ԱՂԻՔԱՅԻՆ ՎԱՐԱԿԻՉ ՀԻՎԱՆԴՈՒԹՅՈՒՆՆԵՐԸ ԵՎ ԴՐԱՆՑ ԿԱՆԽԱՐԳԵԼՈՒՄԸ

Եթե Ձեր ինքնազգացողությունը կտրուկ վատացել է, ունեք գլխացավ, ախորժակի անկում, սրտխառնոց ու փսխում, ցավեր որովայնի շրջանում, լուծ, մարմնի ջերմաստիճանը բարձրացել է մինչև 38-39°С, ապա, ամենայն հավանականությամբ, Ձեզ մոտ առկա է աղիքային վարակիչ հիվանդութուն: Աղիքային վարակիչ հիվանդություները, որպես կանոն, իրենց զգացնել են տալիս շատ արագ՝ հիվանդության հարուցչի օրգանիզմ թափանցելուց 6-48 ժամ հետո:

Ի՞ՆՉ ԱՆԵԼ

Եթե հիվանդի մոտ ի հայտ է եկել տեսողության հանկարծակի վատացում, աչքերի առջև մշուշ, ինչպես նաև նկատվում է շլություն, անհրաժեշտ է անհապաղ զանգահարեք շտապ բժշկական օգնություն: Նշվածները բոտուլիզմի ախտանշաններն են:

Այլ աղիքային վարակների դեպքում ևս անհրաժեշտ է խորհրդակցել վարակաբանի հետ:

ՄԻՆՉ ՄԱՍՆԱԳԵՏԻ ԺԱՄԱՆՈՒՄԸ ԿԱՐԵԼԻ Է ՁԵՌՆԱՐԿԵԼ ՀԵՏևՅԱԼ ԿԱՆԽԱՐԳԵԼԻՉ ՄԻՋՈՑՆԵՐԸ.

• Հիվանդին պառկեցնել անկողնում: Կողքին դնել փսխման և արտաթորանքի համար նախատեսված տարա, որի պարունակությունը, մինչև կոյուղի լցնելը, ցանկալի է մշակել ախտահանիչ միջոցներով (քլորակիր, քլորամին, ժավել ևայլն):

• Եթե հիվանդի մոտ առկա է տենդ, անհրաժեշտ է նրան ծածկել տաք վերմակով և ոտքերի մոտ դնեք ջեռակ (գրելկա):

• Հիվանդի համար առանձնացնել սպասք, սրբիչ, հնարավորության դեպքում՝ նրան տեղափոխել առանձին սենյակ:

• Ցանկալի է, որպեսզի երեխաները, տարեցները և թույլ առողջական խնդիրներ ունեցողները չշփվեն հիվանդի հետ, իսկ ընտանիքի մյուս անդամները պահպանեն անձնական հիգիենայի կանոնները՝ վարակի հետագա տարածումը կանխելու նպատակով:

• Նախընտրելի է հիվանդի ստամոքսի լվացում կատարել. հիվանդը պետք է խմի 1-1.5 լիտր գոլ ջուր, այնուհետև փսխում առաջացնի:

• Հիվանդը պետք է շատ հեղուկ ընդունի, օրինակ՝ գոլ, ոչ թունդ քաղցր թեյ: Փսխման և լուծի հետևանքով կորցրած հեղուկը և աղերը վերականգնելու համար հիվանդին անհրաժեշտ է տալ ռեհիդրոն:

• Որովայնի շրջանում սուր ցավերի դեպքում կարելի ընդունել նո-շպա: Նախքան բժշկի այցը, նախընտրելի է հիվանդին չտալ որևէ դեղորայք, որպեսզի հիվանդության ախտանշանները չփոփոխվեն, քանի որ վերջիննս կարող է խանգարել ճիշտ ախտորոշմանը:

Եթե նույնիսկ հիվանդի ինքնազգացողությունը լավացել է, նա պետք է հետևի առողջ սնուցման կանոններին (դիետա): Նախընտրելի է հիվանդին տալ ջրով պատրաստած բրնձով շիլա, քաղցր թեյ, տրորված խնձոր, կաթնաթթվային մթերք. այնպիսի սննդատեսակներ, որոնք աղիներում կարող են խմորման գործընթաց առաջացնել (թարմ կաթ, սև հաց, ընդեղեն, ճակնդեղ, վարունգ, կաղամբ), ժամանակավորապես հակացուցված են:

Նույնիսկ այն դեպքերում, երբ աղիքային վարակի նախանշաններն արագ անցնում են, միևնունն է, անհրաժեշտ է այցելել վարակաբանի, քանի որ առանց պատշաճ բուժման հնարավոր է հիվանդության կրկնություն կամ քրոնիկ ձևի զարգացում, որն ավելի դժվար է բուժվում, քան սուր ընթացքով հիվանդությունը:

Աղբյուր` NCDC, Armenia ֆեյսբուքյան էջ