Թոփ 4 ամենավտանգավոր վիրահատությունները

Օնկոլոգիական վիրահատությունները ցանկացած այն պրոցեդուրաներն են, որի ընթացքում մարմնի որևէ հատվածից հեռացնում են ուռուցք: Կրծքագեղձի քաղցկեղի ժամանակ կատարում են մաստեկտոմիա, թոքերի քաղցկեղի դեպքում միակ տարբերակը թոքերի մասամբ հառացումն է (լոբեկտոմիա կամ պնևմոնեկտոմիա):

Ինչպես մնացած վտանգավոր վիրահատությունների դեպքում բարդացումներն իրենց մեջ ներառում են քրոնիկ ցավեր, ինֆեկցիաներ, օրգանի ֆունկցիայի կորուստ, արնահոսություն, թրոմբոզ ու քաղցկեղի ռեցիդիվ (կրկնություն):

Սրտի բաց վիրահատությունն այն պրոցեդուրան է, երբ  վիրաբույժներն աշխատում են   զարկերակներով   կամ փականներով միոկարդի վրա: Վիրաբուժական միջամտության սույն եղանակի ամենալայն տարածում գտած տեսակը պսակաձև զարկերակի շունտավորումն է համարվում: Այն հատկապես ճարպակալմամբ կամ շաքարախտով տառապող մարդկանց պարագայում կարող է խիստ վտանգավոր լինել:

Հավանական ռիսկերն են սրտի կաթվածը կամ  ինսուլտը, առիթմիանները,  կրծքավանդակի ցավերը, բարձր ջերմությունը, հիշողության կորստը, արյան խցանումները  կամ արյունահոսությունը, ինչպես նաև  շնչառական բարդությունների առաջացման հավանականությունը:

Լյարդի փոխպատվաստում. Լյարդը չափազանց արժեքավոր ու  կարևոր օրգան է, որը  պատասխանատու է  օրգանիզմի թունազերծման ու  սննդից  էներգիայի փոխակերպման համար : Թեև լյարդի փոխպատվաստման վիրահատություններն այլևս համեմատաբար տարածված բնույթ են կրում,  այն դեռևս շարունակում է մնալ որոշակի ռիսկեր ենթադրող պրոցեդուրա: Այդ պատճառով լյարդի փոխպատվաստումից հետո հիվանդները ընդունում են իմունային համակարգը հանգիստ վիճակում պահող  դեղամիջոցներ: Սակայն բացի վերջինիցս կարող են առաջանալ նաև այլ բարդություններ արյունահոսություն, ինֆեկցիա, նոր օրգանի ուղղությամբ արյուն մատակարարող երակների խցանումը(թրոմբոզ) և  այլն:

Աղիների փոխպատվաստում

Երբ հիվանդի աղիները դադարում են սնուցիչներ, էլեկտրոլիտներ ու  հեղուկներ կլանել, այդ դեպքում առաջանում է օրգանի փոխպատվաստում կատարելու անհրաժեշտություն: Ճիշտ է, նման դեպքում առաջացած խնդիրը կարելի է լուծել պարենտերալ սնուցման ճանապարհով ինչը սակայն, հաճախակի առաջացնում է բարդություններ: Այն կարող  է դառնալ  լյարդի խանգարումների, ինֆեկցիաների ու նույնիսկ ոսկրային հիվանդությունների առաջացման պատճառ,  ուստի բժիշկներից շատերը նման դեպքերում նախընտրում են, աղիների փոխպատվաստման օգնությանը դիմել
սնուցման գործընթացի կողմնակի  անբարենպաստ ազդեցություններից խուսափելու համար: Այն ծայրաստիճան բարդ վիրահատություն է ու հղի է  ինֆեկցիաների առաջացման ու օրգանիզմի կողմից նոր օրգանի մերժման առաջացման ռիսկերով:

Աղբյուրը՝ med2.ru