Ինչով է կոճապղպեղը օգտակար մրսածության դեպքում

Իր օգտակար հատկություններով կոճապղպեղը կարող է մրցակցել սխտորի ու ժենշենի (մարդ-արմատ) հետ, որոնք վաղուց արդեն ընդունված է համարել ժողովրդական բժշկության առաջատարներ:

Եվրոպայում, կոճապղպեղը որպես դեղամիջոց,  սկսել են օգտագործվել դեռևս Միջին դարերում:

Սակայն մեզ մոտ, դեռ շատերը չգիտեն, թե ինչպես է հարկավոր այն պատրաստել:

Կոճապղպեղով պատրաստված թեյն օգնում է շատ արագ բուժել սուր շնչառական վիրուսային վարակներն ու գրիպը: Այն շատ օգտակար է սրտի հիվանդությունների պրոֆիլակտիկ բուժման ու ավելորդ քաշի դեմ պայքարում:

Կոճապղպեղով  թեյի դասական բաղադրատոմս

Կոճապղպեղով  թեյի պատրաստման համար անհրաժեշտ է.

• 1լ եռացրած ջուր,

• 2-ից 3 ճաշի գդալ քերած կոճապղպեղի արմատիկներ,

• 4 թեյի գդալ կիտրոնի հյութ կամ ¼ կիտրոն `կեղևով քերված,

• 5ճաշի գդալ մեղր,

• 1 պտղունց աղացած սև պղպեղ ու ըստ նախասիրության  անանուխի տերևներ:

Եռացրեք ջուրը կաթսայի մեջ, ավելացրեք կոճապղպեղն ու դանդաղ կրակի վրա այն եփեք 10 րոպե : Տեղափոխեք ստացված թուրմը  ջերմապահի(թերմոս) մեջ, ավելացրեք կիտրոնը, պղպեղն ու անանուխը: Թողեք թրմվի 20 րոպե: Թողնել թեյը սառի մինչև  70 աստիճան ու  նոր միայն ավելացնել մեղրը:

Ինչպես կարող է կոճապղպեղով թեյը օգնել մրսածության դեպքում

Կոճապղպեղի արմատը հարուստ է A, B4, B9, B5, B6, C, E, K վիտամիններով ու հանքանյութերով (երկաթ, կալիում, կալցիում, մագնեզիում, մանգան, պղինձ, ֆոսֆոր, ցինկ):

Գրիպի  ու մի շարք այլ վիրուսային վարակների բուժման ընթացքում կոճապղպեղի ջերմացնող հատկությունները կարող են շատ օգտակար լինել:Այդ հրաշք բույսը բարելավում է արյունատար անոթների աշխատանքն ու թեթևացնում է կոկորդի ցավը: Այն նաև հիանալի ցավազրկող է, թեթևացնում է  և գլխի և մարմնի ցավը, ինչպես նաև աղեստամոքսային տրակտի աշխատանքի  հետևանքով առաջացած անհանգստությունները:

Մրսածության ժամանակ մի քանի բաժակ կոճապղպեղի թեյը կօգնի քրտնել ու իջեցնել ջերմությունը, իսկ նրա հակաբակտերիալ, հակաբորբոքային, ցավազրկող ու  տոնուսավորող  հատկությունները կդարձնեն օրգանիզմը հնարավոր վարակների նկատմամբ ավելի դիմացկուն:

Ուշադրություն. աղեստամոքսային տրակտի քրոնիկական հիվանդություններով տառապող (գաստրիտ, ստամոքսի խոց, տասներկումատնյա աղիքի) մարդիկ պետք է շատ ուշադիր լինեն կոճապղպեղ օգտագործելիս, քանի որ վերջինիս մեծ քանակության օգտագործման դեպքում կարող է առաջանալ կերակրափողի ու ստամոքսի լորձաթաղանթի գրգռում: Այն խորհուրդ չի տրվում համատեղել նարնջի հետ:

Աղբյուրը՝ med2.ru