեսակ է, երբ մարդիկ ի վիճակի չեն շփվել զոքանչի կամ սկեսուրի հետ:

Պոգոնոֆոբիա –վախ մորուքներից
Հաղորդավար Ջերեմի Պակսմանը մեղադրեց ВВС-ին պոգոնոֆոբիայի մեջ , այն բանից հետո երբ նրան քննադատեցին, Newsnight  հաղորդման շրջանակներում մորուքով հյուընկալվելու համար:

Պապաֆոբիա — Հռոմի պապի հանդեպ վախ
Շատ հազվադպ հանդիպող երևույթ է: Այն շկապված է հոգևորականների կամ  կրոնական նշանակության իրերի նկատմաբ վախից:  Այն հիմնականում առաջանում է Հռոմի պապի հետ կապված որևէ հոգեկան տրավմայի արդյունքում:

Տրիպոֆոբիա – վախ անցքերի կուտակումից
Տրիպոֆոբիայով տառապող մարդիկ վախենում են անցքերի կուտակումից, այսինք բազմաթիվ փոքր անցքերով առարկաներից, որոնք իրենց մոտ ասոցացվում են վտանգի հետ: Առայժմ ֆոբիայի այս տեսակը պաշտոնապես ընդգրկված չէ ֆոբիաների ցանկում, չնայած որ այս վախի տեսակով աշխարհում հազարավոր մարդիկ են տառապում:
Այս հիվանդությամբ տառապող մարդիկ վախենում են այնպիսի իրերից ինչպիսիք են մեղրախորիսխը, սպունգը կամ բույսերը որոնք ունեն մանր անցքեր: Տրիպոֆոբիայի նախանշաներ կարող են լինել սրտխառնոցը, քորը և անգամ խուճապի նոպաներ:

Հայրոֆոբիա — անհարմար իրավիճակում ծիծաղելու վախ (օրինակ՝ թաղման ժամանակ): Այս վախի մեխանիզմը կապված է օրգանիզմի պաշտպանիչ արձագանքի հետ, որը կարող է տարօրինակ արձագանքել ցնցող իրավիճակում և պաշտպանվել ուրախության դրսևորմամբ:

Խրոնոֆոբիա — ժամանակի հանդեպ վախ
Մարդուն հետապնդում են ժամանակի մասին մտքերը, տագնապալից սպասումը, ապագայի հանդեպ վախը և այլն: Մարդ դադարում է նկատել կյանքը, ողջ իր ուշադրությունը կենտրոնացնում է ժամանակի ընթացքի վրա:

Ֆիլոֆոբիա — սիրահարվելու հանդեպ վախ
Որոշ հոգեբաններ կարծում են, որ ֆիլոֆոբիան թաքնված վախ է մերժված լինելու հանդեպ կամ անվստահություն է սեփական ուժերի վրա:

Աղբյուրը՝ adme.ru