Ինչպես պատրաստել օրգանիզմն առատ սեղաներին և տոնական խնջույքներին

Ինչպես անել, որ խուսափել շատակերությունից և անսովոր  ծանր սնունդից:

Մեզանից յուրաքանչյուրը բախվել է այն հարցի հետ, թե ինչպես խուսափել կամ վերականգնվել նոր տարվա առատ սեղանների համտեսումներից հետո:

Նմանատիպ առատ խնջույքներին հարկավոր է պատրաստվել, 3-ից 4 օրա առաջ: Հարկավոր է բեռնաթափել օրգանիզմը, սնվել հիմնականում բանջարեղենային ռագուներով և ապուրներով, իսկ տապակած միսը փոխարինել շոգեխաշած մսով: Իսկ տոնակատարություններից 2 օր առաջ, բոլորին, անգամ առողջ մարդկանց, լավ կլինի խմել ֆերմենտային պատրաստուկներ: 

Մինչև նախատոնական ընթրիքը,  ցանկացած օր, որքան էլ աշխատանքայի  գրաֆիկը ծանրաբեռնված լինի, չի կարելի քաղցած մնալ, ընդհակառակը հարկավոր է որևէ բան ուտել, բայց ոչ սենդվիչ, այլ ապուր կամ կարտոֆիլի խյուս, ավելի լավ կլինի խմել կարտոֆիլի արգանակ: Այս նյութերը ծածկում են ստամոքսի պատերը և փրկում  նրան ալկոհոլի և սննդի ազդեցությունից:

Շատ կարևոր է հիշել, որ ալկոհոլը, քաղցր գազարորված ըմպելիքները և թարմ քամած հյութերը մեծ քանակությամբ չի կարելի օգտագործել քաղցած ժամանակ, քանի որ այն կարող է  «պարգևել» ձեզ գաստրիտի սրեցում և «զվարճալի» գիշեր դեղահաբերների հետ:

Ցանկալի կլինի տոնական սեղանի վրա լինի  թարմ քամած արքայախնձորի հյութ (որում առկա է բրոմելան), որը բարելավում է մարսողությունը: Վերջինիս  կես բաժակի օգտագործումն ուտելուց հետո, զերծ կպահի օրգանիզմին մարսողական մի շարք խնդիրների առաջացումից:

Սակայն հարակավոր է հիշել, որ յուրաքանչյուր ըմպելիք հարկավոր է օգտագործել չափի մեջ, դա վերաբերում է նաև արքայախնձորի  թարմ քամած հյութին, որի չարաշահումը կարող է վնաս հասցնել ստամոքսի լորձաթաղանթին:

Սակայն այս բոլոր խորհուրդները ապարդյուն կլինեն, եթե չպահպանվի սննդակարգի նորմալ քանակության օգտագործումը: Իհարկե ցանկալի է օգտվել բոլոր տեսակի ուտեստներից, սակայն հարկավոր չէ դրանք բոլորը համտեսել մեծ քանակությամբ: Հիմնականում, բոլոր տոնական ուտեստները հագեցնող են, դրա համար օրական 3-ից 4 անգամ նման կալորականությամբ սննդի օգտագործումը կարող է օրվա վերջում կազմել 3000—4000 կալորիա:

Տոնական օրերին չի կարելի նաև շատ խմել, քանի որ ալկոհոլը կալորականությամբ հարուստ է և առաջացնում է ուտելու ցանկություն, և որ ամենավատն է, այն շատ վտանգավոր է սրտանոթային համակարգի ու լյարդի համար: Տոնական օրերից հետա անպայման հարկավոր է կազմակերբել բեռնաթափման 2 օր:

Աղբյուրը ՝ med2.ru