10 ՓԱՍՏ ՈՉ ՎԱՐԱԿԻՉ ՀԻՎԱՆԴՈՒԹՅՈՒՆՆԵՐԻ ՄԱՍԻՆ

21:43 • 14.03.16

1. Ողջ աշխարհում գրանցվող մահերի 63%-ի պատճառը ոչ վարակիչ հիվանդություններն են:
Ոչ վարակիչ հիվանդությունները (սրտանոթային համակարգի հիվանդություններ, քաղցկեղ, շնչուղիների քրոնիկ հիվանդություններ, շաքարային դիաբետ) ողջ աշխարհում արձանագրվող մահերի 63%-ի պատճառ են հանդիսանում (36 մլն մահ 57 մլն ընդհանուր մահերի թվից):

2. Ոչ վարակիչ հիվանդությունների 80%-ն արձանագրվում է ցածր և միջին եկամուտ ունեցող երկրներում:

3. Ոչ վարակիչ հիվանդությունների հետևանքով մահերի ընդհանուր թվից 9 մլն արձանագրվում է մինչև 60 տարեկան անձանց շրջանում:

4. Ոչ վարակիչ հիվանդությունները վտանգ են ներկայացնում և կանանց, և տղամարդկանց համար:

5. Ոչ վարակիչ հիվանդությունները կարելի է կանխարգելել:

Ոչ վարակիչ հիվանդությունները կարող են կանխարգելվել, եթե արդյունավետ միջոցառումներ իրականացվեն՝ ուղղված ոչ վարակիչ հիվանսությունների ռիսկի գործոնների դեմ պայքարին: Այդ գործոններն են՝ ծխախոտի օգտագործումը, անառողջ սնուցումը, ֆիզիկական թերակտիվությունը, ալկոհոլի չարաշահումը:

6. Ոչ վարակիչ հիվանդությունները բացասաբար են ազդում ոչ միայն երկրի առողջապահական համակարգի, այլև տնտեսական զարգացման վրա:

Ոչ վարակիչ հիվանդություններն աղքատության մակարդակի աճի պատճառ կարող են հանդիսանալ, քանի որ դրանց բուժումը շատ ծախսատար է:

7. 2008 թվականին 20 և բարձր տարիքային խմբի 1.5 մլրդ ներկայացուցիչ տառապում էր ճարպակալմամբ:

8. 2010 թվականին մինչև 5 տարեկան մոտ 43 մլն երեխա տառապում էր ճարպակալմամբ:

9. Ծխախոտի օգտագործման հետևանքով տարեկան մահանում է մոտ 6 մլն մարդ:

2020 թվականին այս թիվը կհասնի 7.5 մլն, որը կազմում է ընդհանուր մահերի թվի 10% -ը:

10. Վերացնելով ռիսկի հիմնական գործոնները` ոչ վարակիչ հիվանդությունները հնարավոր կլինի կանխարգելել:

Եթե ոչ վարակիչ հիվանդությունների ռիսկի հիմնական գործոնները վերացվեն, հնարավոր կլինի կանխարգելել սրտանոթային հիվանդությունների և 2-րդ տիպի շաքարային դիաբետի դեպքերի ¼-ը, ինչպես նաև քաղցկեղի արձանագրվող դեպքերի 40%:

Աղբյուր՝ NCDC, Armenia ֆեյսբուքյան էջ