Դարչինը, սամիթի սերմն ու կոճապղպեղը սննդային թունավորման դեպքում

Սննդային թունավորման դեպքում գոյություն ունեն մի շարք ժողովրդական բաղադրատոմսեր:

Սննդայի թունավորման դեպքում օգտագործվող հեղուկի մեջ կարելի է ավելացնել նաև լուծվող հատկություն ունեցող վիտամին C: Այն հատկապես շատ օգտակար է  օգտագործել թունավորումից հետո՝ առաջին մի քանի ժամերի ընթացքում:

Բավականին լավ միջոց է համարվում նաև դարչինի թուրմը: Պատրաստման համար հարկավոր է ½  թեյի գդալ աղացած դարչինը լցնել 1 բաժակ եռացրած ջրի մեջ, թողնել թրմվի 15 րոպե ու քամել: Այն հարկավոր է ընդունել տաք` փոքր կումերով, օրական մինչև 1.5 լիտր:

Դարչինը հիանալի բնական ցավազրկող միջոց է  ու օգնում է չեզոքացնել թունանյութերի որոշ տեսակներ: Կարելի է նաև պատրաստել սամիթով ու դարչինով եփուկ, քանի որ սամիթը բավականին լավ օրգանիզմից դուրս է բերում թունանյութերն ու թեթևացնում է փսխման սրությունը: Մեղրն օգնում է կարգավորել սրտի աշխատանքն ու նվազեցնում է ջրազրկման դեպքում  օրգանիզմից արտազատվող կալիումի մակարդակը:

Այդ եփուկի պատրաստման համար հարկավոր է 1 թեյի գդալ սամիթի սերմը  լցնել 300 մլ եռացրած ջրի մեջ, թողնել թրմվի 3-ից 5 րոպե, որից հետո եռացնել ևս 2 կամ 3 րոպե, քամել ու ավելացնել 1 թեյի գդալ մեղր: Այն  հարկավոր է խմել թունավորումից հետո, առաջին օրերի ընթացքում :

Սննդային թունավորումների դեպքում բավականին լավ օգնում է տուղտը (алтей): Հարկավոր է 1 թեյի գդալ մանր կտրատված արմատները լցնել կես բաժակ եռացրած ջրի մեջ, ծածկել կափարիչով ու թողնել թրմվի 30 րոպե, որից հետո ըստ նախասիրության ավելացնել մեղր ու քամել: Մեծահասակներին խորհուրդ է տրվում ընդունել ճաշի գդալով, իսկ փոքրերին՝  թեյի գդալով`  օրական 4 անագամ:

Կարելի է նաև օգտագործել  այս բույսի ծաղիկներից ու տերևներից պատրաստվող դեղատնային թեյը: Հարկավոր է 2  ճաշի գդալ թեյը լցնել 2 բաժակ եռացրած ջրի մեջ, թողնել թրմվի 4 ժամ, քամել  ու ըստ նախասիրության ավելացնել մեղր:  Պատրաստված թեյից կես բաժակ օգտագործել օրական 3-ից 4 անգամ ուտելուց 30 րոպե առաջ: 

Սննդային թունավորման դեպքում օգտակար է նաև կոճապղպեղով թեյը: 1 թեյի գդալ աղացած կոճապղպեղը լցնել 1 բաժակ եռացրած ջրի մեջ , թողնել թրմվի 20 րոպե ու ամեն կես կամ 1 ժամը մեկ ընդունել 1 ճաշի գդալ:

Սննդային թունավորման դեպքում խորհուրդ է տրվում հնրավարինս շատ հեղուկ խմել:  Հատկապես շատ օգտակար է կիտրոնով կանաչ կամ սև թեյը, ինչպես նաև մասուրի  ու արոսենու պտուղներով թեյը: Այդ դեպքում խորհուրդ է տրվում օրվա ընթացքում խուսափել սնունդ ընդունելուց, իսկ ծայրահեղ դեպքում սահմանափակվել  կտավատի կամ բրնձի  սերմերով պատրաստված եփուկով:

Աղբյուրը՝ med2.ru