Ինչպես իջեցնել ջերմությունն առանց դեղահաբերի

Մրսածության ու գրիպի դեպքում շատ հեղուկ օգտագործելը կօգնի ոչ միայն ազատվել տոքսիններից  ու վիրուսային մասնիկներից, այլ նաև կօգնի իջեցնել ջերմությունը:
Մարմնի ջերմիջեցման համար պարտադիր չէ ընդունել դեղամիջոց, կարելի է նաև ժողովրդական միջոցներով հասնել դրական արդյունքների:

1.Շփել, տրորելով սրբել

Դա ամենահասանելի ու պարզ միջոցն է, որն օգտագործվում է հազարավոր տարիներ: Վերջինիս համար հարկավոր է օգտագործել սառը ջուր:

Հարկավոր է ջրի մեջ թրջել սրբիչը կամ սպունգը, քամել ու դրանով շփել դեմքը, վերջույթներն ու իրանային հատվածը: Ջրի կաթիլները, որոնք կարող են մնալ մարմնի վրա, հարկավոր չէ մաքրել, քանի որ նրանք ինքնուրույն կչորանան: Արդյունքը ավելի ազդեցիկ դարձնելու համար կարելի է ջրի մեջ ավելացնել մի քանի կաթիլ քացախ, սակայն որոշ բժիշկներ խորհուրդ չեն տալիս այն կատարել: Որպես կանոն շփումը թույլ է տալիս նվազեցնել մարմնի ջերմաստիճանը 1.5-2 աստիճանով: Արդյունքը կպահպանվի 1-ից 2 ժամ:

2. Հեղուկի առատ օգտագործում.

Մրսածության կամ գրիպի դեպքում հեղուկը կօգնի ազատվել ոչ միայն տոքսիններից ու վիրուսային մասնիկներից, այլ նաև կիջեցնի մարմնի ջերմությունը:

Շատ  հեղուկ խմելն անհրաժեշտ է նրա համար, որպեսզի հնարավոր լինի շատ քրտնել: Ինչպես հայտնի է, քրտինքի հետ օրգանիզմը կորցնում է շատ ջերմություն, որն էլ և հանգեցնում է մարմնի ջերմության նվազման:

3.Սառույցը մարմնի ջերմաստիճանի  նվազման համար.

Մարմնի ջերմությունը իջեցնելու համար կարելի է սառույց դնել խոշոր անոթային հատվածների վրա, դրանք են ճակատը, աճուկների շրջանը, թևատակի շրջանն ու ծնկատակի փոսերը:
Սառույցը հարկավոր է բաժանել մանր կտորների, դնել պոլիէթիլենային տոպրակի մեջ, փաթաթել սրբիչով կամ ամուր կտորով ու դնել անհրաժեշտ հատվածի վրա: Այն հարկավոր է թողնել մարմնի վրա 5-ից 7 րոպե: Պրոցեդուրան կարելի է կրկնել 20-ից 30 րոպե հետո:

4.  Ոչ շատ սառը լուծույթով  հոգնաներ.

Արդյունավետ ջերմիջեցնող ազդեցություն ունի նաև մի քիչ սառը հոգնան: Այն կատարելու համար հարկավոր է վերցնել  տվյալ պահին մարմնի ջերմաստիճանից 2-ից 3 աստիճանով ցածր ջուր ու նրանում լուծել աղ: 100 մլ ջրին  0.5 թեյի գդալ աղ հարաբերակցությամբ:

5-ից 10 տարեկան երեխաների համար կարելի է օգտագործել մինչև 500 մլ խառնուրդ, իսկ 10 տարեկանից մինչև 1 տարեկան երեխաների համար 1 լիտր:

5. Բնական հակապիրետիկներ.

Բնական հակապիրետիկներ են անվանում այն բույսերին, որոնք ունեն ջերմիջեցնող հատկություններ: Բույսեր կան, որոնք պարունակում են սալիցիլաթթու։ Նրանց թվին են դասվում ելակը, ազնվամորին, կարմիր ու սև հաղարջը, նարինջ ու  սալորաչիրը: Այդ հատապտուղներն ու մրգերը ցանկալի է օգտագործել հյութերի  տեսքով կամ մուրաբայով թեյ խմել:

Գոյություն ունեն նաև բույսեր, որոնք ունեն քրտնեցնող ազդեցություն, օրինակ կեչու բողբոջները, վաղենակն ու  լորենու ծաղիկները:  Անհրաժեշտ է այդ չոր խոտաբույսերից 2 ճաշի գդալ լցնել 200 մլ եռացրած ջրի մեջ, թողնել թրմվի 2 ժամ, որից հետո հարկավոր է օգտագործել կում կում:

Սուր վարակիչ ինֆեկցիանների դեպքում բժիշկները խորհուրդ են տալիս օգտագործել վիտամին С-ի պարունակությամբ ըմպելիքներ, օրինակ մասուրի եփուկ, կիտրոնով թեյ, կամ թարմ քամած նարնջի հյութ:

Սակայն մինչ այդ միջոցների օգտագործումը խորհուրդ է տրվում խորհրդակցել բժիշկի հետ, քանի որ վերոթվարկյալ բաղադրատոմսերն ու ջերմիջեցնող միջոցները կարող են ունենալ կողմնակի ազդեցություններ:

Աղբյուրը՝ med2.ru