8 մթերքներ, որոնք կօգնեն լյարդին հաղթահարել թունանյութերին

Ամեն օր մեր լյարդը ստիպված է մշակել մեծ քանակությամբ թունավոր նյութեր, որոնք մեր օրգանիզմ են ներթափանցում սննդային հավելումների, պեստիցիդների, ալկոհոլի և մի շարք այլ  բաղադրիչների հետ միասին:

Թունանյութերի մեծ մասը հեշտորեն  ներծծվում են ճարպային հյուսվածքների կողմից ու  պահվում  են այնտեղ: Լյարդի աշխատանքը կայանում է նրանում, որ այն պետք է թունանյութերը փոխակերպի և նրանց հաղորդի   ջրալուծվող ձև, որի շնորհիվ էլ նրանք օրգանիզմից կարող են դուրս գալ մեզի, կղանքի  և
քրտինքի  հետ միասին:

Դետոկսիկացիան տեղի է ունենում երկու փուլով:Առաջին փուլում թունանյութերը ֆերմենտների և քիմիական գործընթացների  շնորհիվ մասնատվում են փոքր մասերի:

2-րդ փուլում ստացված նյութերն  ամբողջովին  ստանում են ջրալուծվող տեսք, որպեսզի նրանց հնարավոր լինի լիովին վերացնել: Շատ դեպքերում թունանյութերի վրա ներազդելը մեր վերհսկողությունից դուրս է լինում: Սակայն այդ դեպքում մենք կարող ենք պարզապես աջակցել լյարդին, կարգավորելով դետոկսիկացիայի 2 փուլերն ու պաշտպանել այն թունանյութերի ծանրաբեռնվածությունից: Լյարդի աշխատանքի վրա ազդում են շատ գործոններ, այդ թվում նաև մեր սննդակարգը: Ձեզ ենք ներկայացնում այն սննդամթերքները, որոնք կարող են ամրացնել լյարդը:

1. Խաչածաղկավոր բանջարեղեն

Կաղամբը, բրոկկոլին, բրյուսելյան կաղամբն ու այլ խաչածաղկավորներ ոչ միայն հարուստ են վիիտամին B-ով, այլ նաև պարունակում են շատ կարևոր ֆիտոնուտրիենտներ, այդ թվում նաև սուլֆորաֆան, ինչպես նաև ծծմբային միացություններ, որոնք  բարձրացնում են լյարդի դետոկսիկացիան  վերջինիս 2 փուլերում էլ:

2. Նարինջ, կիտրոն և մանդարին

Նարնջի, կիտրոնի ու մանդարին կեղևները պարունակում են D- լիմոնեն հակաօքսիդանտներ, որոնք դետոկսիկացիայի 2 փուլերում էլ   հայտնի են լյարդի  ֆերմենտների վրա իրենց ուժեղ խթանող ազդեցությամբ:Այդ ամենից խուսափելու համար ամեն առավոտ 1 բաժակ խմելու ջուրը խառնեք 1 հատ լիմոնի հյութի հետ և խմեք սոված փորին:

3.Սխտոր

Սխտորը պարունակում է  ալլիին: Ճզմելու կամ տրորելու ժամանակ  այն  փոխակերպվում է լյարդի համար ակտիվ ու առողջարար բաղադրիչի՝ ալիցինի: Ալիցինը հզոր հակաօքսիդանտ է, որը կանխում է  լյարդի կողմից մշակվող թունանյութերի ներթափանցումն այլ օրգաններ:Սխտորը նաև պարունակում է սելեն, հանքանյութեր, որոնք ուժեղացնում են հակաօքսիդանտների ազդեցությունը:
Ավելացրեք օրական  1 կամ 2 սխտորի պճեղ ձեր սիրելի սննդի մեջ և այն ձեր լյարդը կպաշտպանի մի շարք թունանյութերից:

4. Որակով սպիտակուցներ

Սպիտակուցները հիմնարար նշանակություն ունեն բջիջների աճի, վերականգման ու դետոկսիկացիայի համար:Օրգանիզմի, դետոկսիկացիայի 2-րդ փուլի ընթացքում շատ անհրաժեշտ են ամինոթթուների՝ ցիստեինի, մետիոնինի, տաուրինի, գլուտամինի ու գլիցինի առկայությունը: Այդ ամինոթթունների լավագույն աղբյուրներ են հանդիսանում ընկույզը, ձավարեղենը, ձուն և  ձուկը:

5. Թարմ մրգերն ու բանջարեղենները

Թարմ մրգերն ու բանջարեղենները պետք է կազմեն սննդակարգի մեծ մասը, քանի որ հենց նրանք են պատասխանատու օրգանիզմ ներթափանցող կարևոր հակաօքսիդանտների համար: Մասնագետները խորհուրդ են տալիս օրական օգտագործել տարբեր գույնների 5-ական միրգ և բանջարեղեն:

6.  Տատասկափուշ

Ժամանակակից բուսաբուժության մեջ   տատասկափուշը հանդիսանում է լյարդի ֆունկցիայի պահպանման համար անհրաժեշտ բույսերից մեկը:Նրա ակտիվ բաղադիրչները մտնում են բիոֆլավոնոիդներ կազմի մեջ, որոնք հայտնի են  սիլիմարիններ անվամբ: Հետազոտությունները ցույց են տվել, որ նրանք պաշտպանում են  լյարդը հիվանդություններից:

7.Քրքում

Քրքումում պարունակվող կուրկումինը ուժեղացնում է  դետոկսիկացիայի ֆերմենտնները  2-րդ փուլում, որն էլ և թույլ է տալիս ավելացնել երկաթի արտադրությունը:Այն օգնում է քայքայել թունանյութերն ու մարսել ճարպերը: Այն նաև ունի հզոր հակաօքսիդանտային հատկություններ:Օրական ընդամենը 1 թեյի գդալ քրքումի փոշին կապահովի անհրաժեշտ արդյունք:

8. Կանաչ թեյ

Կանաչ թեյն ունի հզոր հակաօքսիդանտային հատկություններ և պաշտպանում է լյարդը:  Կանաչ թեյի բիոֆլավոնոիդները ուժեղացնում են  լյարդի դետոկսիկացիան 2 փուլերում էլ:

Աղբյուրը՝ gogetnews.info