Առողջության համար վտանգավոր 5 ըմպելիքներ

13:48 • 25.01.16

Շատերը չեն էլ մտածում այն մասին թե ինչպիսի վնասակար մթերքներ են գնում իրենց և երեխանների համար:

Մասնագետները խորհուրդ են տալիս մինչ ներքոթվարկյալ մթերքները գնելը լավ մտածել:

1. Քաղցր գազավորված ըմպելիքներ

Վնասակար մթերքների շարքում առաջին տեղը զբաղեցնում են բավականին լայն ճանաչում վայելող զանազան քաղցր գազավորված ըմպելիքները: Այս ըմպելիքները հատկապես վնասակար են երեխանների և դեռահասների համար, որոնք այդքան շատ օգտագործում են դրանք: Մեծ քանակությամբ շաքարի պարունակությունը չափազանց վնասակար է առողջության համար:

Օրինակ ֆրուկտոզայով քաղցր եգիպտացորենի օշարակի մեկ բանկայի մեջ (0.33լ) պարունակվում է 16 գդալ շաքար: Ոչ պակաս վնասակար են նաև նման քաղցր ջրի մեջ առկա բուրահաղորդիչները, սննդային գունանյութերը, շաքարի փոխարինիչներն ու բենզոլի ածանցյալները:Ահա թե ինչու գազավորված ըմպելիքների հաճախակի օգտագործմը կարող է ալերգիայի, շաքարային դիաբետի, նյարդային խանգարումների ու անգամ քաղցկեղածին հիվանդությունների առաջացման պատճառ դառնալ:

2. Էներգետիկ ըմպելիքներ

Այսօր էներգետիկ ըմպելիքները բավականին տարածված են երիտասարդության շրջանում: Սակայն շատ քչերը գիտեն, որ էներգետիկ ըմպելիքները ոչ թե օրգանիզմին էներգիա են հաղորդում, այլ ստիպում են նրան աշխատել «արտակարգ ռեժիմով»: Ավելին, նմանատիպ ըմպելիքները վնասակար են սրտի համար և հակացուցված են սրտանոթային հիվանդություններով տառապող մարդկանց:

3. Մրգային հյութեր

Շատերը կարծում են, որ մրգային հյութերը օգտակար են, սակայն դա վերաբերվում է միայն թարմ հյութերին: Խանութներում վաճառվող հյութերը խտանյութերով հագեցած ըմպելիքներ են, որոնցում պարունակվում է մեծ քանակությամբ շաքար: Իսկ թարմ մրգային հյութերը վնասակար են իրենց բարձր թթվայնությամբ, քանի որ գրգռում են ստամոքսի լորձաթաղանթն ու քայքայում են ատամների էմալը: Այդ ամենի պատճառով էլ բժիշկները խորհուրդ են տալիս մրգային ֆրեշները բացել ջրով, իսկ խանութներում վաճառվող մրգային հյութերից առհասարակ հրաժարվել և օգտագործել սովորական ջուր:

4. Կաթնային կոկտեյլներ

Ժամանակակից գիտանականներն արդեն վաղուց են բարձրաձայնում կաթնային կոկտեյլների հաճախակի օգտագործման վնասակարության մասին:Այն հատկապես վնասակար է երեխանների համար, որոնք էլ և այն ավելի շատ են օգտագործում: Այդ կոկտեյլները պարունակում են մեծ քանակությամբ շաքար ու կաթնային ճարպեր, որոնք կարող են խանգարել նյութափոխանակությունը:

5. Ալկոհոլային ըմպելիքներ

Իհարկե բոլորն էլ գիտեն, որ ալկոհոլը վնասակար է: Սակայն շատերը կարծում են, որ հենց ալկոհլն է որ ոչ մի կերպ չի անդրադառնում իրենց առողջության վրա:Այնուամենայնիվ ավելորդ չի լինի ևս մեկ անգամ հիշեցնել, որ ալկոհոլի օգտագործումն առաջացնում է ընտելացում, որը կարող է ընթանալ մարդու համար աննկատ իսկ հետագայում դրանից ազատվելն արդեն շատ դժվար կլինի: Ավելին, ալկոհոլը բացասաբար է ազդում ամբողջ օրգանիզմի վրա: Վերջինս բացասաբար է ազդում լյարդի, երիկամների, սրտանոթային համակարգի և մնացած օրգանների վրա:

Աղբյուրը՝ gogetnews.info