Ինչպես լրացնել վիտամին C–ի պակասը

Վիտամին C-ի պարունակությամբ առաջատար համարվում է մասուրը:

 Վիտամին C-ն չի կուտակվում օրգանիզմում, այլ լուծվում է ջրի մեջ և դուրս է գալիս օրգանիզմից մեկ օրվա ընթացքում: Սակայն այն մեր առողջության համար  համարվում անփոխարինելի վիտամին:

Վիտամին C-ն ամրացնում է իմունային համակարգը, պայքարում  ազատ ռադիկալների դեմ, օգնում կլանել երկաթն ու մասնակցում հակասթրեսային հորմոնների արտադրությանը:

Այպիսով փորձենք հասկանալ, թե որտեղից է հնարավոր ստանալ այս վիտամինի օրական անհրաժեշտ չափաբաժինը:

Հասուն մարդու մոտ վիտամին С-ի օրական անհրաժեշտ չափաբաժինը 45-ից 70 մգ. է: Հղի և կերակրող մայրերին, ովքեր հաճախ տառապում են անեմիայով (սակավարյունություն) անհրաժեշտ է մի փոքր ավելի շատ՝ 70-ից 100 մգ.:

Մեծ երեխաներին անհրաժեշտ է 40-ից 50մգ, իսկ կրծքով կերակրվող երեխաներին բավական է այս  վիտամինի  30-ից 35մգ-ը:

1. Մասուր
Իրականում վիտամին C-ի պարունակությամբ առաջատար մթերք համարվում է ոչ թե կիտրոնը, այլ մասուրը: Վերջինիս չոր պտուղներում վիտամին C-ի պարունակությունն ավելի շատ է քան թարմի մեջ: 100գ չոր մասուրը պարունակում է 1200 մգ վիտամին C, մինչդեռ թարմ մասուրի մեջ այն կազմում է 470մգ: Ուստի մասուրի թեյը կարող է օգնել արագ լրացնել վիտամին C-ի պակասը:

2. Կարմիր քաղցր պղպեղ
Վիտամին C-ի պարունակությամբ այս մթերքը զբաղեցնում է 2-րդ տեղը: 100գ պղպեղում պարունակվում է 250մգ վիտամին C:

3.  Սև հաղարջ և չիչխան
Վիտամին C-ի պարունակությամբ 3-ր տեղը զբաղեցնում են սև հաղարջն ու չիչխանը, որոնց 100 գրամում առկա է 200մգ վիտամին C: Այն օգտակար է և մուրաբայի և թեյի տեսքով: Այս հատապտուղները մրսածության դեմ պայքարելու հիանալի միջոցներ են:

4. Կանաչ մաղադանոս
100գրամ մաղադանոսը պարունակում է 150մգ վիտամին C: Այն շատ արագ բարձրացնում է հեմոգլոբինը, թարմացնում շնչառությունն ու կարգավորում արյան ճնշումը:

5.  Բրյուսելյան կաղամբ

100 գրամ բրյուսելյան կաղամբը պարունակում է 120 մգ վիտամին C: Եթե դուք հազվադեպ եք օգտագործում այս մթերքը, ապա լավ կլինի վերանայեք ձեր սննդակարգը, քանի որ այն ոչ միայն օգտակար է այլ նաև շատ համեղ: Այն կարելի է ավելացնել աղցանների, ապուրների և մի շարք այլ ճաշատեսակների մեջ:

6. Թարմ սամիթ
Բուրավետ թարմ սամիթի 100 գրամում պարունակվում է 100 մգ վիտամին C: Չորացրած կամ սառեցված տեսքով ճիշտ է այն ավելի քիչ սննդարար է, սակայն այնուամենայնիվ օրգանիզմի համար շատ օգտակար է: Այն կարելի է ավելացնել ապուրների, աղցանների, սոուսների մեջ: Այն շատ լավ ամրացնում է իմունիտետը:

7. Կիվի
Թթվաքաղցր այս միրգը շատ օգտակար է, այն իր 100 գրամում պարունակում է 90 մգ վիտամին C:

8. Գունավոր կաղամբ
Կաղամբի ևս մեկ տեսակ, որն իր մեջ պարունակում է վիտամին C-ի բավականին մեծ քանակություն (70մգ/100գ):

9. Նարինջ, ելակ, գետնաելակ

100գրամ նարինջում պարունակվում է 60մգ վիտամին C:
Վիտամին C-ով հարուստ մթերքների 9-րդ տեղը զբաղեցրել են նաև ելակն ու գետնաելակը: Այս բաղադրիչները խառնելով կիվիի հետ դուք կստանաք հիանալի վիտամինային ըմպելիք:

10. Սպանախ, ծովաբողկ

100 գրամ սպանախն ու ծովաբողկը պարունակում են 55 մգ վիատամին C:

Աղբյուրը՝ med2.ru