Ձիթապտղի յուղն ու կարմիր գինին պաշտպանում են արյունատար անոթները

Ձիթապտղի յուղի ու կարմիր գինու մեջ  առկա նյութը թույլ չի տալիս աղիքային բակտերիաններին վնասել արյունատար անոթները: Սիրտն ու անոթները կարելի է պահել առողջ վիճակում,  եթե վերահսկողության տակ  պահել աղեստամոքսային միկրոֆլորան:

Միկրոֆլորան, ինչպես մենք բոլորս գիտենք, օգնում է մարսել սնունդն ու դրանով իսկ հանդերձ շատ ակտիվ մասնակցում է նյութափոխանակությանը:

Մթերքների՝ տարբեր նյութերի տրոհվելու հատկության  միջոցով, բակտերիանները կարող են   ազդել օրգանիզմի գրեթե բոլոր համակարգերի վրա: Մոլեկուլներից մեկը, որի հետ ակտիվ աշխատում են աղիքային բակտերիանները  կոչվում է  խոլին, որը հատկապես մեծ քանակությամբ առկա է մսի ու  ձվի մեջ:

Բակտերիաններն այն վերաածում են տրիմեթիլամինի, որը հայտնվելով լյարդի մեջ, ենթարկվում է  քիմիական փոխակերպման   և այդ ամենի արդյունքում էլ  նրանից ստացվում է տրիմեթիլամինօքսիդ: Այդ բակտերիաները կապված են մարդկանց մոտ սրտանոթային հիվանդությունների առաջացման հետ, որը հնարավոր է եղել անուղղակիորեն հաստատել կենդանինների վրա կատարված փորձերի արդյունքում, որոնց մոտ այն բարձրացրել է աթերոսկլերոզի հավանականությունը:

Այսինքն ստացվում է,  որ անոթների քայքայումը սկսվում է  բակտերիաներից, որոնք մեր սնունդից  վերամշակվում ու «ստանում» են խոլին: Աղիքային բացիլը, հանդիսանում է աղիներում գտնվող ամենատարածված բակտերիաններից մեկը:

Գիտնականները պարզել են, որ կառուցվածքային անալոգ խոլինը, որը հայտնի է DMB(3,3- դիմեթիլ, 1- բուտանոլ) ճնշում է բակտերիալ ֆերմենտների աշխատանքը, որոնք արտադրում են վտանգավոր տրիմեթիլամին: Ընդ որում, ըստ գիտնականների, ազդեցությունը նույն է եղել ինչպես, մկների մեջ բնակվող  բակտերիանների, այնպես էլ մարդկանց մեջ ապրող բակտերիանների հետ:

Եթե մկներին կերակրել են խոլինի բարձր պարունակությամբ սնունդով, սակայն միաժամանակ  «կերակրել են» նաև DMB-ով, ապա այդ դեպքում նրանց մոտ աթերոսկլերոզի առաջացման հավանականությունը նվազել է, արյան մեջ աթերոգեն միացությունների մակարդակը իջել է ու անոթների պատերի վրա խոլեստերինային կուտակումներ չեն  առաջացել:

DMB առկա է ձիթապտղի յուղի  ու կարմիր գինու մեջ և  ինքնին այն բավականին անվտանգ է. մկները, որոնց այն տվել են մաքրված վիճակում, այն ընդունելուց 4 ամիս հետո իրենց բավականին լավ են զգացել: Հարկավոր է նաև նշել, որ DMB անվտանգ է նաև աղիքային միկրոֆլորայի համար, և առհասարակ այն  բավականին արագ է քայքայվում ու օրգանիզմից դուրս գալիս:

Ընդհանուր առմաբ այն իդեալական պրոֆիլակտի միջոցի տեսք ունի. այն կարող եք ընդունել սննդի հետ միասին ու այդ դեպքում միանշանակ կարող եք ունենալ առողջ անոթներ:

Սակայն ոչ մի երաշխիք չկա, որ մանրէները, որոնք կաոնավոր կերպով կվերամշակեն այն, չեն գտնի  միջոց հարմարվելու նման նոր  արտաքին գործոնների հետ: Տրիմեթիլամինը որոշ բակտերիանների կողմից օգտագործվում է որպես էներգիայի աղբյուր և նրանք լիովին կարող են նորից սովորել ստանալ այն անգամ ֆերմենտների ինհիբիտորների  ներկայության դեպքում:

Մյուս կողմից, հայտնի չէ, թե ինչ կարող է լինել DMB-ի երկարատև օգտագործման արդյունքում:

Աշխատանքի հեղինակները նշում են, որ  մկների աղիներում նկատել են մանրէների տարատեսակների հարաբերակցության որոշակի փոփոխություն, չնայած որ նման փոփոխությունները շատ քիչ են եղել: Գիտնականները դեռ չեն կարող նշել, թե այդ նույն գործընթացը կատարվում է արդյուք մարդկային միկրոֆլորայում և կարող է այն արդյոք հանգեցնել  որևէ կողմնակի ազդեցության: Դա իհարկ կարող է պարզ լինել միայն նոր հետազոտություններից հետո:

Աղբյուրը՝ gogetnews.info