Տղամարդու առողջության համար ամենաօգտակար ու ամենավնասակար մթերքները

14:38 • 29.02.16

Մի շարք իրականացված հետազոտություններ արդեն իսկ ապացուցել են այն փաստը, որ սնման ռեժիմն ազդում է մարդու առողջության վրա:

Վերջերս կատարված հետազոտությունների արդյունքում մասնագետները կարողացել են պարզել, թե ինչ պետք է իրենց սննդակարգի մեջ ընդգրկեն տղամարդիկ և որ մթերքներից պետք է առհասարակ հրաժարվեն: Հատկապես այն դեպքերում, երբ զույգերը պատրաստվում են երեխա ունենալ:

Տղամարդու առողջության պահպանման համար առաջին տեղում գտնվում է հունական ընկույզը: Հետազոտությունների տվյալների համաձայն, օրական սննդակարգի մեջ մեկ բուռ հունական ընկույզի ընդգրկումը կարող է զգալիորեն բարելավել սերմնահեղուկ որակն ու անգամ կարող է բարձրացնել 50 տարեկանից հետո հայր դառնալու հնարավորությունները:

Հետազոտությունները ցույց են տվել, որ մի խումբ տղամարդկանց մոտ, ովքեր հետազոտության շրջանակներում 12 շաբաթ շարունակ օրական մեկ բուռ ընկույզ են օգտագործել, բոլոր ցուցանիշներով բարելավվել է նրանց սերմնահեղուկի որակը:

Շեֆիլդի համալսարանի մասնագետները նշում են, որ այսօր արդեն գոյություն ունեն մի շարք ապացույցներ այն մասին , որ դիետանները վատ են ազդում տղամարդկանց էրեկտիլ և վերարտադրողական ֆունկցիանների վրա:

Հունական ընկույզի մեջ հայտնաբերվել են հատուկ միկրոէլեմենտներ ու ճարպաթթուներ, որոնք դրական են ազդում տղամարդկանց հորմոնալ ֆոնի վրա:

Տղամարդկանց համար շատ օգտակար է նաև լոբին, ծնեբեկը (բուսական սպիտակուցների ու մագնեզիումի պատճառով) ու ծովամթերքնեը, որոնք հարուստ են ցինկով:

Հարավային Կալիֆորնիայի համալսարանի աշխատակիցների խոսքերով, սթեյքների ու խորովածի սիրահարները պետք է շատ զգույշ լինեն, քանի որ բժիշկները խորհուրդ են տալիս տապակած յուղոտ միսը օգտագործել շաբաթական մեկ անգամից ոչ ավել, քանի որ չափից շատ տապակած կարմիր մսի օգտագործումը վատացնում է սպերմատոզոիդների շարժունությունն ու անգամ առաջացնում է շագանակագեղձի հետ կապված խնդիրներ: Նրանց խոսքերով, այն տղամարդիկ, ովքեր շաբաթական 2 բաժնից ավել են օգտագործում խորովված միս (պատրաստված ուժեղ կրակի վրա), նրանց մոտ 30%-ով բարձրանում է շագանակագեղձի ուռուցքի առաջացման հավանականությունը: Իսկ շաբաթական նման մսի 3-ից 4 անգամյա օգտագործումն, այդ հավանականությունը բարձրացնում է մինչև 40%-ով:

Գիտնականների կարծիքով, վնասն օրգանիզմին հասցնում է ոչ թե կարմիր միսը, այլ վերջինիս պատրաստման եղանակը, քանի որ այդ գործընթացի արդյունքում քաղցկեղածին նյութերը կուտակվում են մսի արագ խորովվելու ընթացքում ձևավորված մսի շերտում: Նշենք նաև, որ բժիշկները չեն արգելում կարմիր միսը օգտագործել շոգեխաշած կամ տապակած վիճակում:

Աղբյուրը՝ gogetnews.info