Թոփ 4 ուտեստները հիպերտոնիայի դեպքում

13:02 • 05.02.16

Հիպերտոնիայի դեպքում շատ օգտակար է ուտել սև արոսենու թարմ պտուղները կամ մեղրի մեջ թրմեցված հատապտուղներ: Շատ օգտակար է նաև արոսենու պտուղները թուրմի, եփուկների, կոմպոտների ու կիսելի տեսքով:

Հիպերտոնիայի դեպքում շատ օգտակար է նաև խնձորի, գազարի, ընկույզի, դդմիկի ու չամիչի օգտագործումը:

1. Խնձորով, գազարով ու ընկույզով աղցան

Բաղադրիչները: 1 հատ գազար, 1 հատ խնձոր, 5 հատիկ մաքրած հունական ընկույզ, 25 գրամ մեղր, կանաչ մաղադանոս:

Գազարը քերել խոշոր քերիչով, իսկ խնձորը մանր կտրատել, ամբողջը խառնել մեղրի հետ, լցնել աղցանի համար նախատեսված ամանի մեջ, զարդարել մաղադանոսի տերևներով ու վրան լցնել կտրատված ու բովված ընկույզը:

2. Մոխրագույն կաղամբապուր

Բաղադրիչները: Կես կաղամբ, մի փունջ բազուկի տերև, 2-ից 3 հատ կարտոֆիլ, 1-ից 2 հատ գազար, կանաչ մաղադանոս, սամիթ, դափնի տերև ու 1 ճաշի գդալ բուսական յուղ:

Եռացող ջրի մեջ դնել կտրատած կարտոֆիլն ու կաղամբը, վրան մի փոքր աղ ավելացնել: 10-ից 15 րոպե հետո ապուրի մեջ ավելացնել կտրատած կանաչին, կաղամբի ու բազուկի տերևները: Եփել ևս 10 կամ 15 րոպե: Պատրաստ լինելուց 3-ից 5 րոպե առաջ ավելացնել դափնու տերևներն ու վրան ավելացնել բուսական յուղ:

3. Բրինձով լցոնված դդմիկ

Բաղադրիչները: Միջին մեծությամբ դդմիկներ, 3 ճաշի գդալ բրինձ, 1 հատ ձու, սամիթ, թթվասեր:

Դդմիկները մաքրել, միջից դուրս բերել զանգվածն ու եփել, ջրի մեջ, որտեղ անհրաժետ է ավելացնել 2 գրամ աղ: Բրինձը եփել, ավելացնել ձուն ու մանր կտրատված սամիթը, 1 գրամ աղ, բրինձը լցնել դդմիկների մեջ, դնել թավայի մեջ, վրան ավելացնել թթվասեր ու դնել ջեռոցում:

4.Չամիչով եփուկ

Բաղադրիչները:1/2 բաժակ չամիչ, 1 բաժակ ջուր, 1 կիտրոն կամ կիտրոնաթթու:
Չամիչը մաքրել, լվանալ, մանր կտրատել, վրան ավելացնել ջուր ու եռացնել 10 րոպե: Ապա քամել ու ստացված հյութի մեջ ավելացնել կիտրոն կամ ըստ նախասիրության կիտրոնաթթու:

Աղբյուրը՝ tenox.ru