Զգուշացեք Բոտուլիզմից. Ինչպես չթունավորվել տանը պատրաստված պահածոներից

Թերևս ամենամեծ վտանգը, որ թաքնված  է  տանը պատրաստված պահածոների սիրահարների  համար,  դա բոտոլիզմով հիվանդանալու հավանականությունն է:

Որտեղից է այն առաջանում.

Բոտուլիզմը համարվում է թունավորում, որը  տեղի է ունենում  տոքսին բակտերիաներով հագեցած սննդի օգտագործաման ժամանակ:Բնության մեջ բոտուլիզմը լայնորեն տարածված է և գտնվում է հողում, լճերում ձկների և այլ կենդանիների աղիներում: Ընկնելով սննդամթերքի մեջ, այդ բացիլները բազմանում են և արտադրում են տոքսիներ, որոնք հանդիսանում են ամենահայտնի և ամենաուժեղ բակտերյալ թույները:

Ինքն իրենով միկրոբն անվտանգ է, սարսափելի է միայն նրա արտադրած թույնը: Իսկ տոքսիների առաջացման համար  իդեալական միջավայր են  համարվում հերմետիկ  փակ տարաները: Թույնն արտադրվում է  միայն անաէրոբ պայմաններում, այսինքն, անօդ միջավայրում:

Աղը և թթուները խանգարում են  տոքսիների արձակմանը, բայց քացախ և աղի ներկայությունը պահածոների մեջ չի կարող 100%  անվտանգ  երաշխիք լինել  մարդու առողջության համար:  Հաճախակի տարայում առկա տոքսիները ոչ մի կերպ չեն դրսևորվում, մթերքների արտաքին տեսքը չի փոփոխվում, համը և հոտը նույնն է մնում, իսկ կափարիչը որպես կանոն ուռած չի լինում:
Վտանգավոր բակտերիային հաղթահարելու միակ տարբերակը  մնում է փակված  բանկայի և նրա պարունակության 120  աստիճան ջերմության տակ  ստերիլիզացումը:

Թունավորման ամենատարածված պատճառներ դառնում են հերմետիկ փակված  սնկի և բանջարեղենի  պահածոները: Սնկերի և բանջարեղենի մաքրելը հաճախակի շատ դժվար է լինում, դրա համար բակտերիան շատ հանգիստ կարող է թափանցել ձեր պահածոյի մեջ:

Լիովին անվտանգ պահածոներ կարելի է համարել միայն աղի  և թթու բանջարեղենները, որոնք չեն պահանջում  հերմետիկ կափարիչներ, և մուրաբաները: Խնդիրը կայանում է նրանում, որ շաքարավազը  բարձրացնում է  եռման ջերմաստիճանը, դրա համար վտանգավոր տոքսիներ արտադրող բակտերիաները մահանում են:

Բոտուլիզմի առաջին ախտանշաններն են  սրտխառնոցը, փսխումը, որովայնային ցավը և  լուծը:

Այնուհետև ստամոքսում առաջանում է   փքվածության տպավորություն,    առաջանում է փորկապություն: Ավելի ուշ առաջանում են տեսողական խանգարումներ, բերանի  չորություն  և  մկանային թուլությունը:  Գլուխը սկսում է կախվել, և  հիվանդները ստիպված են  այն պահել ձեռքերով: Շնչառությունը  դառնում մակերեսային, հազիվ նկատելի:

Հակաբոտուլինային շիճուկի շտապ ներարկման դեպքում, հիվանդի մոտ կարող է ամեն ինչ կարգավորվել: Առանց այդ շիճուկի կիրառման՝ մահացության ցուցանիշը կարող է կազմել 30-ից  60%: Մահը, որպես կանոն, տեղի է ունենում շնչառական մկանների կաթվածահարության և շնչառական անբավարարության հետևանքով: Ժամանակակից բուժման միջոցները նվազեցնում են հիվանդությունից  մահվան ցուցանիշը մինչև 10%:

Պաշտպանվեք

1. Տնային պայմաններում պահածոների պատրաստման ժամանակ պահպանեք մաքուրությունը: Մի մոռացեք տարաների և կափարիչների  ստերիլիզացման մասին,  մանրակրկիտ լվացրեք  և արդուկեք  խոհանոցային սրբիչները:

2. Անհրաժեշտ  չէ պատրաստել  պահածոներ բնական թթուներից զուրկ  բանջարեղեններից (վարունգից, դդմիկից,  սմբուկից) և  սնկերից: Նրանց համար գոյություն ունեն  պատրաստման առավել անվտանգ մեթոդներ, աղով, ոչ հերմետիկ տարայի մեջ մարինացնելը, իսկ սնկերի դեպքում կիրառելի է չորացնելը:

3. Եթե դուք պատրաստում եք  կոմպոտ խնձորից, տանձից, սալորից և  ծիրանից (ընկած պտուղները  հաճախ հավաքում  են  գետնից), այդ դեպքում ստերելիզացնել անհրաժեշտ է ոչ միայն տարան և կափաիչը, այլ նաև նրանց պարունակությունը: Դրա համար արդեն լցված տարաները դրեք եռացող ջրի մեջ և առանց հերմետիկ փակելու եռացրեք 20 րոպե:

Աղբյուրը՝ aif.ru