Առողջ երիկամներ ունենալու 9 սկզբունքներ

17:49 • 23.03.16

Կյանքի յուրաքանչյուր նոր տասնամյակի հետ երիկամների ֆունկցիոնալությունը կրճատվում է 10%-ով, իսկ նրանց ախտահարման հավանականություն՝ բարձրանում:

ԱՄՆ-ի փորձառու նեֆրոլոգները ներկայացրել են մի քանի պարզ միջոցներ, որոնք թույլ կտան նվազեցնել երիկամային վտանգավոր հիվանդությունների առաջացման հավանականությունը:

1. Շաքարային դիաբետի, զարկերակային ճնշման ու սրտի առողջության վերահսկում

Շատ դեպքերում երիկամային հիվանդությունը համարվում է երկրորդական հիվանդություն, որը առաջանում է այնպիսի խանգարումների հետևանքով, ինչպիսիք են սրտանոթային հիվանդությունները, շաքարային դիաբետը կամ հիպերտոնիան: Շաքարային դեաբետով տառապողների 50%-ի մոտ առաջանում են երիկամների հետ կապված խնդիրներ: Զարկերակայն բարձր ճնշում ունեցողները ևս պետք է կանոնավոր կերպով ստուգեն երիկամների առողջական վիճակը:

2. Աղի օգտագործման կրճատում

Աղն ավելացնում է օրգանիզմում նատրիումի քանակությունը: Իսկ նրա հետ միասին ոչ միայն բարձրանում է զարկերակային ճնշումը, այլ նաև սկսում է ձևավորվել երիկամային հիվանդություն: Այդ պատճառով մասնագետները խորհուրդ են տալիս կրճատել սննդի մեջ աղի օգտագործումը:

3. Մեծ քանակությամբ ջրի օգտագործում

Հեղուկն ինքնին անհրաժեշտ է երիկամներին, որպեսզի նրանք կարողանան օրգանիզմից արտանետել բոլոր վնասակար տոքսիներն ու կողմնակի ազդեցությունն առաջացնող մթերքները: Իսկ եթե հեղուկը շատ քիչ է լինում, երիկամները ծանրաբեռնվում են: Բժիշկները խորհուրդ են տալիս օրական օգտագործել ամենաքիչը 4-ից 6 բաժակ ջուր, որը մոտավորապես կազմում է 2-ից 3 լիտր:

4. Հարկավոր է հաճախակի գնալ զուգարան

Արյան ֆիլտրացումը համարվում է երիկամների հիմնական ֆունկցիան: Այդ ֆիլտրացման արդյունքում օրգանիզմից դուրս են բերվում տրոհված մթերքների ավելցուկը: Միզապարկում գտնվող հեղուկը պետք է այնտեղից հնարավորինս շուտ դուրս գա: Եվ որքան շատ է այն այտեղ մնում է, այնքան ավելի է ծանրաբեռնվում միզապարկը, որն էլ և բնականաբար բացասաբար է ազդում ֆիլտրացիայի պրոցեսների վրա:

5. Օգտագործել թարմ ու օգտակար մթերքներ

Մեր օրգանիզմում գրեթե բոլոր պրոցեսները կախված են ընտրված սննդամթերքներից: «Վատ» սնունդի՝ օրինակ ֆատ-ֆուդի օգտագործման դեպքում, օրգանիզմում սկսում են առաջանալ բացասական երևույթներ, որնոց հետ բախվում են նաև երիկամները:

6. Առողջ ըմպելիքներ

Պարտադիր չէ ամեն օր օգտագործել միայն ջուր: Մրգային հյութերը ևս շատ օգտակար են: Հարկավոր է քիչ օգտագործել կոֆեին պարունակող թեյ ու սուրճ, քանի որ նրաք կրճատում են օրգանիզմում հեղուկի քանակությունը: Ցանկալի է դրանք փոխարինել ձմերուկով ու սեխով:

7. Ոչ մի ծխախոտ և ալկոհոլ

Ալկոհոլի ավելցուկը խախտում է երիկամների աշխատանքի վրա ազդող օրգանիզմի էլեկտրոլիտային բալանսն ու հորմոնալ հավասարկշռությունը: Չնայած ծխելն ուղղակիորեն չի ազդում երիկամների վրա, այն միևնույն է բացասաբար է ազդում նրանց ֆունկցիոնալության վրա:

8. Ֆիզիկական ծանրաբեռնվածություն

Հետազտողները ենթադրում են, որ ճարպակալումն ուղղակիորեն կապված է երիկամների հետ: Ավելորդ քաշը կրկնակի բարձրացնում է նման հիվանդությունների առաջացման հավանականությունը:

9. Ոչ մի ինքնաբուժում

Ընդունվող բոլոր դեղամիջոցները, այդ թվում նաև կենսակտիվ հավելումներն ու տարբեր տեսակի դեղաբույսերն անցնում են երիկամներով: Տարբեր տեսակի դեղամիջոցների ինքնակամ ընդունումը կամ նրանց չափաքանակի բարձրացումը կարող են երիկամների համար բավականին լուրջ խնդիրներ առաջացնել:

Աղբյուրը՝ med2.ru