Ծխախոտի կողքային ծուխը պարունակում է ավելի շատ քաղցկեղածին և թունավոր նյութեր

21:40 • 29.03.16

Ծխախոտի ծուխը իրենից ներկայացնում է վնասակար գազերի, հեղուկների և ներշնչվող տարատեսակ մասնիկների խառնուրդ: Այն կազմված է հիմնական ծխից, որ ներքաշում կամ արտաշնչում է ծխողը և կողքային ծխից՝ ծուխ, որ դուրս է գալիս վառվող սիգարետի ծայրից:
Կողքային ծուխը զգալիորեն տարբերվում է հիմնականից, քանակական և որակական պարունակությամբ: Կողքային ծուխը 2 անգամ ավելի շատ նիկոտին է պարունակում, քան հիմնականը: Քիմիական բաղադրության տեսակետից կողքային ծուխը պարունակում է ավելի շատ քաղցկեղածին և թունավոր նյութեր:

Ծխախոտի ծուխը պարունակում է նիկոտին, ածխածնի մոնօքսիդ, ծխախոտային խեժ և 4000 տարբեր միացություններ,որոնք կարող են վնասել բջիջները և քաղցկեղածին են:
Քացղկեղածին նյութերի շարքին են պատկանում ացետալդեհիդը, ակրիլոնիտրիլը, 1-ամինոնաֆթալենը, 2-ամինոնաֆթալենը (առաջացնում է միզապարկի քաղցկեղ), բենզոլը (առաջացնում է տարբեր օրգանների քաղցկեղ, ներառյալ լեյկոզ), բենզպիրենը (առաջացնում է թոքերի և մաշկի քաղցկեղ), 1.3-բուտադիենը, կադմիումը (ախտահարում է ուղեղը, լյարդը, երիկամը), քրոմը (առաջացնում է թոքերի քաղցկեղ), ֆորմալդեհիդը (առաջացնում է քթի քաղցկեղ, վնասում է աղեստամոքսային տրակտը, թոքերը և մաշկը), կապարը (առաջացնում է անէմիա, գլխուղեղային ներվերի, երիկամների, վերարտադրողական համակարգի վնասում), նիկելը (առաջացնում է բրոնխիալ ասթմա և վերին շնչուղիների գրգռում), խինոլինը (առաջացնում է լյարդի վնասում և գենային մուտացիաներ), ստիրոլը (առաջացնում է լեյկոզ, գլխացավեր), ացետոնը (առաջացնում է աչքերի գրգռում, վնասում է լյարդը և երիկամները), ամոնիակը (առաջացնում է ասթմա և արյան ճնշման բարձրացում), բենզինը (առաջացնում է տարբեր տեսակի քաղցկեղներ և լեյկոզ), կրուտոնալդեհիդը (առաջացնում է իմուն համակարգի խանգարում և քրոմոսոմային փոփոխություններ):

Նիկոտինը քաղցկեղածին չէ, բայց առաջացնում է կախվածություն:

Ծխախոտային խեժը՝ պարունակում է տարբեր տեսակի քաղցկեղ առաջացնող քիմիական նյութերից, որի 70%-ը մնում է թոքերում: Քիմիական նյութերից է ածխածնի մոնօքսիդը, որը ծխելու ժամանակ ներթափանցելով օրգանիզմ, դուրս է մղում արյան հեմոգլոբինի մեջ պարունակող թթվածինը և հեմոգլոբինի հետ կապվելով՝ հագեցնում է թթվածնի քանակի նվազեցմանը: Ածխածնի մոնօքսիդը թունավոր գազ է, չունի հոտ և համ, շնչելիս մեծ քանակի դեպքում բերում է կոմայի և մահվան, քիչ քանակը թուլացնում է սրտի աշխատանքը, առաջացնում է գլխապտույտ, քանի որ իջեցնում է թթվածնի տեղափոխումը դեպի բոլոր օրգանները, այդ թվում դեպի սիրտ և ուղեղ:

Աղբյուր՝ NCDC, Armenia ֆեյսբուքյան էջ