Ինչով է ավելի օգտակար սև կետերով բանանը

Բանանը շատ համեղ է, սննդարար ու պարունակում է մեծ քանակությամբ վիտամիններ ու օգտակար այլ նյութեր, որոնք մեզ ամեն օր անհրաժեշտ են:

Մեզանից շատերը բանանը գնելիս այն միանգամից չեն օգտագործում: Հաճախակի այն տանը պահում ենք մի քանի օր, իսկ երբեմն էլ անգամ  մեկ շաբաթ:

Բանանը ունի կանաչա-դեղնավուն գույն, սակայն հասունանում են աստիճանաբար:

Ընտրեք  այնպիսիններ, որոնք ներկայացված են նկարի  5-ից մինչև  7 համարի ներքո:

Ի վերջո նրանց վրա կսկսեն հայտնվել սև կետեր, որից հետո միրգը լիովին կդառնա շագանակագույն, սակայն ի տարբերություն մնացած մրգերի, դա չի նշանակում, որ բանանը փչացել է:

Ընդհակառակը, որքան բանանը մուգ է, այնքան այն ավելի շատ է պարունակում արտաբջջային TNF (հակաքաղցկեղային գործոն) սպիտակուցներ, որը հնարավորություն է տալիս պայքարել քաղցկեղի բջիջների դեմ:

Հետազոտությունը հաստատում է, որ հասած բանանը պարունակում է արտաբջջային TNF (հակաքաղցկեղային գործոն) սպիտակուց, որը կանխում է քաղցկեղածին ուռուցքների բջիջների աճն ու թույլ չի տալիս այդ բջիջներին տարածվել: Այդ բջիջները հակաօքսիդանտների հետ միասին ամրապնդում են իմունային համակարգը:

Ճապոնացի գիտնականները պարզել են, որ որքան շատ է բանանը հասնում, այնքան ավելի շատ է  այն պարունակում բջջանյութ, վիտամին С, В խմբի վիտամիններ, հակաօքսիդանտներ ու կալիում:
Սակայն հասած բանանը օժտված է նաև այլ օգտակար հատկություններով:

Ինչով է  հասած բանանը օգտակար.

1. Բանաը ունի հակաթթվային հատկություններ. Այն օգնում է ազատվել այրոցից ու   թթվային ռեֆլյուքսից (ստամոքս-կերակրափողային հետհոսքի):

2. Բանանը օգնում է նվազեցնել զարկերակային ճնշումը

Քանի որ այն պարունակում է մեծ քանակությամ կալիում, սակայն քիչ նատրիում, այն հանդիսանում է ինսուլտի(կաթված) կամ սրտի նոպայի հիանալի պրոֆիլակտիկ միջոց: Բանանը համարվում է սրտի համար առողջ սնունդ:

3. Բանանը հաղորդում է հավելյալ էներգիա

Եթե մարզումներից առաջ դուք համտեսեք 1-ից 2 հատ բանան, ապա այն կարող է ձեզ հաղորդել մեկ ժամյա ինտենսիվ մարզումների համար  հավելյալ էներգիա:  Բանանը ունի ածխաջրերի ցածր գլիկեմիկ ինդեքսը, սակայն այդ ամենի փոխարեն այն հարուստ է վիտամիններով ու օգտակար նյութերով, որոնք բարձրացնում են օրգանիզմի դիմացկունությունը, իսկ կալիումը կանխում է մկանային ջղաձգությունը:

4. Բանանը շատ օգտակար է անեմիայի դեպքում

Այն պարունակում է դիետիկ երկաթի անհրաժեշտ չափաքանակ, որը խթանում է արյան կարմիր բջիջների  ու հեմոգլոբինի արտադրությունը, ինչը նշանակում է, որ ուժեղացնում է արյան հոսքը:

5. Այն կարելի է օգտագործել առանց սահմանափակման

Անգամ այն դեպքերում, եթե տառապում եք ստամոքսի խոցով: Նրանց փափուկ ու շիլայանման հյուսվածքը ծածկում է ստամոքսն ու պաշտպանում է այն ագրեսիվ թթուներից:

6. Բանանը օգնում է հաղթահարել դեպրեսիան

Խնդիրը կայանում է նրանում, որ այն պարունակում է տրիպտոֆան, որը մեր օրգանիզմը վերամշակում ու դարձնում է սերոտոնին(երջանկության հորմոն):Իսկ սերոտոնինը ուղեղի նեյրոմեդիատոր է, այն օգնում է մարդուն թուլանալ, երջանիկ զգալ, ինչպես նաև բարելավում է մարդու տրամադրությունը:

7. Բանանը օգնում է կարգավորել մարսողությունն ու ունի նաև թուլացնող ազդեցություն, քանի որ այն պարունակում  է մեծ քանակությամբ բջջանյութ, որը խթանում է աղիների կանոնավոր աշխատանքն ու փորկապության դեպքում շատ օգտակար է:

8. Բանանը շատ օգտակար է նյարդային խանգարումների ու դաշտանդադարի դեպքում
Այն օգնում է կարգավորել արյան մեջ շաքարի մակարդակը: Այն նաև պարունակում է մեծ թվով В խմբի վիտամններ, որոնք հանգստացնում են նյարդային համակարգն ու օգնում են թուլանալ:

9. Օգնում են  մարմնի ջերմակարգավորմանը

Եթե տաք օրերին բանան օգտագործեք, ապա դա կօգնի նվազեցնել մարմնի ջերմաստիճանը: Այն նույն կերպ օգտակար է նաև մրսածության դեպքում:

Ոչ միայն հասած բանան է օգտակար

Չհասունացած պտուղները ևս օգտակար են, քանի որ նրանք պարունակում են քիչ շաքար, որն էլ և շատ կարևոր է շաքարային 2-րդ տիպի դիաբետով հիվանդների համար։ Բանանը պարունակում է նաև պրոբիոտիկներ:

Ավելին, օսլայի քիչ պարունակության հետևանքով, չհասունացած բանաը շատ արագ առաջացնում է հագեցվածության զգացողություն:

Ընդհանուր առմամբ բանանը շատ օգտակար միրգ է, անկախ նրանից հասած է այն թե ոչ, սակայն հիշեք, որ հասած բանանն ավելի օգտակար են քան դուք պատկերացնում եք:

Աղբյուրը՝  fithacker.ru