Կատվախոտի, սրոհունդի ու ծորենու բուժիչ հատկությունները սրտամկանի ինֆարկտի դեպքում

Սրտամկանի ինֆարկտը պայմանավորված է սրտի պսակային անոթների արյան մատակարարման բացարձակ անբավարարության հետևանքով սրտամկանում  մեռուկացման մեկ կամ մի քանի օջախների զարգացմամբ։

Հիմնականում սրտամկանի ինֆարկտի հիմքում ընկած էաթերոսկրելոզի արդյունքում առաջացած սրտի կորոնար զարկերակների ախտահարումը, որն էլ հանգեցնում է այդ անոթների նեղացմանը: Հաճախակի անոթների ախտահարված հատվածում աթերոսկրելոզային պրոցեսին միանում է նաև թրոմբոզը(անոթների խցանում), որի արդյունքում մասամբ կամ լիովին ընդհատվում է սրտի համապատասխան հատվածի մկանների արյան մատակարարումը: 

Սրտամկանային ինֆարկտը ուղեկցվում է կրծքավանդակի  կենտրոնական կամ ձախ կողմի հատվածի երկարատև սուր սեղմող ցավերով, որոնք էլ և առաջացնում են վախ, շնչահեղձութուն ու ջերմություն: Ինֆարկտի զարգացմանը նպաստում են հիպերտոնիան, շաքարային դիաբետը, գիրությունը, նստակյաց կենսակերպը, նյարդային սթրեսն ու  ծխելը:

Ավանդական բժշկությունն առաջարկում է միջոցներ, որոնք կօգնեն հիվանդներին հոսպիտալացումից ու հիվանդանոցում բուժվելուց հետո բարելավել իրենց վիճակը: Սակայն մինչ այս միջոցներից օգտվելն անհրաժեշտ է անպայման խորհրդակցել բուժող բժշկի հետ:

1. Ավանդական բժշկությունը խորհուրդ է տալիս ինֆարկտի դեպքում ընդունել  դեղորայքային կատվախոտի արմատներ: Անհրաժեշտ է 1 թեյի գդալ չոր, մանրակրկիտ մանրացված կատվախոտի հումքի վրա լցնել 1 բաժակ եռացրած ջուր,փակել տարայի բերանը, թողնել թրմվի մոտ կես ժամ ու քամել: Թուրմն անհրաժեշտ է խմել օրվա ընթացքում 2 ընդունումով:

2.  Խմել սրոհունդի խոտից պատրաստված թեյ: Թեյի պատրաստման համար անհրաժեշտ է 1 թեյի գդալ չոր հումքի(ծաղիկի ու տերևների) վրա լցնել 1 բաժակ եռացրած ջուր ու թողնել փակ տարայի մեջ մեկ քառորդ ժամ, որից հետո քամել: Խմել ուտելուց հետո մեկ ընդունումով:

3. Ընդունել սովորական արոսենու (рябины) թուրմից պատրաստված թուրմ: 1 ճաշի գդալ չոր մանրացված արոսենու հումքը լցնել  նախապես տաքացված թերմոսի մեջ, վրան ավելացնել 1 բաժակ եռացրած ջուր, թողնել թրմվի 2 ժամ ու քամել: Օրը 2-ից 3 անգամ, խմել կես բաժակ այդ թուրմից:

4. Ընդունել  սովորական ծորենուց պատրաստված թուրմ: 1 թեյի գդալ չոր հումքի վրա լցնել 2 բաժակ ջուր ու եփել մարմանդ կրակի վրա 5 րոպե, որից հետո թողնել թրմվի կես ժամ ու քամել: Խմել օրական 3 անգամ ուտելուց առաջ 0.5 բաժակ պատրաստված թուրմից: Կարող եք նաև ծորենու արմատների փոխարեն օգտագործել այդ բույսի երիտասարդ  ճյուղերը:

5. Սրտամկանային ինֆակտի դեպքում շատ օգտակար է օրական 3 անգամ խմել կես բաժակ թարմ պատրաստված գազարի հյութ 1/3 թեյի գդալ բուսական յուղի հետ խառնած:

6. 2 թեյի գդալ գայլուկի կոների  վրա լցնել 200 մլ եռացրած ջուր, թողնել թրմվի, 30-ից 40 րոպե ու քամել:Անհրաժեշտ է ընդունել  օրը 3 անգամ ուտելուց առաջ բաժակի 1/3 չափով:Այն հատկապես շատ օգտակար է սրտամկանային թուլության դեպքում:

Աղբյուրը՝ med2.ru