Սրոհունդը(зверобой) ամենահզոր բուսական հակադեպրեսանտն է

15:22 • 26.03.16

Բազմաթիվ ուսումնասիրություններ ցույց են տվել, որ սրոհունդը հանդիսանում է ամենահզոր բնական հակադեպրեսանտը:

Այն խորհուրդ է տրվում օգտագործել վախի, լարվածության, սթրեսի ու դեպրեսիայի դեպքում: Սրոհունդի թեյն օգնում է ազատվել անհանգստությունից, լարվածությունից, անքնությունից, նյարդային լարվածությունից և հանգստացնում է:

Մասնագետները վստահեցնում են, որ այն նաև կարգավորում է մարսողական համակարգի գործունեությունը, շատ ուժեղ լեղամուղ է, պաշտպանում է լորձաթաղանթն ու նվազեցնում է կծկումների առաջացումը: Սրոհունդի թուրմով բերանը ողողելու դեպքում հնարավոր է հանգիստ բուժել կոկորդի, լնդերի ու նշիկների բորբոքումները:

Բացի այդ, այն իր հակավիրուսային ու հակաբիոտիկային հատկությունների շնորհիվ շատ օգտակար է հարբուխի, բրոնխիտի ու սինուսիտի բուժման համար:

Հնում սրոհունդն իր բուժիչ հատկությունների շնորհիվ օգտագործվել է որպես հանգստացնող, թուլացնող, ինչպես նաև սրտանոթային ու լեղազատման ուղիների հիվանդությունների դեմ պայքարող միջոց:

Ինչով է պայմանավորված այս բույսի բուժիչ հատկություններն ու ինչ է այն պարունակում:
Սրոհունդը պարունակում է 15 կենսակտիվ նյութեր, այդ թվում նաև խոլին, վալերյանաթթու,սապոնին, եթերայուղեր, որոնք այդ բույսին հաղորդում են հոյակապ հատկություններ: Սապոնինն ունի խորխաբեր ու ջերմիջեցնող հատկություններ, այդ պատճառով սրոհունդի թեյը համարվում է մրսածության հիվանդությունների բուժման անփոխարինելի միջոց:

Բույսի մեջ առկա դառը նյութերը խթանում է մարսողությունը, բուժում են թութքն ու օրգանիզմից դուրս են բերում մակաբույծներին:

Բացի այդ բույսի մեջ առկա քլորագեն ու կոֆեինաթթուն ունեն հակաբորբոքային ու վերքամոքիչ հատկություններ, իսկ ֆլավոնոիդները սրտի վրա թողնում են անոթալայնիչ ու հիպոտենզիվ ազդեցություն:

Եթերայուղերը բույսին հաղորդում են վերքամոքիչ հատկություններ:

Սրոհունդը համարվում է հիանալի հանգստացնող միջոց: Այն բավականին արդյունավետ է գործում միգրենի, գլխացավերի, նևրոզի, հիստերիա յի և նևրալգիայի բուժման դեպքում:

Բացի այդ լուսնոտությամբ, անհանգստությամբ, խոսքի խանգարումներով կամ ծնոտի վնասվածքներով տառապող մարդիկ կարող են բուժվել այն միջոցների օգնությամբ, որոնք պարունակում են սրոհունդ:

Այս բույսի հրաշալի հատկություններն այս ամենով չեն սահմանափակվում: Այն հիանալի բուժում է կտրվածքի, էկզեմայի, միջատների խայթոցից առաջացած բաց ու թարախային վերքերը:

Մաշկային մի շարք հիվանդություններ հնարավոր է բուժել նաև սրոհունդի ծաղիկների հիմքի վրա պատրաստված քսուքով, որը վաճառվում է դեղատներում: Այն պայքարում է նաև ցավային զգացողությունների, քորի դեմ, հանգստացնում է մաշկն ու բուժում է այրվածքները:

Բացի այդ, մասնագետները պնդում են, որ մաշկի վրա սրոհունդի յուղը քսելու միջոցով հնարավոր է բուժել ալերգիան, այրվածքները, մաշկի գրգռումն ու էկզեման:

Աղբյուրը՝ fithacker.ru