Զարկերակների ու երակների մաքրման համար լավագույն մթերքները

Սննդակարգը հանդիսանում է մարդու առողջության հիմնական գործոնը: Կան մթերքներ, որոնք ժամանակի ընթացքում կարող են բերել զարկերակների խցանման: Արդյունքում խախտվում է արյան շրջանառությունը, առաջանում են տարբեր սրտանոթային հիվանդություններ, որոնք կարող են բերել վաղաժամ մահվան:

Մյուս կողմից կան մթերքներ, որոնք օգնում են մաքրել զարկերակներն ու երակները:

Ըստ տարբեր հետազոտությունների, աթերոսկլերոզը հիվանդություն է, որը հանգեցնում է առավել թվով մահերի ողջ աշխարհում:

10 լավագույն մթերքները զարկերակների ու երակների մաքրման համար

Սխտոր

Սխտորը պարունակում է մեծ քանակությամբ հակաօքսիդանտներ, որոնք պայքարում են ազատ ռադիկալների դեմ: Բացի այդ, սխտորը նպաստում է արյան մեջ «վատ» խոլեստերինի մակարդակի նվազմանն ու «լավ» խոլեստերինի մակարդակի բարձրացմանը: Սխտորի օգտագործումն օգնում է կարգավորել արյան շրջանառությունն ու հաղթահարել հիպերտոնիան:

Վարսակ

Սովորաբար խորհուրդ է տրվում առավոտը սկսել վարսակով: Վարսակը ոչ միայն կարգավորում է մարսողությունը, այլ նաև խոչնդոտում է խոլեստերինի կուտակումը անոթների պատերին, որը կանխում է աթերոսկլերոզի ու այլ սրտանոթային հիվանդությունների առաջացումը:

Խնձոր

Խնձորում պարունակվում է պեկտին, որը շատ օգտակար է մարդու առողջության համար: Մասնագետների խեսքերով, պեկտինն ունակ է կապվել խոլեստերինի հետ: Իսկ խնձորում պարունակվող ֆլավանոիդները 50%-ով նվազեցնում են սրտային հիվանդությունների առաջացման հավանականությունը:

Ձուկ

Եվս մեկ էլեմենտ, որն անհրաժեշտ է մտցնել սննդակարգի մեջ: Ձուկը հարուստ է Օմեգա-3 ճարպաթթվով, որն օգնում է մաքրել զարկերակները:

Քրքում

Քրքումի բաղադրիչներից մեկը հանդիսանում է սրտի իսկական պաշտպան: Հետազոտությունները ցույց են տվել, որ քրքումը սննդամթերք է, որն ունակ է կանխել զարկերակների ու երակների խցանվելը:

Սպանախ

Այս կանաչին պարունակում է մեծ քանակությամբ A և C վիտամիններ: Գիտնականների խոսքերով, այս վիտամինները կանխում են խոլեստերինի օքսիդացումը և իջեցնում աթերոսկլերոզի առաջացման հավանականությունը:

Ընկույզներ

Շնորհիվ նրանցում պարունակվող մոնոհագեցած ճարպերի և Օմեգա-3 ճարպաթթվի, ընկույզները խոչնդոտում են անոթներում խցանումների առաջացմանն ու օգնում մաքուր պահել նրանց: Այդ պատճառով, խորհուրդ է տրվում սննդակարգում ներառել պնդուկ, նուշ. արախիս և պեկան ընկույզ:

Ձիթապտղի ձեթ

Ձիթապտղի ձեթն ունի առողջության համար մի շարք օգտակար հատկություններ: Այն կարևոր դեր է խաղում սրտի հիվանդությունների կանխարգելման գործում: Այն օգնում է խուսափել խոլեստերինի օքսիդացումից և անոթի պատերին խոլեստերինի կուտակումներից:

Լոլիկներ

Լոլիկները հակաօքսիդանտ լիկոպինի աղբյուր են: Լիկոպինը խոչնդոտում է «վատ» խոլեստերինի կուտակումները զարկերակների ու երակների պատերին: Այդ բանջարեղենների ամենօրյա օգտագործումը զգալի նվազեցնում է նման կուտակումների հավանականությունը:

Նռան հյութ

Գիտնականներն ապացուցել են, որ նռան հյութի մեջ պարունակվում են մեծ քանակի հակաօքսիդանտներ: Նռան հյութը աթերոսկլերոզի բուժման համար էֆեկտիվ միջոց է:

Աղբյուր` trental.ru