Սրտի առողջության համար օգտակար 3 մթերքներ

14:42 • 30.01.16

Գաղտնիք չէ, որ մեր սննդակագից կախված է մեր օրգանիզմի բոլոր համակարգերի գործունեությունը: Սրտանոթային համակարգի արդյունավետ աշխատանքի համար առավել կարևոր բաղադրիչներից մեկը հանդիսանում են օմեգա-3 ճարպաթթունները, որոնք առկա են մի շարք օգտակար ու համեղ մթերքներում:

1. Ճարպոտ ձուկ

Ձկան այնպիսի տեսակներ ինչպիսիք են թունոսը, սաղմոնը, իշխանը, սկումբրիան հարուստ են սրտի աշխատանքը բարելավող օգտակար օմեգա-3 ճարպաթթուններով:Այս մթերքների ընդգրկումը սննդակարգի մեջ թույլ կտա նվազեցնել սրտանոթային հիվանդությունների հավանականությունը: Ռուս մասնագետների կողմից իրականացված հետազոտությունները ցույց են տվել, որ շաբաթական 2-ից 4 անգամ ձուկ օգտագործող կանանց մոտ նվազում է իշեմիկ հիվանդությունների առաջացման հավանականությունը:

2. Ձիթապտղի յուղ

Այն ոչ միայն աղցանների համար ճանաչված համեմման միջոց է, այլ նաև շատ օգտակար է սրտի համար: Այդ մթերքի մեջ առկա ճարպաթթուններն օգնում են օրգանիզմին հաղթահարել ավելորդ խոլեստերինի առաջացման խնդիրը: Ավելին, ձիթապտղի յուղը А ու Е վիտամինների (բնական հակաօքսիդանտներ) հարուստ աղբյուր է, որոնք էլ պաշտպանում են սրտամկանն ազատ ռադիկալներից: Այդ պատճառով էլ միջերկրածովյան բնակիչներն ունեն ամուր սրտանոթային համակարգ:

Ինչպես եվրոպայի ողջ բնակչության, այնպես էլ այս տարածաշրջանի բնակիչների մոտ հայտնաբերվել է անոթների պատերի վրա խոլեստերինի ավելցուկի առաջացման գենետիկական նախահակում:

Այնուամենայնիվ, նրանք կաթվածից մահանում են ավելի հազվադեպ, քանի իրենց հարևան մայրցամաքի բնակիչները:

3. Շիլա

Եվս մեկ օմեգա-3 ճարպաթթվի աղբյուր, որը կանխում է իշեմիկ հիվանդությունների ու աթերոսկլերոզի առաջացման հավանականությունը: Իհարկե դա վերաբերվում է ամբողջական ձավարեղենից, օրինակ մուգ դարչնագույն բրինձից, վարսակից ու հնդկացորենից, կորեկից ու գարուց պատրաստված շիլաններին: Նրանք կկարգավորեն արյան շրջանառությունն ու կդարձնեն անոթներն ամուր ու ճկուն՝ կանխելով վերջիններիս խցանումը:

Աղբյուրը՝ trental.ru