Ինչպես հաղթահարել ծխելը թողնելու հետևանքով առաջացած խնդիրները

Ծխելը թողնելը հաճախ լինում է բարդ և հիվանդագին, իսկ գիրանալու հեռանկարը պատկերը դարձնում է ավելի տխուր ու տանջալի:

Նիկոտինն ակտիվացնում է ուղեղի այն հատվածը, որը ճնշում է ախորժակը: Բացի դա, նիկոտինն արագացնում է նյութափոխանակությունը, և հետևաբար այրվող կալորիաների քանակը: Երբ մարդը թողնում է ծխելը, գործընթացները կարգավորվում են: Երեկվա ծխողը սկսում է ուտել այնպես, ինչպես վերջին անգամ, իսկ դանդաղացած նյութափոխանակությունը չի հասցնում հաղթահարել հանկարծակի հայտնված «աշխատանքի ծավալը»:

Սակայն ավել կիլոգրոմները խնդիր չեն, եթե ճիշտ կազմակերպեք սննդակարգը:
Անառողջ նախուտեստները փոխարինեք առողջով

Գիտնականները նշում են, որ կարգավորված նյութափոխանակության գործընթացները կարող են ավելացնել երկու կիլոգրամից ոչ ավել: Խնդիրը հեշտ հաղթահարելի է, եթե օրական սննդակարգը կրճատեք 100-200կկալ-ով: Մնացած ավել քաշի համար պատասխանատու են հոգեբանական և սոցիալական գործոնները:

Նախկին ծխողները ծխախոտի բացակայությունը լրացնում են չիպսերով, ընկույզով, արևածաղկի սերմերով և կոնֆետներով: Մասնագետների կարծիքով, որպես այդպիսին, միտքը վատը չէ: Միայն հարկավոր է բարձր կալորյականությամբ նախուտեստները փոխարինել առողջ  նախուտեստներով, օրինակ գազարով, բոխկով, քաղցր բիբարով կամ հապալասով:
Սննդի սովորական չափաբաժինը չգերազանցելու համար, շատ կարևոր է նաև հիմնական սննդի հստակ պլանավորումը:

Կերեք մթերքներ, որոնք հաճույք են պատճառում

Վերջին հետազոտությունները ցույց են տվել, որ ֆիզիոլոգիական տեսանկյունից նիկոտինից կախվածությունն ավելի ուժեղ է, քան կոֆեինից ու մարիխուանայից: Ինչ վերաբերվում է հոգեբանական կախվածությանը, ապա այն համեմատական է հերոինին և կոկաինին:

Նարկոլոգներն առաջարկում են օրգանիզմին «խաբել» այնպիսի մթերքների օգնությամբ, որոնք դանդաղ ձերբազատում են շաքար արյան մեջ:  Ծիրանը, տանձը, բնական յոգուրտները նպաստում են սերոտոնինի սինթեզին, որի ազդեցությունը բավականին երկարատև է:

Փնտրեք մթերքներ, որոնք օգնում են հանգստանալ

Մասսաչուսեցի համալսարանի գիտնակաները եկել են այն եզրահանգման, որ նիկոտինը լավացնում է ուշադրությունն ու հանում է անհանգստության զգացումը:

Անհավասարակշռությունը կօգնի փոխհատուցել ձուկը, ձուն, լոբին և թրչնամիսը: Սպիտակուցը բարձրացնում է համակենտրոնացումն ու թեթևացնում «անցումային շրջանը»: Իսկ վիտամին Ց-ի դեֆիցիտը(դա առաջանում է երկար ծխելու հետևանքով) կարելի է փոխհատուցել ցիտրուսային և տրոպիկական մրգերով:

Նյարդային համակարգի աջակցությանն օգնում է բանանն ու Բ խմբի վիտամիններով հարուստ բանջարեղենները:

Շատ ջուր խմեք

Մեծ քանակությամբ հեղուկն արագացնում է տոքսինների դուրսբերումն ու իջեցնում է անհագուրդ ախորժակը:

Պարտադիր չե օգտագործեք սովորական ջուր: Կարող եք խմել խոտաբույսերով թեյ կամ  յուղազրկված կաթ: Իսկ ահա սուրճից ու ալկոհոլից առայժմ լավ է հրաժարվեք: 
Որքան հնարավոր է շատ փորձեք նոր ուտեստներ

Հիմնական կանոնը՝ հետևել չափաբաժնին և շատ չուտել: Դժվար ժամանակահատվածում հաճույք ստանալու հիանալի միջոց է, քանի որ ծխելը թողնելը նպաստում է համի ու հոտի զգացումի սրացմանը:

Աղբյուր՝ health.mail.ru