7 հայտնի ատամնաբուժական «առասպել»

18:45 • 22.03.16

Բժիշկները վստահ են, որ Երկրագնդի ամեն մի 2-րդ մարդ ատամների ու լնդերի հետ կապված խնդիրներ ունի:

Մաքրել արդյոք ատամները ուտելուց առաջ թե ոչ, թե օգտագործել հատուկ թել կամ փայտիկ,սպիտակեցնել արդյոք նրանք թե ոչ:Առհասարակ ատամների խնամքի վերաբերյալ հարցերը բավականին շատ են առաջանում, սակայն քիչ չեն նաև այդ հողի վրա առաջացած առասպելներ:

Այսպիսով, ինչպես և երբ է հարկավոր մաքրել ատամները, ինչպես նաև ինչպիսի փաստարկների չարժե վստահել կներկայացնեք նշված տեքստում:

Առասպել 1. Ատամները հարկավոր է հաճախակի մաքրել

Ատամները մաքրելու հաճախականության վերաբերյալ կան տարբեր կարծիքներ: Ոմանք կարծում են, որ այն հարկավոր է մաքրել մի քանի անգամ, որից հետո արդեն նրանք ինքները կմաքրվեն թքի միջոցով: Իսկ ոմանք կարծում են, որ նշված հարցում չափից շատ ակտիվությունը կարող է միայն վնասել ատամի էմալը: Իրականում ատամները հարկավոր է մաքրել օրական ամենաքիչը 2 անգամ, իսկ թե քանի անգամ դա պետք է կատարի ամեն ոք՝ որոշում է յուրաքանչյուր մարդ: Որոշ բժիշկներ խորհուրդ են տալիս ատամների հիգենայով զբաղվել ամեն անգամ սնունդ ընդունելուց հետո:

Առանձնակի ուշադրություն է հարկավոր հատկացնել բերանի խոռոչի հիգիենային: Հիվանդ ժամանակ ատամնեը խորհուրդ է տրվում մարքրել մանրակրկտորեն, քանի որ դա կարող է օգնել արագացնել կազդուրման պրոցեսը՝ բերանի խոռոչում կուտակված մանրերների չեզոքացման շնորհիվ: Իսկ էմալի վանսումը հաճախակի կարող է պայմանավորված լինել ատամի մածուկի ագրեսիվ բաղադրությամբ: Ուտելուց հետո ատամների վրայից ատամնափառը մաքրելու համար բավական է մի թեթև մաքրել ատամները:

Առասպել 2. Պետք է պահպանել ընդհուպ մինչև վերջին ատամը

Դա շատ մեծ մոլորություն է: Եթե ատամն այնքան է վնասվել, որ այն հնարավոր չէ վերականգնել, այդ դեպքում ցանկալի է նրանից հնարավորինս շուտ ազատվել, քանի որ նման դեպքերում նրանք կարող են վերածվել քրոնիկ ինֆեկցիաների աղբյուրի, որից միանշանակ կարող են տուժել սիրտը, երիկամներն ու հոդերը:

Առասպել 3.Քաղցրավենիքից առաջանում է կարիես

Այն որ շոկոլադն ու շաքարը վնասակար է ատամների համար` գիտեն բոլորը:Այդ պատճառով էլ ծնողները արգելում են երեխաներին չափից շատ շոկոլադ ու թխվածքաբլիթներ օգտագործել: Այդ ամենի մեջ նաև որոշակի ճշմարտություն կա. քաղցր միջավայրն ախտածին բակտերիաների զարգացման հիանալի միջավայր է: Այդ ամենի հետևանքով ատամները կարող են շատ շուտ քայքայվել: Բայց այդ բակտերիաները բավականին հանգիստ կարելի է վերացնել: Բավական է միայն շոկոլադ կամ թխվածքաբլիթ ուտելուց հետո բերանը լավ մաքրել: Իսկ ահա պինդ ծծովի կոնֆետները իսկապես շատ վտանգավոր են ատամների համար:

Առասպել 4. Մաստակը պահպանում է հիգիենան

Գովազդային հոլովակները հաճախակի տեղեկացնում են այն մասին, որ մաստակը կարող է «բուժել» ատամի հետ կապված գրեթե բոլոր խնդիրները: Շատերը դա ընկալում են բառացի և սկսում են անդադար մաստակ ծամել: Բժիշկները հայտնում են, որ ատամների մաքրման նման պրոցեդուրան ողջամիտ է կատարել միայն ուտելուց հետո՝ 10 րոպե: Այդ ընթացքում նվազում է բերանի խոռոչի թթվ-ալկալային բալանսը և մաստակը օգնում է այն վերականգնել:

Սակայն մաստակի երկարատև ծամելը կարող է բացասաբար անդրադառնալ ստամոքսի վրա, քանի որ ծամելու ընթացքում խթանվում է ստամոքսահյութի արտադրություն, որը նախատեսված է սննդի մարսողության համար: Այն լցվում է ստամոքսի մեջ ու սկսում է քայքայել լորձաթաղանթը: Այն նաև վատ է անդրադառնում կրծոսկր-անրակային հոդի աշխատանքի վրա, որն էլ և կարող է հանգեցնել բավականին լուրջ պոթոլոգիայի զարգացման:

Առասպել 5. Ատամների հետ կապված խնդիրները փոխանցվում են ժառանգաբար

Հաճախակի կարելի է լսել այնպիսի արտահայտություններ, որ ատամների հետ կապված խնդիրները ժառանգական բնույթ են կրում: Իրականում ատամների հյուսվածքային կառուցվածքի վերաբերյալ տեղեկատվությունը փոխանցվում է ժառանգաբար, սակայն հարկավոր է նաև հիշել, որ ատամների կառուցվածքի վրա ազդում են նաև մի շարք այլ գործոններ, որոնք կարող են քայքայել անգամ ամենաառողջ ատամները: Դա քրոնիկ հիվանդություներն են, սննդակարգը, կաթնային ատամների բուժման որակն ու ատամների հիգիենայի պահպանման նրբությունները:

Առասպել 6.Որքան ատամի մածուկը թանկ է այնքան ավելի լավն է

Տարածված է նաև այնպիսի կարծիք, որ ատամները կարելի է որակյալ մաքրել միայն թանկ ատամի մածուկի օգնությամբ: Իրականում դա ամենևին էլ այդպես չէ: Իրականում ցանկալի է, որ հիգիենայի միջոցները մարդիկ գնեն դեղատներից: Բացի այդ հարկավոր է հիշել, որ առավոտյան և երեկոյան ատամները հարկավոր է մաքրել տարբեր մածուկներով: Առավոտյան ավելի ցանկալի է ընտրել հղկող տարբերակով մածուկներ, իսկ երեկոյան՝ այն մածուկները, որոնք պարունակում են խոտաբույսերի էքստրակտներ: Բացի այդ, ատամի մածուկը հարկավոր է կանոնավոր կերպով փոխել, քանի որ բերանի խոռոչում գտնվող մանրէրները կարողանում են շատ արագ հարմարվել նրանց:

Առասպել 7. Հիվանդության ախտանշանը ցավն է

Շատերը ապրում են այն կարգախոսով, որ եթե ատամները չեն ցավում, ուստի նրանք չարժե ստուգել: Իրականում դա շատ սխալ է, քանի որ ամուր ոսկրային հյուսվածքների շատ հիվանդություններ սկզբնական շրջանում կարող են ընթանալ առանց ախտանշանների, իսկ քայքայումներն այդ դեպքում հնարավոր չէ նկատել: Այնպես որ ատամնաբույժի հարկավոր է դիմել տարվա մեջ ամենաքիչը 2 անգամ, թեկուզ և պրոֆիլակտիկայի համար:

Աղբյուրը՝ aif.ru