7 ամենաօգտակար նախաճաշերը

Չինացի մասնագետները վերլուծել են տարբեր երկրների գիտնականների ուսումնասիրություններն ու կազմել են նախաճաշի համար լավագույն մթերքների ցանկը:Նրանց կարծիքով նախաճաշը պետք է թեթև լինի, բայց միաժամանակ օրգանիզմի համար ապահովի էներգիա ու թարմություն ողջ օրվա ընթացքում:

Այսպիսով մասնագետների կարծիքով նախաճաշի համար անհրաժեշտ 10 գլխավոր մթերքներն են.

• Ձվածեղ կամ օմլետ

• Մրգերով կամ չորամգրերով վարսակի շիլա

• Մյուսլի(վարսակով չրեղեն) համեմված հյութով կամ կաթով

• Հնդկաձավարի շիլա կաթով

• Մրգային աղցան

• Բանջարեղենային աղցան  կանաչեղենի հետ

• Կաթնաշոռ մրգերով

• Ամբողջական ցորենից հաց

• Յոգուրտ

• Ցածր կալորիականությամբ պանիր

Դանիացի գիտնականները ևս համարում են, որ կաթով շիլան շատ օգտակար է :Ավելին նրանք կարծում են, որ ցանկացած տեսակի հեղուկ սնունդ նախաճաշին շատ օգտակար է, օրինակ արգանակները, քանի որ նրանք արագ են ներծծվում ու չեն առաջացնում ստամոքսում ծանրություն:

Դիտոլոգներից ոմանք կարծում են, որ  նախաճաշերը՝ մյուսլին,  արագ պատրաստվող շիլաները,  վարսակի փաթիլները պարունակում են մեծ քանակությամբ շաքար ու արհեստական հավելումներ, իսկ յոգուրտը, որպես նախաճաշ ինքնին  անօգուտ մթերք է, քանի որ օգտակար բակտերիաներն ընկնելով սոված ստամոքսի ագրեսիվ միջավայր, արագ քայքայվում են ու այն այլևս աղիների համար օգտակար չի լինում:Այդ պատճառով դիետոլոգները խորհուրդ են տալիս այն օգտագործել ուտելուց մեկ ու կես ժամ հետո: Այդ դեպքում այն իսկապես օգտակար կլինի:

Այսպիսով ձեզ ենք ներկայացնում օգտակար նախաճաշերի ներքոթվարկյալ տարբերակները:

1. Օմլետ

Մասնագետները վաղուց արդեն ապացուցել են, որ ձվի խոլեստերինը այնքան էլ վտանգավոր չէ, ինչպես որ այն ներկայացվում է, քանի որ ձվի բաղադրության մեջ մտնում են  նաև լեցիտինն ու խոլինը, որոնք կանխում են խոլեստերինի կուտակումը: Ավելին, հավի ձուն ապահովում է օրվա  ընթացքում անհրաժեշտ սպիտակուցների 14%-ը, անհրաժեշտ ամինաթթվի մեծ պաշարը, առանց  որոնց հնարավոր չէ կարգավորել օրգանիզմի նորմալ գործունեությունը:Այն նաև պարունակում է մեծ քանակությամբ վիտամիններ, հանքանյութեր ու հակաօքսիդանտներ, որոնք օգնում են պայքարել մի շարք հիվանդությունների դեմ: Այն  կարճաժամկետ տաքացման հետևանքով կորցնում է միայն օգտակար վիտամինների 10-ից 15 տոկոսը:

2.Ինքնուրույն պատրաստված մյուսլի

Որպեսզի կարողանաք սիրելի մյուսլիներից ստանալ  լիակատար օգուտ, լավ կլինի ինքներդ այն պատրաստեք: Եթե կաթի կամ ջրի մեջ  թրջված վարսակի փաթիլների վրա ավեելացնեք թարմ մրգեր, հատապտուղներ, ընկույզ ու 1 գդալ մեղր  ապա կստացվի համեղ, օգտակար ու մատչելի ուտեստ:

3. Կաթնաշոռ՝ մրգերով ու չորամրգերով

Շատ օգտակար է նաև կաթնաշոռի զանգվածից պատրաստված ուտեստները: Այն շատ օգտակար է հում տեսքով ցանկացած տեսակի սառեցված հատապտուղների ու մեղրի հետ:Կարելի է այս ամենը հարել հարիչով, ավելացնել  1 գդալ ցածր յուղայնությամբ թթվասեր (5 տոկոսանոց): Սակայն լավ կլինի, եթե չօգտագործեք յուղոտ կաթնաշոռ, քանի որ չարժե  այդքան շուտ ծանրաբեռնել ստամոքսն  ավելորդ ճարպային մթերքներով: Նախընտրելի է 5-ից 9 տոկոս յուղայնությամբ կաթնաշոռ:

4.Բուտերբրոդ

Այն համարվում է ամենաարագ նախաճաշը: Սակայն այն ավելի օգտակար կարող է լինել, եթե չօգտագործեք սպիտակ հաց ու երշիկեղեն:Կարող եք ընտրել ցորենի կամ թեփի հաց, անյուղ կաթնաշոռ, կտրտած բանջարեղեն: Անհրաժեշտ է զանգվածը քսել հացի վրա ապա վրան դնել մեկ կտոր խաշած հավի կամ հնդկահավի միս: Վիտամինները, որոնցով լեցուն է հացը, կբարձրացնեն ձեր իմունային համակարգը, կաթնաշոռը ձեր օրգանիզմը կսնուցի անհրաժեշտ կալցիումով, որոնք այդքան անհարաժեշտ են ձեր նյարդերին ու տեսողությանը, իսկ հնդկահավը օրգանիզմը կզինի   տրիպտոֆան ամինաթթվով, որը անհրաժեշտ է լավ տրամադրության ու առույգության համար:

Կարող եք համտեսել ևս մեկ տարբերակ.

Թեփով հացի վրա լցրեք 1 թեյի գդալ ձիթապտղի յուղ, վերևից դրեք մեկ շերտ հազար (մարոլ) ու մի շերտ լոլիկ, կարող եք ավելացնել նաև մոցառելա պանիր: Ցորենի հացը, ոչ միայն վիտամին В-ի այլ նաև բջջանյութի աղբյուր է: Այն նաև օգտակար է ստամոքսի աշխատանքի համար: Ձիթապտղի յուղն օգնում է պահպանել գեղեցկությունն ու մաշկի երիտասարդությունը, իսկ լիկոպինը, որը առկա է լոլիկի մեջ օգտակար է սրտի համար:

5. Յուղաբլիթներ ու համեմված նրբաբլիթներ

Բանանով, խնձորով յուղաբլիթները կամ դդումով նրբաբլիթները շատ համեղ են: Այդ բլիթները կարող եք պատրաստել հնդկացորենի կամ վարսակի ալյուրից և իհարկե ավելացնել մրգեր ու բանջարեղեններ, որոնք բլիթներին հաղորդում են հիանալի համ:

6.Ամբողջական ցորենից պատրաստված շիլաներ

Վարսակի, հնդկաձավարի կամ բրնձի շիլան շատ օգտակար է առողջության համար:Եթե սիրում եք բրնձով շիլաներ, կարող եք ավելացնել կաթ ու դա հիանալի նախաճաշ կլինի:

7. Միսը բանջարեղենների հետ

Գիտնականները նշում են, որ նախաճաշը պետք է յուղոտ լինի, իհարկե դա չի նշանակում, որ պետք է ուտել կարտոֆիլի ֆրի յուղոտ մսի հետ միասին: Կարող եք համտեսել բանջարեղեններ՝ հավի կրծքամսի հետ միասին: Ինչպես նաև անյուղ ձուկ, այն հիանալի սպիտակուցներով լեցուն նախաճաշ կլինի:

Շատ կարևոր է հիշել, որ պետք է խմել մաքուր ջուր:Անհրաժեշտ է  խմել  1 կամ 2 բաժակ սեյնակային ջերմաստիճանի ջուր, որը շատ արագ կարթնացնի ձեր օրգանիզմը: Բացի նրանից, որը ջուրը համալրում է կորցրած հեղուկի քանակը, այն նաև ձեր օրգանիզմը մաքրում ու նախապատրաստում է նախաճաշին:

Եթե այն շատ սառն է՝ կարող եք անգամ մի փոքր տաքացնել, իսկ եթե նրա մեջ ավելացնեք մի փոքր կիտրոնի հյութ, ապա այն ձեզ կհաղորդի առույգություն :

Աղբյուրը՝ med2.ru