5 պատճառ թե ինչու դուք չեք նիհարում

Նիհարելու ընթացքում շատ կարևոր է ձեր սննդակարգի ամեն մի «վնասակար» մթերք փոխարինել առավել թեթև ու օգտակար մթերքով: Կարող  եք ամբողջական  ցորենից պատրաստված ալյուրն  օգտագործել սպիտակ զտված ալյուրի փոխարեն, մեղրը շաքարի փոխարեն, հնդկահավի միսը  խոզի մսի փոխարեն: Սակայն այդ ընթացքում չի կարելի մոռանալ անտեսանելի, սակայն սննդի կարևոր բաղադրիչների մասին:

Ձեզ ենք ներկայացնում այն 5 միկրոտարրերը, որոնց նկատմամբ անուշադրությունը հանգեցնում է ավելորդ կիլոգրամների աննկատ ավելացման:

1. Աղ

Աղի օրական չափաքանակը հասուն մարդու համար կազմում է 4- 6 գրամ, իսկ մինչև 7 տարեկան երեխաների համար 2-ից 3 գրամ: Աղի մեջ առկա նատրիումը հանդիսանում է արյան պլազմայի հիմնական  բաղադրիչը ու օրգանիզմում կատարում են մի շարք օգտակար ֆունկցիաններ, սակայն այն միժամանակ օրգանիզմում առաջացնում է հեղուկի կուտակում, որն էլ և դառնում է մի քանի հավելյալ կիլոգրամների առաջացման պատճառ, այն նաև բարձրացնում է զարկերակային արյան ճնշումը:  

Սակայն աղից լիովին հրաժարվելը նույն չափ վտանգվոր է, որքան նրա չարաշահումը: Կարող եք սովորական աղը փոխարինել նատրիումի ցածր պարունակությամբ աղով, որն էլ և կարող եք օգտագործել տարատեսակ համեմունքների հետ, որոնք ավելի կհարստացնեն ուտեստի համն ու օրական մեկ թեյի գդալը այդ օգտակար աղի օգտագործումը  կօգնի ձեզ ազատվել օրգանիզմում կուտակված ավելորդ հեղուկից  ու կազդուրիչ ազդեցություն կունենա օրգանիզմի համար:

2.Սննդային մանրաթելեր/բջջանյութ

Մարդկանց զգալի մասը իրենց սննդակարգում զգում են սննդային մանրաթելերի պակաս, սակայն չեն էլ կասկածում այդ մասին, քանի որ չգիտեն թե  ինչպիսի կախարդական ազդեցություն են նրանք թողնում մեր օրգանիզմի ու արտաքին տեսքի վրա: Այն կլանում է սննդային ավելցուկը, նվազեցնում է օրգանիզմ ներթափանցող ածխաջրերի   գլիկեմիկ ինդեքսն ու հանդիսանում է սնուցող միջավայր օգտակար աղիքային բակտերիանների համար: Վերջիններս մաքրում են աղիներն ու կանխում խցանումների առաջացումը, քանի որ հենց խցանումներն են առաջացնում փոքր կոնքի երակների այտուցվածության խանգարում, որն էլ առաջացնում է ոտքերի ու  կոնքերի հատվածում հեղուկի կուտակմներ՝ այսինքն ցեյլուլիտ:

Յուրաքանչյուրի սննդակարգի մեջ պետք է օրական առկա լինի 20-ից 30 գրամ սննդային մանրաթելեր, դա մոտավորապես 300-ից 400 գրամ թարմ բանջարեղեն է, կամ 3-ից 4 գդալ ցորենի թեփ:
Ամռանն աշխատեք օգտագործել հիմնականում մրգեր ու բանջարեղեններ, քանի որ նրանք հարուստ են նաև վիտամիններով, հանքանյութերով ու մեր օրգանիզմի համար օգտակար մի շարք այլ նյութերով: Կարող եք օգտագործել բանջարեղենային մի շարք ճաշատեսակներ, որոնք համեմված կլինեն նաև կանաչեղենով:

3. Մագնեզիում

Այս միկրոտարրը շատ կարևոր է օրգանիզմում տեղի ունեցող նյութափոխանակությունների համար ու ինչը շատ կարևոր է, այն մասնակցում է գլյուկոզայի էներգիայի վերածման պրոցեդուրային: Եթե այդ մեխանիզմը խանգարվում է, գլյուկոզայի ավելցուկն արագ կուտակվում է օրգանիզմում` ճարպերի տեսքով: Այն նաև պաշտպանում է նյարդային համակարգը հնարավոր զգացմունքային ծանրաբեռնվածությունից ու սթրեսներից: Այդ պատճառով մեզանից շատերն սթրեսային վիճակներից հետա քաղցած են լինում:

Իսկ ինպես կարելի է դա լրացնել: Պարզապես պետք է հաճախակի օգտագործել քունջութ, քանի որ այդ մթերքի 100 գրամում պարունակվում է 500 մգ մագնեզիում:Այն նաև մեծ քանակութկամբ առկա է ընկույզի հացահատիկային շիլաների ու սև շոկոլադի մեջ, սակայն համեմատաբար քիչ քանակությամբ: Համարվում է, որ սև քունջութը սպիտակից օգտակար է, քանի որ այն մշակման ենթակ չէ:  Իհարկե այն ցանկալի է օգտագործել թարմ տեսքով, իսկ ջերմային մշակման համար կարելի է օգտագործել սպիտակը հատիկները:

4.Երկաթ

Կանացի սննդակարգի ամենատարածված խնդիրը համարվում է երկաթի քրոնիկ պակասը: Վիճակագրության համաձայն նրանով տառապում են վերարտադրողական տարիքի կանանց 60%-ը: Այն արտահայտվում է մազաթափության, չոր մաշկի, շերտավորվող ու փխրուն եղունգների, թուլության, անհանգստության, մտավոր ու ֆիզիկական ծանրաբեռնվածության դժվար հաղթահարման , վատ քնի  տեսքով: Այն առաջացնում է ձգողություն աղի, կծու ու թթու մթերքների նկատմամբ , որն էլ և հանգեցնում է ավելորդ քաշի ձեռք բերմանը:

Մեծ քանակությամբ երկաթ  առկա է կենդանական ծագմամբ մթերքների մեջ, օրինակ  կենդանիների լյարդի, երիկամների, սրտի, ինչպես նաև կովի, ձկան ու հավի  կարմիր մսի  մեջ: Օրգանիզմի կողմից երկաթի լավ ներծծման համար հարկավոր է ֆոլաթթու ու վիտամին С, որոնք հնարավոր է ստանալ մրգերից ու բանջարեղեններից:

5.Յոդ

Այն ապահովում է վահանագեղձի կայուն ու արդյունավետ աշխատաք: Իսկ վանագեղձի վատ աշխատանքի արդյունքում օրգանիզմում խանգարվում է նյութափոխանակությունն ու դա ավելացնում է ավելորդ կիլոգրամներ ձեռք բերլու հավանականությունը:

Կարող եք օգտագործել մեծ քանակությամբ ծովամթերքներ, ինչպես նաև այնպիսի մթերքներ, որոնք հարստացված կամ մշակված են յոդով:

Աղբյուրը՝ med2.ru