Ամերիկացիները պարզել են, թե ինչպես կարելի է հաղթել ասթման

16:47 • 12.01.16

Սեն-Լուի համալսարանի մասնագետները եկել են այն եզրակացության, որ ասթմայով հիվանդներն, ովքեր 6 ամիս շարունակ իրենց սովորական ինհալյատորների հետ զուգահեռ ստանում են նաև վիտամին D, կարող են շնչել ավելի հեշտ, քան նրանք, ովքեր օգտվում են միայն ինհալյատորներից:

Միայն ԱՄՆ-ում, յուրաքանչյուր 12 մարդուց մեկը տառապում է ասթմայով: Վերջին տասնյամյակներում ասթմայով հիվանդների թիվը 15%-ով աճել է: Հյուսիսային կլիմայական գոտում ասթմայով հիվանդների թվի աճը թույլ է տալիս ենթադրել, որ արևի լույսի քանակի կրճատումը, որի հետևանքով օրգանիզմում ավելի քիչ քանակությամբ վիտամին D է արտադրվում, կարող է նշանակություն ունենալ տվյալ հիվանդության զարգացման գործընթացում:

Հետազոտությանը մասնակցել են ասթմայի մեղմ և չափավոր տեսակով տառապող 130 երեխաններ և մեծահասակներ:

Հետազոտության շրջանակում, նրանցից յուրաքանչյուրը ստացել է ինհալյատորից իր դեղամիջոցը, սակայն նրանց մի մասը դրանց հետ զուգահեռ, 6 ամիս շարունակ, ստացել են նաև վիտամին D-ի մեծ չափաբաժին:

8 շաբաթ անց, երբ մասնագետները չափել են հիվանդների թոքերում օդի քանակությունը, որը նրանք կարող էին արտաշնչել մեկ վարկյանում, պարզվել է, որ 2 խմբերի մոտ էլ այդ ցուցանիշը գրեթե նույն է:

Սակայն 28 շաբաթ անց, այն հիվանդների մոտ, ովքեր ստանում էին վիտամին D, այդ ցուցանիշը 20%-ով բարձրացել է: Իսկ միայն ինհալյատորներ օգտագործող հիվանդների մոտ այդ ցուցանիշը բարձրացել է 7%-ով: Գիտնականները նշում են, որ նշված հետազոտությունում չափվում էին միայն հիվանդների թոքերի ֆունկցիանները և ոչ թե ասթմայի ընդհանուր ախտանշանների բարելավումը:

Մասնագետների խոսքերով, եթե տվյալ արդյունքներն ապացուցվեն խոշոր հետազոտություններով, ապա դա կարող է օգնել ասթմայի տհաճ ախտանշաններով տառապող շատ մարդկանց:

Աղբյուրը՝ gogetnews.info