Ինչպես է պետք խմել սուրճը, որպեսզի այն չվնասի օրգանիզմը

11:54 • 09.03.16

Շատերիս առավոտը սկսվում է մեկ բաժակ բուրավետ սուրճով, որի մեկ կում համտեսելուց հետո մեզ մոտ հարց է առաջանում, թե արդյոք այն վնասակար չէ:

Գիտնականները կարծում են, որ օրական 2-ից 3 բաժակ սուրճը օրգանիզմին վնաս չի պատճառում, որը սակայն ցանկալի է խմել ուտելուց հետո և ոչ թե քաղցած վիճակում:
Արդյոք օգտակար է սուրճը.

«Կողմ» փաստարկներ.

• Սուրճը բարձրացնում է աշխատունակությունը. կոֆեինը խթանում է կենտրոնական նյարդային համակարգի գործունեությունն ու բարելավում է ուղեղի աշխատանքը: Օրական 1-ից 2 բաժակ սուրճն օգնում է կենտրոնանալ ու ձեռք բերել աշխատելու տրամադրվածություն:

• Պարունակում է մեղմ միզարձակող ազդեցություն. դա կարող է օգտակար լինել նրանց համար, ովքեր հաճախակի են բախվում այտուցների հետ, ինչպես նաև նախադաշտանային շրջանում գտնվող կանաց համար:

• Բարելավում է տրամադրությունը. գրեթե միշտ մեկ բաժակ սուրճը բարձրացնում է արյան մեջ էնդորֆինների մակարդակը: Հենց այդ նյութերն էլ մեզ հաղորդում են ուրախության զգացողություն:

• Պաշտպանում է ատամները կարիեսից. չնայած նրան, որ սուրճը ատամների էմալին հաղորդում է դեղին գույն, այդ ընպելիքը կանխում է ատամների մակերեսի վրա ստաֆիլակոկերի հայտնվելը: Այնպես որ կարող եք խմել սուրճ, սակայն չմոռանաք կանոնավոր կերպով ամեն օր մաքրել ձեր ատամներն ու հաճախել ատամնաբույժի մոտ:

«Դեմ» փաստարկներ.

• Այն վտանգավոր է սրտային հիվանդություններով տառապողներին. Կոֆեինը ստիպում է սրտին ավելի արագ աշխատել ու բարձրացնում է արյան ճնշումը: Այս ըմպելիքի հակացուցված է նաև հիպերտոնիայով հիվանդներին, որոնք առհասարակ պետք է խուսափեն առույգացնող ըմպելիքների չարաշահումից:

• Այն ոսկորները դարձնում է փխրուն. սուրճը խանգարում է օրգանիզմին յուրացնել կալցիումը: Այդ պատճառով ցանկալի է սուրճի մեջ ավելացնել մի փոքր կաթ, որը թույլ կտա լրացնել կորուստը:

• Խանգարում է, որոշ վիտամինների յուրացմանը. քաղցած ժամանակ օգտագործած մեկ բաժակ թունդ սուրճը բարձրացնում է ստամոքսահյութի թթվայնությունն ու խանգարում է վիտամինների յուրացմանը: Այդ պատճառով ցանկալի ոչ թե նախաճաշը սկսել, այլ այն ավարտել այդ անուշաբույր ըմբելիքով:

Ծանոթագրություն.